Morgunblaðið - 25.05.2009, Side 31

Menning 31FRÉTTIR
MORGUNBLAÐIÐ MÁNUDAGUR 25. MAÍ 2009
Það er eitthvað
styrkjandi við það að
fylgjast með slíkum nátt-
úrubörnum að störfum. 33
»
DRAUMAR 2009, alþjóðleg döff-leiklistar-
hátíð hófst í Þjóðleikhúsinu í gær og stendur
út mánuðinn.
Hátíðin er skipulögð af Draumasmiðjunni í
samstarfi við Þjóðleikhúsið, Háskóla Íslands
og leikhópinn Döff-rætur. Markmið hátíð-
arinnar er að bjóða heyrnarlausum Íslend-
ingum upp á úrval alþjóðlegra leiksýninga sem
gerðar eru með þarfir þeirra í huga og skara
fram úr hvað gæði og fagmennsku varðar.
Annað markmiðið er að auka tengsl lista-
fólks sem vinnur við döff-leikhús og kynna sér-
staklega Draumasmiðjuna, eina döff-leikhúsið
á Íslandi, á alþjóðlegum vettvangi. Auk þess
standa vonir til þess að hátíðin auki áhuga og
skilning almennings á menningu heyrnar-
lausra og þá sérstaklega á döff-leikhúsi.
Dagskrá hátíðarinnar er viðamikil og sam-
anstendur af námskeiðum og fyrirlestrum, en
líka afar forvitnilegum sýningum sem koma
frá Tékklandi, Finnlandi, Singapore, Eng-
landi, Svíþjóð og Íslandi en þær verða allar í
sýningarsal Þjóðleikhússins, Kassanum og
hefjast kl. 20. Miðasala er á midi.is.
Drauma-döff í viku
Úrval góðra leiksýninga fyrir heyrnarlausa
Lostin Úr sýningu Draumasmiðjunnar, á einu
atriði döff-hátíðarinnar í Þjóðleikhúsinu.
TÓNSKÁLDA-
STOFA sem Sin-
fóníuhljómsveit
Íslands efnir til í
Háskólabíói
klukkan 9.30 í
dag, er nýbreytni
í starfi hljóm-
sveitarinnar. Um
er að ræða vinnu-
stofu þar sem
leikin verða ný
hljómsveitarverk eftir þrjú íslensk
tónskáld og í kjölfarið fá þau athuga-
semdir og leiðbeiningar frá Rumon
Gamba, aðalstjórnanda SÍ, og hljóð-
færaleikurum.
Verkin sem valin hafa verið eru
Dreaming eftir Önnu Þorvaldsdótt-
ur, Þórdísarhyrna eftir Hafdísi
Bjarnadóttur og Norður eftir Pál
Ragnar Pálsson. Öll eru tónskáldin
fædd árið 1977 og stunda nám við
tónlistarháskóla erlendis, Anna við
Kaliforníuháskóla, Hafdís við Tón-
listarháskólann í Kaupmannahöfn
og Páll Ragnar við Tónlistarháskól-
ann í Tallinn í Eistlandi.
Markmiðið með tónskáldastofunni
er að þjálfa ung íslensk tónskáld í að
skrifa fyrir hljómsveit, en oft reynist
ungum tónskáldum erfitt að fá
reynslu á þessu sviði þar sem tæki-
færin eru fá og samkeppnin mikil. Í
kjölfarið á vinnustofunni fá öll tón-
skáldin færi á að endurskoða verk
sín og í september mun SÍ hljóðrita
verkin þrjú fyrir Ríkisútvarpið.
Tónskáldastofan stendur frá kl.
9.30-12.50 og er aðgangur ókeypis.
Flytja verk
og leiðbeina
Anna
Þorvaldsdóttir
SÍ efnir til Tón-
skáldastofu í dag
SAGNASAFNIÐ
Steintré eftir
Gyrði Elíasson
hefur verið til-
nefnt til Alþjóð-
legu Frank
O’Connor
smásagnaverð-
launanna, en það
eru helstu verð-
laun sem veitt
eru fyrir smásögur. Nemur verð-
launaféð 35.000 evrum, rúmlega sex
milljónum króna.
Ensk þýðing Victoriu Cribb á
Steintré, sem Comma press gaf út,
er tilnefnd á svokallaðan „langan
lista“ fimmtíu bóka, sem verður síð-
ar í sumar fækkað niður í sex til átta,
áður en verðlaunin verða afhent á
Írlandi í haust.
Flestir hinna tilnefndu höfunda
eru frá Bretlandi, 17 talsins, og
Bandaríkjunum, 15.
Verðlaunin eru kennd við Frank
O’Connor sem var heimskunnur fyr-
ir smásögur sínar.
Sögur Gyrðis
tilnefndar
Gyrðir Elíasson
KAMMERKÓR Akraness
heldur tónleika í Guðríð-
arkirkju í Grafarholti í
kvöld, mánudag, klukkan
20.30.
Efnisskráin er fjöl-
breytileg og víða komið
við í tónlistarflórunni;
andleg verk, alþýðulög,
madrigalar og dægurlög.
Meðal annars verða fluttir kaflar úr Celtic Mass
eftir írska tónskáldið Michael McGlynn.
Einsöngvarar koma úr hópi kórfélaga, en einn-
ig syngur Auður Guðjohnsen messósópran með
kórnum. Kristín Sigurjónsdóttir leikur á fiðlu.
Stjórnandi Kammerkórs Akraness, sem var stofn-
aður árið 2004, er Sveinn Arnar Sæmundsson.
Tónlist
Kammerkór
Akraness syngur
Guðríðarkirkja
SÝNINGIN „Dúett – Sonn-
ettusveigur“ var opnuð á
Vesturvegg Skaftfells, mið-
stöðvar myndlistar á Austur-
landi, á laugardaginn, og
stendur til 7. júní.
Bókin Dúett kom út fyrir
tæpu ári og er samstarfsverk-
efni hjónanna Lóu, Ólafar
Bjarkar Bragadóttur, og Sig-
urðar Ingólfssonar. Hún mál-
ar myndirnar og hann yrkir
ljóðin. Myndirnar eru unnar með blandaðri tækni
og málaðar á árunum 2007-2008. Sonnettusveig-
urinn var fimmtán ár í smíðum. Sýningin hefur ver-
ið sett upp á nokkrum stöðum, á Egilsstöðum og á
jafnréttisráðstefnu á Suðurnesjum og á Akureyri.
Myndlist og bókmenntir
Sonnettusveigur
í Skaftfelli
Hjónin Ólöf Björk og
Sigurður
ALLA þessa viku munu
lúðrasveitir á höfuðborg-
arsvæðinu sameina kraftana
og leggja sitt af mörgum til
að blása lífi í borgina.
Á slaginu klukkan 15,
mánudag til föstudags, verða
fimm lúðrasveitir búnar að
stilla sér upp á fimm mismun-
andi stöðum í borginni og
munu allar marsera um nær-
liggjandi götur. Fólk kemur
meðal annars til með að sjá og heyra lúðrasveit-
irnar á Fiskislóð, í miðbænum, Borgartúni, Laug-
ardalnum og á Bíldshöfða. Þátt taka Lúðrasveitir
verkalýðsins, Reykjavíkur og Svanur, og Skóla-
hljómsveitir Austurbæjar og Vesturbæjar.
Tónlist
Lífi blásið í lúðra
og í borgina
Lúðrasveitirnar
blása af list.
Eftir Kolbrúnu Bergþórsdóttur
kolbrun@mbl.is
ÞJÓÐIN lætur efnahagskreppuna ekki tefja sig við bók-
lestur og bækur hafa selst ágætlega síðustu mánuði. Gott
hljóð er í útgefendum og bókaútgáfa fer ekki í sumarfrí.
Hvíta bókin er heiti á nýrri bók eftir Einar Má Guð-
mundsson sem Forlagið gefur út í júní. Þetta er greina-
safn um efnahagshrunið, samfélagsþróun og samfélags-
mein. Verkið er unnið upp úr greinum og ræðum sem
Einar Már skrifaði í haust og birtust meðal annars í
Morgunblaðinu og vöktu mikla athygli. Allt efnið er end-
urritað og um það bil þriðjungur er alveg spánnýr.
Guðni Th. Jóhannesson sagnfræðingur er á sömu slóð-
um í bókinni Hrunið: Ísland á barmi gjaldþrots og upp-
lausnar sem kemur einnig út í júní hjá Forlaginu. Guðni
er sagður hafa viðað að sér einstökum heimildum um ís-
lenska efnahagshrunið og eftirmál þess.
„Mikil sumarbók“
Þeir sem vilja ekki lesa um ískaldan íslenskan raun-
veruleika geta leitað á náðir skáldskaparins, til dæmis
nýja skáldsögu eftir Bergsvein Birgisson. Bergsveinn
skrifaði skáldsöguna Landslag er aldrei asnalegt sem
kom út árið 2005 og var tilnefnd til Íslensku bókmennta-
verðlaunanna. Nýja sagan kemur út þjóðhátíðardaginn
17. júní sem hlýtur að teljast óvenjulegur dagur fyrir
skáldsagnaútgáfu en útgáfustjóri Bjarts, Guðrún Vil-
mundardóttir, segir þetta vera mikla sumarbók: „Hún
heitir Handbók um hugarfar kúa, og Bergsveinn segir
sjálfur að þetta sé skáldfræðisaga. Hún segir frá ungum
menningarfræðingi sem er kominn til Íslands eftir
strangt nám í útlöndum. Hann fær ekkert að gera, ekki
nóg með að eftirspurnin eftir menningarfræðingum sé
ekki nægileg, heldur eru þar að auki margir á undan hon-
um í röðinni. Að lokum fær hann í gegnum klíku vinnu við
að gera handrit að heimildarmynd um íslensku kúna.“
Þýdd klassík og spennubækur
Í júní gefur Forlagið út Fuglana eftir Tarjei Vesaas í
þýðingu Hjalta Rögnvaldssonar. Sagan sem kom út í Nor-
egi árið 1957 er talin ein merkasta skáldsaga Norðmanna
á 20. öld. Í júlí gefur Forlagið svo út Kínverjann eftir
Henning Mankell en Svenska dagbladet segir þetta bestu
bók Mankells í fimmtán ár.
Í Neonklúbbi Bjarts kemur út í júní Laura og Julio eft-
ir hinn spánska José Juan Millas og seinna í sumar kemur
spennusagan Í meðferð, fyrsta skáldsaga þýska höfund-
arins Sebastian Fitzek sem var metsölubók í Þýskalandi.
Bókaforlögin senda frá sér fleira góðgæti, þar á meðal
er 79 af stöðinni eftir Indriða G. Þorsteinsson sem For-
lagið gefur út í kiljuformi í júní.
Samkvæmt þessari samantekt ætti enginn að þurfa að
halda bókalaus út í sumarið.
Blómleg útgáfa í sumar
 Einar Már Guðmundsson og Guðni Th. Jóhannesson senda frá sér bækur um
hrunið  „Skáldfræðisaga“ kemur út 17. júní , „Handbók um hugarfar kúa“
Morgunblaðið/Kristinn Ingvarsson
Einar Már Guðmundson Hann sendir frá sér Hvítu bókina, greinasafn um efnahagshrunið.
Glerlykillinn, verðlaun Skandinaviska
Kriminalsällskapet, verða afhent föstu-
daginn 29. maí í Reykjavík. Harðskafi
Arnaldar Indriðasonar er tilnefnd fyrir Ís-
lands hönd. Laugardaginn 30. maí verða
svo pallborðsumræður um glæpasögur í
Norræna húsinu þar sem Yrsa Sigurð-
ardóttir og Jo Nesbö verða meðal þátt-
takenda.
Hinn norski Nesbö á einmitt bók á ís-
lenska metsölulistanum, sem er Rauð-
brystingur, gríðarlega spennandi og
læsileg glæpasaga. Á metsölulistanum er
einnig Karlar sem hata konur eftir Stieg
heitinn Larsson. Bók sem allir unnendur
sakamálasagna verða að lesa.
Ný bók, Í frjálsu falli, eftir spennu-
sagnahöfundinn Lee Child er komin út
og Englar og djöflar eftir hinn ríka og
fræga Dan Brown er komin í kilju.
Sannkallað glæpasumar framundan
Í kvöld, mánudagskvöld:
The Hunt of King Charles, fyrsta táknmáls-
ópera heims, frá Totti leikhúsinu í Finnlandi.
Þriðjudagskvöld:
Lostin, nýtt íslenskt frá íslensku Drauma-
smiðjunni í samvinnu við Tékka.
Fimmtudagskvöld:
Mistero Buffo, gamanverk frá döffleik-
húsfólki frá Englandi og Singapore.
Föstudagskvöld:
Lostin, sýning Draumasmiðjunnar.
Laugardagskvöld:
The Dream boys – frá Gay Pride til
Drauma, sýning frá Tyst leikhúsinu í Sví-
þjóð.
Leiksýningar