Morgunblaðið - 20.10.2009, Page 4

4 FréttirINNLENT
MORGUNBLAÐIÐ ÞRIÐJUDAGUR 20. OKTÓBER 2009
Eftir Baldur Arnarson
baldura@mbl.is
„VIÐ erum ræða þau mál sem út af
hafa staðið en ég get ekki sagt að
það hafi miðað neitt vel. Við sjáum
það kannski á morgun [í dag] hvort
það verða einhverjar breytingar
varðandi þessa málaflokka eins og
ríkisfjármálin, gjaldeyrishöftin og
vextina en framkvæmdamálin eru
alveg stopp,“ segir Vilhjálmur Eg-
ilsson, framkvæmdastjóri Samtaka
atvinnulífsins, um framhald við-
ræðna um stöðugleikasáttmála ríkis,
verkalýðsfélaga og fulltrúa atvinnu-
lífsins.
– Ertu vongóður um framhaldið?
„Eins og þetta horfir við í dag er
það algjörlega raunhæfur möguleiki
að samningarnir detti í sundur og
verði ekki framlengdir.“
– Hvenær gæti það gerst?
„Fresturinn sem við höfum renn-
ur út á þriðjudaginn í næstu viku.“
Framkvæmdafundi frestað
Til stóð að ræða fyrirhugaðar
framkvæmdir hins opinbera, sem
ætlað er að vega á móti niðursveifl-
unni og slá á atvinnuleysi, en þeim
fundi var frestað, að sögn Vilhjálms,
sem telur málin þokast alltof hægt
hjá ríkinu.
Gylfi Arnbjörnsson, forseti Al-
þýðusambands Íslands, tekur undir
það að sáttmálinn sé í uppnámi.
„Það sem hefur staðið út af eru í
fyrsta lagi skattamálin, umfang
skattheimtu á næsta ári. Þá er það
framkvæmdahliðin, en verklegar
framkvæmdir eru í uppnámi, sér-
staklega vegna inngripa umhverfis-
ráðherra gagnvart suðvesturlínu.
Síðan er ágreiningur um vexti og
gjaldeyrishöft en frágangur Icesave-
málsins hjálpar mikið til með það,“
segir Gylfi, sem óttast að auknar
álögur muni draga úr neyslu og þar
með úr atvinnuframboði síðar meir.
Samningurinn
gæti sprungið
 Stöðugleikasáttmálinn í uppnámi
 Fundi um framkvæmdir frestað
Vilhjálmur
Egilsson
Gylfi
Arnbjörnsson
NOKKRIR mótmælendur stóðu vaktina fyrir utan Alþingishúsið er samn-
ingurinn um Icesave var ræddur þar í gær. Skilaboð voru hengd á snúru
milli ljósastaura og þarna dingluðu líka nokkrir bangsar og dúkkur.
Morgunblaðið/Golli
STÓÐU MÓTMÆLAVAKTINA
„VIÐ gátum brugðist hratt við og
leyst vandamálið,“ segir Hrannar
Pétursson, blaðafulltrúi Vodafone.
Eins og Morgunblaðið sagði frá í
gær lenti Árni Jónsson, fjölskyldu-
faðir í Reykjavík, í því þegar hann
flutti fastlínusíma sinn frá Voda-
fone yfir til Símans að ekki var
hægt að hringja til hans úr fastl-
ínukerfi fyrrnefnda fyrirtækisins.
Hrannar segir skýringu þessa
felast í mistökum við skráningu.
Mál af þessu tagi eru þekkt þegar
fólk færir sig milli fyrirtækja, en
símafyrirtækin leysa þau jafnan
hratt og vel. „Hér virðist brotalöm
í samskiptum símfyrirtækjanna
hafa orðið til þess að Árni fékk
ekki þá þjónustu sem hann gerði
eðlilega kröfu um. Við hörmum að
svo hafi verið og munum í fram-
haldinu skoða hvort eitthvað geti
komið í veg fyrir að svona lagað
endurtaki sig,“ segir Hrannar.
sbs@mbl.is
Brotalöm í
símkerfi leyst
Morgunblaðið/Kristinn
Sími Síminn á heimili Árna Jóns-
sonar er loksins kominn í lag.
Eftir Björn Jóhann Björnsson
bjb@mbl.is
FRÁ því að bankarnir hrundu fyrir
um ári hefur Eftirlitsstofnun EFTA
(Fríverslunarbandalags Evrópu),
ESA, tekið á móti 13 kærum á ís-
lensk stjórnvöld og stofnanir á veg-
um hins opinbera. Þar af eru 11 kær-
ur sem með einum eða öðrum hætti
tengjast hruni bankanna og meint-
um brotum á reglum hins innri
markaðar í Evrópu. Tvær kærur
tengjast ríkisstyrkjum eða stuðningi
opinberra aðila við tiltekin verkefni.
Inge Hausken Thygesen, upplýs-
ingafulltrúi ESA, segist ekki geta
upplýst hvaðan kærurnar koma ná-
kvæmlega, óskað hafi verið eftir
trúnaði að hálfu kærenda, en segir
þær flestar koma frá bönkum og
öðrum fjármálafyrirtækjum í Evr-
ópu.
Þó að Thygesen geti ekki upplýst
um kærendur nema að takmörkuðu
leyti má fastlega ganga út frá að
þetta séu kröfuhafar bankanna í
flestum tilvikum, sem telja sér hafa
verið mismunað eftir fall bankanna,
líkt og hollenskir sparifjáreigendur
sem lagt hafa inn kæru til ESA
vegna Icesave-reikninganna, og
greint var frá í Morgunblaðinu fyrir
helgi. Í þeirra tilviki beinist kæran
gegn Fjármálaeftirlitinu sem með
setningu neyðarlaga tók yfir stóru
bankana þrjá.
Thygsen segir að bak við hverja
kæru séu í sumum tilvikum margir
aðilar. ESA sé enn að vinna í þessum
málum og afla gagna og upplýsinga
frá stjórnvöldum. Góður tími geti
liðið þar til einhver niðurstaða fæst,
ef ESA telur ástæðu til að fara með
málin alla leið. Þar sem kæruefnin
eru mörg sambærileg býst Thyge-
sen við að ESA sameini athugun á
þeim. „Ef við teljum ástæðu til að
kanna kæruefnin nánar munum við
gera það á okkar vegum, ekki kær-
enda,“ segir hann.
Þrettán kærur eftir hrunið
 Eftirlitsstofnun EFTA í önnum eftir hrun íslensku bankanna  Af 13 kærum
tengjast 11 hruni bankanna með einum eða öðrum hætti  Málin líklega sameinuð
EFTA Eftirlitsstofnunin er í Brüssel og þar starfa nokkrir Íslendingar.
Í HNOTSKURN
»Fljótlega eftir hrun bank-anna í október á síðasta ári
hafði ESA frumkvæði að því
að óska eftir upplýsingum frá
stjórnvöldum um neyðarlögin.
»Eftir því sem lengri tímihefur liðið frá hruninu
hefur kærum til stofnunar-
innar fjölgað.
EKKERT hefur spurst til Jakobs
Fenger, 57 ára gamals Íslendings,
sem hvarf í fyrrasumar þegar hann
sigldi einn á skútu frá Bermúda-
eyjum til Íslands.
Nú hefur verið höfðað mál fyrir
Héraðsdómi Reykjavíkur, þar sem
gerðar eru þær dómkröfur að Jakob
verði úrskurðaður látinn. Málið
verður tekið fyrir fimmtudaginn 28.
janúar 2010 og þangað er stefnt
hverjum þeim sem telur sig geta
gefið upplýsingar um dvalarstað eða
afdrif Jakobs Fenger. Komi engar
nýjar upplýsingar fram má búast við
að dómur gangi um að Jakob verði
úrskurðaður látinn.
Fram kemur í stefnu til staðfest-
ingar á andlátinu að Jakob Fenger
hafi haldið úr höfn á Bermúda á 34
feta skútu hinn 31. maí 2008. Hugð-
ist hann sigla skútunni til Íslands
með viðkomu á St. Johns á Ný-
fundnalandi. Á hádegi hinn 3. júní
heyrðist síðast frá Jakobi og virtist
þá ferðin ganga ágætlega. Frá þeim
tíma hefur ekkert spurst til hans.
Mikil leit hófst þegar og tók banda-
ríska og kanadíska strandgæslan
þátt í henni ásamt Landhelgisgæsl-
unni. Skipulagðri leit var hætt 19.
júní. Eftir það var svipast um eftir
skútunni en án árangurs.
Enn ekkert spurst til Jakobs
Krafa gerð fyrir dómi
um að hann verði
úrskurðaður látinn
TVÖ félög í eigu lögmannsins
Björns Þorra Viktorssonar og við-
skiptafélaga hans hafa verið tekin til
gjaldþrotaskipta og er skiptafundur
boðaður 5. janúar næstkomandi.
Félögin heita Fasteignasalan Mið-
borg ehf. og lögmannsstofan Lög-
menn Laugardal, bæði til húsa á
Laugavegi 182 í Reykjavík. Björn
Þorri hefur á síðustu misserum tekið
upp hanskann fyrir skulduga ein-
staklinga í kjölfar hrunsins.
Heldur málflutningsréttindum
Eins og rakið hefur verið í
Morgunblaðinu þarf lögmaður að
verða persónulega gjaldþrota til að
sæta sviptingu málflutningsréttinda
af hálfu dómsmálaráðuneytisins.
Þegar félög í eigu lögmanns verða
gjaldþrota er ekki brugðist við með
sama hætti, enda eiga þá við hluta-
félaga- og einkahlutafélagalög sem
kveða á um rekstur fyrirtækja.
Skipt var um kennitölu á ofan-
greindum fyrirtækjum og var nafni
lögmannsstofunnar Lögmenn Laug-
ardal breytt í M182-A ehf en nafni
Miðborgar í M182-B ehf.
Að auki átti Björn Þorri hlut í
annarri fasteignasölu og lögmanns-
stofu en hann neitaði að tjá sig um
stöðu þeirra fyrirtækja þegar eftir
því var leitað síðdegis í gær.
Tvö félög
Björns
Þorra í þrot
Missir ekki leyfið