Saga - 1985, Blaðsíða 190

188
JÓNAS GÍSLASON
stöðu bókavarðar; hann er enskrar ættar, lauk árið 1954 meistaraprófi frá
háskólanum í Cambridge í ensku og öðrum germönskum málum, m. a. í
forníslenzku; hann dvaldist á íslandi veturinn 1955-6 við íslenzkunám í
Háskóla Islands; kenndi hann síðan unr hríð á Englandi.
Bullivant gerðist rómversk-kaþólskur og hóf prestsnám 1961 og var
vígður í Rómaborg sex árum síðar; gekk hann í reglu OMI og hefur
starfað á vegum hennar síðan;- síra Bullivant er einnig mikill áhugamaður
um málefni Amnesty International og hefur tekið virkan þátt í starfi þess
fclagsskapar.
Síra Bullivants hefur áður verið getið hér í Sögu árið 1977. Þórarinn
Þórarinsson, fyrrverandi skólastjóri, segir þar frá því, er fundum þeirra
bar saman í Rómaborg snemma sumars 1976; fékk hann síra Bullivant til
þess m.a. að sýna sér Vatikansafnið; bað hann Bullivant um að reyna að
finna bréf það, er Ögmundur biskup Pálsson ritaði til páfa um mál Jóns
Arasonar sumarið 1524. Þetta bréf hafði verið talið glatað, en til var upp-
kast að svarbréfi páfa til Ögmundar biskups, og mátti ráða af því nokkuð
um efnið í bréfi biskups; var þetta uppkast páfabréfsins birt í sautjánda
bindi norska fornbréfasafnsins, en hafði ekki komizt í íslenzka fornbréfa-
safnið. Síra Bullivant tókst að finna bréf Ögmundar; var það birt í Sögu
1977 og þótti tíðindum sæta.
III
Fundum okkar síra Bullivants bar fyrst saman veturinn 1971-2, er hann
dvaldist hér við háskólann í leyfi frá Rómaborg; er ég átti þess kost vorið
1980 að dveljast í Rómaborg, naut ég leiðsagnar hans um hina helgu borg;
m. a. fór hann með mig á Vatikansafnið, þar sem við blöðuðum í gömlum
skjölum. Ég hvatti Bullivant mjög til þess að reyna að kanna, hvort ein-
hver íslenzk skjöl enn óbirt kynnu að leynast þar; mér gafst kostur á að
ræða við einn af æðstu mönnum OMI reglunnar og hvatti til þess, að
Bullivant fengi leyfi til þess að kanna skjöl í Vatikansafninu fyrir okkur
íslendinga.
Undanfarin ár hefur síra Bullivant síðan notað nokkurn tíma til þess að
kanna skjöl í Vatikansafninu; þar fann hann páfabréf það, sem hér verður
birt í fyrsta sinn á prenti í fullri lengd; það er frá árinu 1303; þar ritar Boni-
facius páfi VIII þremur norskunr biskupum og felur þeim að vígja nýjan
biskup til Skálholts, en þar hafði verið biskupslaust í fimm ár frá andláti
Árna biskups Þorlákssonar.
Vegna þessara kannana síra Bullivants sá Guðfræðideild Haskóla
Islands ástæðu til þess að bjóða honum hingað til lands til fyrirlestrahalds
í samvinnu við Stofnun Árna Magnússonar; kom hann hingað í lok nóv-
ember 1984 og flutti tvo fyrirlestra. Fyrri fyrirlesturinn Ijallaði almennt