Organistablaðið - 01.05.1969, Síða 22

Björn Kristjánsson.
Björn Kristjánsson fæddist 26. febr.
1858 á Hreiðurborg í Flóa. Hann ólst
upp við erfið kjör eins og altítt var
um unglinga á þeim tímum En hann
var snemma duglegur og fylginn sér,
hvort heldur var við fiskidrátt eða
vinnu til sveita. Björn var fjölhæfur
gáfumaður. Hann lærði skósmíði og
stundaði þá iðn um skeið. Hann setti
á stofn verzlun í Reykjavík og dafn-
aði hún vel og naut trausts og álits.
Ilann stundaði bókhaldsstörf og var
um tíma bæjargjaldkeri i Reykjavík.
Árið 1900 varð hann bankastjóri i
Landsbankanum.
Björn átti mörg áhugamál. Hann
hafði mikinn áhuga á málmvinnslu
og á fullorðinsárum nam hann steina-
fræði í Þýzkalandi. Björn tók mikinn
þátt í stjórnmálum og sat á Alþingi
yfir 30 ár, og 1917 þegar fyrst var
mynduð þriggja manna ríkisstjórn hér
á landi varð hann ráðherra í ráðuneyti
Jóns Magnússonar.
Björn var gæddur góðum tónlistar-
hæfileikum. Ungur lærði hann að leika
á harmoníum. Og 1878—’79 og aftur
1882—’83 dvaldi hann i Kaupmanna-
höfn og lærði söngfræði. Ritaði hann
af þekkingu og glöggskyggni ýmislegt
um tónlistarmálefni. — Árið 1888 gaf
hann út söngfræði — Stafrof söngfræð-
innar — og kom sú bók út aftur 1922.
Er hún einhver hin ítarlegasta bók um
söngfræði sem gefin hefur verið út á
Islandi. Björn var 3 ár kirkjuorganisti
á Akureyri. Ifann samdi nokkur söng-
lög, eru tvö þeirra prentuð í Islenzku
söngvasafni og eitt (sálmalag) í
Organtónum Brynjólfs Þorlákssonar.
Árið 1891 kom út lítil bók. Á titilsíðu
stendur: „Nokkur fjórrödduð sálmalög.
Viöbót og umbót við Kirkjusöngsbæk-
ur Jónasar Helgasonar. Safnað hafa
og búið til prentunar síra St. Thorar-
ensen og Björn Kristjánsson, Ileykja-
vík. Á kostnað Sigfúsar Eymundssonar.
ísafoldarprentsmiðja. 1891.“ — I þessu
hefti eru tvö lög, sem kölluð eru „Is-
lenzk lög“. En Sigf. Eym. segir i for-
mála hver sé höfundur, en það er Björn
Kristjánsson. Þessi lög, „I dag er glatt
í döprum hjörtum" og „Ó, blessa Guð,
vort feðrafrón" eru nú bæði í sálma-
söngsbók vorri og eru oft sungin við
messur og aðrar kirkjulegar athafnir.
Björn dó 13. ágúst 1939.
(Greinarkorn þetta átti að birtast í
siðasta tbl. en varð — ásamt fleiru —
að biða þessa blaðs).
P. 11.
22 ORGANISTABLAÐIÐ