Organistablaðið - 01.05.1969, Qupperneq 22

Organistablaðið - 01.05.1969, Qupperneq 22
Björn Kristjánsson. Björn Kristjánsson fæddist 26. febr. 1858 á Hreiðurborg í Flóa. Hann ólst upp við erfið kjör eins og altítt var um unglinga á þeim tímum En hann var snemma duglegur og fylginn sér, hvort heldur var við fiskidrátt eða vinnu til sveita. Björn var fjölhæfur gáfumaður. Hann lærði skósmíði og stundaði þá iðn um skeið. Hann setti á stofn verzlun í Reykjavík og dafn- aði hún vel og naut trausts og álits. Hann stundaði bókhaldsstörf og var um tíma bæjargjaldkeri í Reykjavík. Árið 1900 varð hann bankastjóri í Landsbankanum. Björn átti mörg áhugamál. Hann hafði mikinn áhuga á málmvinnslu og á fullorðinsárum nam hann steina- fræði í Þýzkalandi. Björn tók mikinn þátt í stjórnmálum og sat á Alþingi yfir 30 ár, og 1917 þegar fyrst var mynduð þriggja manna ríkisstjórn hér á landi varð hann ráðherra í ráðuneyti Jóns Magnússonar. Björn var gæddur góðum tónlistar- hæfileikum. Ungur lærði hann að leika á harmoníum. Og 1878—'79 og aftur 1882—'83 dvaldi hann í Kaupmanna- höfn og lærði söngfræði. Ritaði hann af þekkingu og glöggskyggni ýmislegt um tónlistarmálefni. — Árið 1888 gaf hann út söngfræði — Stafrof söngfræð- innar — og kom sú bók út aftur 1922. Er hún einhver hin ítarlegasta bók um söngfræði sem gefin hefur verið út á lslandi. Björn var 3 ár kirkjuorganisti á Akureyri. Hann samdi nokkur söng- lög, eru tvö þeirra prentuð í Islenzku söngvasafni og eitt (sálmalag) í Organtónum Brynjólfs Þorlákssonar. Árið 1891 kom út lítil bók. A titilsíðu stendur: „Nokkur fjórrödduð sálmalög. Viöbót og umbót við Kirkjusöngsbæk- ur Jónasar Helgasonar. Safnað hafa og l)úið til prentunar síra St. Thorar- ensen og Björn Kristjánsson, Reykja- vík. Á kostnað Sigfúsar Eymundssonar. ísafoldarprentsmiðja. 1891." — I þessu hefti eru tvö liig, sem kölluð eru „Is- lenzk lög". En Sigf. Eyrn. segir í for- mála hver sé höfundur, en það er Björn Kristjánsson. Þessi lög, „I dag er glatt í döprum hjörtum" og „0, blessa Guð, vort feðrafrón" eru nú bæði í sálma- söngsbók vorri og eru oft sungin við messur og aðrar kirkjulegar athafnir. Björn dó 13. ágúst 1939. (Greinarkorn þetta átti að birtast í síðasta tbl. en varð — ásamt fleiru — að híða þessa blaðs). P. H. 22 ORGANISTABLAÐIÐ

x

Organistablaðið

Direct Links

Hvis du vil linke til denne avis/magasin, skal du bruge disse links:

Link til denne avis/magasin: Organistablaðið
https://timarit.is/publication/787

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.