SunnudagsMogginn - 28.02.2010, Blaðsíða 23

28. febrúar 2010 23
Kristján við dæmigerð hýbýli heimamanna í Voito dalnum og annars staðar á þeim slóðum.
Jóel Kristjánsson ásamt innfæddum vinum sínum. Fólk er léttklætt í 40 stiga hita.
Framkvæmdir við áveituverkefni sem Kristján kom að í fyrra og gaf nokkuð góða raun.
kristniboðssambandið. „Hún situr nú
sveitt til að læra tungumálið og ætlar síð-
an að setja í gang biblíuþýðingu,“ segir
Kristján og nefnir að það sé gott dæmi um
hverju kristniboðið skilar. „Stundum er
talað um að kristniboðar útrými menn-
ingu innfæddra að einhverju leyti en áður
en kristniboð hófst hér var ekki til ritmál
fyrir tungumál Tsemaya en nú er búið að
skrifa það niður og þannig að festa tungu-
málið í sessi. Fólk kann mjög vel að meta
þetta.“
En hvernig skyldi svo kristniboðið sjálft
ganga? Snúast Eþíópíumenn til kristni?
„Já, kirkjan vex smám saman. Vakn-
ingin hefur ekki verið mikil en það sem
hefur gerst síðan starfið byrjaði hér í Voito
er að um það bil 20 hjón hafa tekið trúna.“
Karlinn snýst til kristinnar trúar, réttara
sagt, og konan fylgir með. „Hér ræður
karlinn öllu. Þeir líta á konurnar sem
vinnudýr.“
Þeir sem snerust til kristni voru hálf-
partinn útskúfaðir úr samfélaginu til að
byrja með, segir hann, „vegna þess að þeir
vildu ekki lengur taka þátt í þeim heiðnu
og djöfladýrkandi athöfnum sem hér
tíðkast en ástandið breytist smám saman.
Kristnir eiga nú hátt í 200 börn hér og þau
alast upp við það að guð er til og að boð-
skapur Jesú Krists eigi sannarlega erindi
við okkur öll.“
Finnst þér mikill munur á þeim sem
snúist hafa til kristni og öðrum?
„Já, munurinn er greinilegur; þetta fólk
er mjög glatt að vera laust undan viðjum
samfélagsins, þessum slæmu siðum og
djöflinum sjálfum sem ræður öllu í lífi
þeirra. Hér er líka stöðugur ótti við að
þurfa að fórna til þess að losna við sjúk-
dóma eða annað og fólk veit aldrei hvenær
er komið nóg. Drykkjuvandamál er líka
mjög mikið en mun minna á meðal þeirra
kristnu.“
Kristján er mikill áhugamaður um
íþróttir, ekki síst knattspyrnu. Hann fer í
fótbolta með strákunum í Voito flesta
daga. „Það vinsælasta er þegar ég fylli
jeppann af strákum og við höfum kapp-
leik.“ Hann nefnir stráka en þegar spurt
er hvort stelpurnar fái ekki að vera með í
fótbolta játar Kristján því. „En þær hafa
ekki verið valdar í liðið...“ Virðing gagn-
vart konum eykst þó mjög hjá hinum
kristnu.
„Nánast engin hefð er fyrir fótbolta í
Voito enda mikið um þyrna á svæðinu og
boltinn springur gjarnan eftir nokkrar
mínútur! En við höfum náð að búa til völl,
raka svæðið og setja upp mörk og höfum
gamla KFUM og K stílinn á þessu; ég mæti
með barnabiblíuna undir hendinni og þeir
fá að heyra svolítið um Guð áður en byrjað
er að spila.“
Hvenær er maður öruggur?
Töluverðan tíma tók að venjast aðstæðum
í Voito, segir Kristján, „en það eru stór-
kostleg forréttindi að sjá börnin sín leika
sér með innfæddum börnum og sá hve
góð og falleg vinátta myndast. Það er
nokkuð sem þau munu búa að. Það er
krefjandi að búa þarna, mikið af sporð-
drekum og slöngum og því erfitt að vera
alveg rólegur – en kannski má spyrja:
hvar getur maður verið alveg öruggur
með krakka? Við þurfum að minnsta kosti
ekki að hafa áhyggjur af umferðinni í
Voito!“ Aðeins einn bíll er á svæðinu;
jeppi íslensku fjölskyldunnar.
Íslendingarnir kaupa mestan mat í
Addis Abeba því ekkert fæst í Voito. „Þar
er engin búð en við erum með ágætan ís-
skap.“ Drykkjarvatn fjölskyldunnar er
regnvatn af þakinu sem þau safna í tank
og fá nóg, þótt úrkoma sé mjög af skorn-
um skammti. Rafmagn er fengið með sól-
arrafhlöðu og er enginn skortur á sól. „Við
gerum stundum góðlátlegt grín að því að í
Addis vorum við nánast á hverjum degi
vatnslaus, rafmagnslaus eða símalaus en
eftir að við fluttum hingað, sem sumir
myndu kalla heimsenda, hefur aldrei
vantað rafmagn.“
’
Eitt af því sem er
mest krefjandi fyrir
okkur er að hafa sjálf
nóg en horfa á aðra líða
skort. Hér hefur enginn dá-
ið úr hungri en börnin eru
illa nærð. Það er erfitt að
lýsa ástandinu en maður
sér að þeir sem eru duglegir
og framtakssamir geta
bjargað sér því margar
matarholur eru þarna sem
annars staðar.
Kristján les úr barnabiblíunni fyrir krakkana áður en blásið er til fótboltaleiks í Voito.