SunnudagsMogginn - 28.02.2010, Blaðsíða 37

28. febrúar 2010 37
Í
myndið ykkur að njóta ásta á rólegan og
munúðarfullan hátt þar sem skynjunin ein
skiptir máli. Hvort sem þið þurfið á til-
breytingu að halda eða þurfið að leysa ein-
hvers konar vandamál varðandi kynlífið getur
skynmiðun hjálpað við að endurnýja nándina í
sambandinu með því að hjálpa ykkur að læra
hvort á annað upp á nýtt. Æfingar í skynmiðun
fela í sér að báðir aðilar í sambandinu einbeita sér
að eigin skynjun meðan á örvun stendur. Með því
að auka fjölbreytni og bæta sjálfsmeðvitund ein-
staklingsins með einföldum snertingum geta
þessar æfingar hjálpað elskendum að takast á við
vandamál eins og of brátt sáðlát, skort á fullnæg-
ingu og risvandamál, og getur einnig hjálpað
þeim sem vilja:
 Uppgötva nýjar snertingar og
unaðslega upplifun
 Auka sjálfsöryggi og meðvitund
um eigin líkama
 Styrkja sambandið
 Auka samskipti í kynlífinu
 Meiri spennu í kynlífið
Með því að hafa engar væntingar um að kynlífið
endi með fullnægingu hjálpa æfingarnar ykkur að
njóta augnabliksins í stað þess að keppa að því að
ná einhverju markmiði. Æfingarnar eru gerðar
stig fyrir stig á löngum tíma. Þegar pör vinna með
kynlífsráðgjafa eru æfingarnar sérsniðnar að þörf-
um parsins og markmiðið er að losa einstak-
lingana undan álaginu sem fylgir kröfunni um
fullnægingu. Þær hjálpa til við að losa um það
stress sem bæði fylgir og leiðir til kynferðislegra
vandamála og eykur jafnframt meðvitund ein-
staklingsins um alla þá möguleika til örvunar sem
skynfærin bjóða upp á.
Og hvar byrjar maður þá?
Reglur:
 Í fyrstu skiptin eru kynfærin bannsvæði
 Halda ber samræðum í lágmarki nema til að
gefa til kynna vanlíðan eða sársauka
 Ekki reyna að kalla fram kynferðislega örvun
 Gefið ykkur tíma til að íhuga æfingarnar
eftir að þeim lýkur
Gefið ykkur að minnsta kosti klukkutíma í æf-
ingarnar sem ættu að fara fram í hlýju og notalegu
svefnherbergi. Takið ykkur góðan tíma, í mörgum
lotum, til þess að gera eftirfarandi æfingar.
Æfing I
Þegar maki þinn hefur komið sér þægilega fyrir
skaltu byrja á því að snerta og strjúka nakinn lík-
ama hans í 10 mínútur. Snertu allan líkamann, frá
toppi til táar og báðar hliðar, á þann hátt sem
færir þér ánægju. Taktu eftir áferðinni, sköpulag-
inu og hlýju líkamans á meðan þú strýkur hann.
Skiptið nú um hlutverk og einbeittu þér að
þeim tilfinningum sem snertingar maka þíns
vekja og hvernig snertingin hefur áhrif á þig.
Reynið að vera eins orðfá og þið getið og einbeitið
ykkur að líkamlegri upplifuninni.
Skiptist á að nudda hvort annað í 20 mínútur í
senn (í næstu æfingu má einnig nudda brjóst og
kynfæri).
Snertið og kannið líkama hvort annars sam-
tímis í 20 mínútur og einbeitið ykkur að snerting-
unni en ekki að kynferðislegri örvun.
Æfing II
Þessi æfing byggist á æfingu I en nú má snerta
brjóst og kynfæri. Byrjið þó á því að snerta aðra
líkamsparta og einbeitið ykkur að líkamlegu upp-
lifuninni, áður en þið færið ykkur að kynfær-
unum.
Skiptist á um að leiðbeina hvort öðru með því
að setja hönd ykkar á hönd makans til að gefa til
kynna hvers konar snertingu þið viljið, hraðari
eða hægari snertingu, meiri eða minni þrýsting,
eða leiðbeina honum á þann stað á líkamanum
sem þið viljið helst láta snerta. Reynið að nota
sem fæst orð og munið að þó svo að það sé í lagi
að gefa leiðbeiningar þá ræður sá sem er að snerta
för.
Æfing III
Þessi æfing snýst um gagnkvæma snertingu sem
gerir samskiptin eðlilegri og líkari venjulegu kyn-
lífi en æfingarnar á undan. Gagnkvæm snerting
gerir ykkur kleift að einbeita ykkur meira að lík-
ama hvort annars en að eigin upplifun. Á þessu
stigi ætti parið að ræða hvað þeim finnst gott og
hvað þau vilja fá út úr kynlífinu án þess þó að
leggja áherslu á fullnæginguna sem markmið.
Æfing IV
Ef par er að kljást við vandamál í kynlífinu ætti
það að vinna með kynlífsráðgjafa til þess að kom-
ast að því hvort fleiri og frekari æfinga er þörf.
Þessar æfingar ættu þó að hjálpa flestum
pörum að komast á það stig að geta
stundað kynlíf án vandamála.
Þegar þið hafið uppgötvað nýjar
leiðir til þess að ná hvort til annars er
vel hugsanlegt að þið eigið eftir að
stunda betra kynlíf en nokkurn
tímann fyrr!
Skynmiðað kynlíf
Kynfræðingurinn
Dr. Yvonne Kristín Fulbright
kyn@mbl.is
fjöldanum með greinilega þekkingu sína á
sniðum og efnisgæðum. Smekklegt, fal-
legt og nútímalegt,“ klykkir dómnefndin
út með í umsögninni. „Nokkrir úr dóm-
nefndinni töluðu við mig eftir á og sögðu
að þetta hefði verið einróma ákvörðun,“
bætir Þórhildur við og virðist enn vera
hálfundrandi á sigrinum.
Innblástur úr daglegu lífi
Það var haust- og vetrarlínan 2009-2010
sem Þórhildur kynnti í Gautaborg og
færði henni sigurlaunin.
„Þessi lína er vel rómantísk og kvenleg,
fötin eru ekki of flókin og þau eru mjög
klæðileg en með einhvers konar tvisti sem
gerir þau sérstök. Þegar ég hanna leitast
ég við að gera nýja hluti sem koma beint
frá mér, ég vil ekki vera undir áhrifum frá
einhverju öðru.
Það er mjög misjafnt hvaðan ég fæ inn-
blástur en aðallega er það bara úr daglegu
lífi. Ég held að ég sé frekar opin fyrir mis-
munandi stílum og get yfirleitt séð eitt-
hvað fallegt í öllu. Það er líka hluti af því
að hafa gaman af tískunni, tíska er ekkert
heilög fyrir mér og mér finnst ekki gaman
að fylgja ríkjandi straumum,“ segir Þór-
hildur.
TOTA, merki Þórhildar, er nú til sölu í
versluninni Tjallamalla sem er í Stokk-
hólmi og Malmö og er einnig netbúð. „Mig
langar rosalega mikið að koma fötunum
heim en ég hef ekki komist í að vinna í
því, en það er hægt að kaupa af mér í
gegnum heimasíðuna mína, tota.is.“
Næsta á dagskrá hjá Þórhildi er að sækja
um fatahönnunarnám í skólum í Svíþjóð
eða London. „Ég þarf að komast í skóla og
læra tæknina á bak við fatahönnun betur.
Ég er lærður hárgreiðslumeistari og átti
hárgreiðslustofuna Hárhönnun á Skóla-
vörðustígnum þangað til ég flutti út og ég
á reyndar hlut í henni ennþá. Ég hef aldrei
farið í neitt nám tengt fatahönnun,“ segir
þessi 27 ára hæfileikaríki Reykvíkingur.
Einhver lokaorð?
„Ég vil þakka fyrir allan þann áhuga
sem fólk hefur sýnt mér og bara bið að
heilsa Íslandi,“ segir Þórhildur að lokum
og hlær dátt.
Kjóll úr vetrarlínunni sem nú er í sölu.
’
Þessi lína er vel
rómantísk og
kvenleg, fötin eru
ekki of flókin og þau eru
mjög klæðileg en með
einhverskonar tvisti sem
gerir þau sérstök. Þegar
ég hanna leitast ég við að
gera nýja hluti sem koma
beint frá mér, ég vil ekki
vera undir áhrifum frá
einhverjuöðru.
Menningarstarf
í Kópavogi













Lista- og menningarráð Kópavogs auglýsir eftir umsóknum um styrki til
verkefna /viðburða á sviði menningar og lista í Kópavogi.
Einstaklingar, félagasamtök og stofnanir geta sótt um styrki úr sjóðnum.
Styrkþegum ber að skila greinargerð um nýtingu styrks
eigi síðar en 6 mánuðum eftir úthlutun.
Umsóknum skal skilað á þar til gerðum umsóknareyðublöðum
fyrir 7. apríl nk., ásamt fylgiskjölum.
Eyðublöðin fást í Þjónustuveri Kópavogsbæjar, Fannborg 2,
og á heimasíðu Kópavogs, www.kopavogur.is
Lista- og menningaráð Kópavogs veitir styrki til verkefna / viðburða
í Kópavogi tvisvar á ári, í nóvember og maí en styrkir til félaga og
stofnana í formi rekstrarstyrkja eru veittir einu sinni á ári, í maí.
Umsóknum skal skilað til:
Lista- og menningarráð Kópavogs
Starfs- og verkefnastyrkir
Fannborg 2
200 Kópavogi
Nánari upplýsingar veitir deildarstjóri menningarmála,
Linda Udengård í síma 570- 1500 eða linda@kopavogur.is