SunnudagsMogginn - 28.02.2010, Blaðsíða 39

28. febrúar 2010 39
É
g bý í Gostingen, litlu sveitaþorpi í Lúx-
emborg spölkorn frá Móseldalnum sem er
í austurhluta Lúxemborgar og sker sig
nokkuð úr öðrum hlutum landsins. Áin
Mósel, sem á upptök sín í Frakklandi og rennur
gegnum Frakkland, Lúxemborg og Þýskaland, mark-
ar landamæri landsins við Þýskaland, fyrst við bæ-
inn Schengen – sem Schengen-sáttmálinn er
kenndur við – þar sem mætast Lúxemborg, Þýska-
land og Frakkland.
Eins og á við um margar miðevrópskar ár þá býr
Móseldalurinn yfir mikilli náttúrufegurð og
kynngi. Dalurinn er vinsæll ferðamanna-
staður á sumrin en meðfram ánni má sjá
kastala rísa upp með jöfnu millibili sem
bera vott um mikilvægi árinnar í gegnum
árhundruðin og Trier – elsta borg Þýska-
lands reist rétt fyrir Krists burð – trónir
síðan með sínum rómversku virkisveggjum
sem voldugur minnisvarði um blómleg við-
skipti og mikilvægi árinnar síðustu tvö ár-
þúsundin.
Með vorinu færist óneitanlega líf í Mó-
seldalinn – er fer að líða á sumarið fyllast flestir bæir og þorp
við Mósel af ferðamönnum og áin og bæirnir iða af lífi. Fjölmörg
veitingahús og vínsmökkunarstaðir bjóða upp á vel úti látnar
kræsingar í þýsku magni og frönskum sjarma og torgin eru und-
irlögð af skransölu og útimörkuðum. Fyrir þá sem vilja kynna sér
hvítvín og freyðivín innfæddra ætti það að vera hægðarleikur
einn því vínhátíðir eru haldnar í einhverjum bæ við ána flestar
helgar frá maí til september.
Handbragð hins iðna vínbónda má sjá hvarvetna í bröttum
hlíðum dalsins og ekki er laust við að maður fyllist lotningu við
að verða vitni að þeirri vinnu sem lögð er í ræktun þessarar gjöf-
ulu jurtar. Seint mun verða beitt stórvirkum vinnuvélum við upp-
skeruna því sérhver vínberjaklasi er klipptur í höndunum og tínd-
ur á tveimur jafnfljótum. Bændurnir keppast allt árið um kring
við að nostra við vínviðinn til að tryggja að sem best uppskera
fáist, þar sem meginhluti starfsins er unninn í höndunum. Kalk-
ríkur jarðvegurinn í Móseldalnum og héraðinu upp af honum
hentar vel til vínberjaræktunar fyrir vínframleiðslu. Þó er hitastig-
ið þannig að það hentar illa fyrir ræktun dökkra þrúgna og eru
Móselvínin því aðallega hvítvín og freyðivín. Freyðivínin eru það
sem innfæddir eru stoltastir af en þau eru lítið þekkt utan Lúx-
emborgar enda næstum öll framleiðslan seld á innanlands-
markað.
Frá sjónarhóli Lúxara hafa viðskiptin í dag færst að mestu frá
bökkum Mósel og Trier til höfuðborgarinnar, Lúxemborgar. Borg-
in Lúxemborg er í dag einn af suðupunktum alþjóðaviðskipta
með tilheyrandi hamagangi og hverfulleika en megintekjur lands-
ins eru af fjármálaumsýslu. Öfugt við okkur Íslendinga virðast
Lúxarar vera nokkuð flinkir að sýsla með peninga fyrir alþjóða-
samfélagið. Ef til vill má skýringanna leita í því að græðgi og
krafa um stjarnfræðilegan hagnað af innihaldslitlum pappírs-
eignum er ekki beint mottó innfæddra heldur frekar traust og ör-
yggi og „eðlileg“ ávöxtun á raunverulegum eignum. Þessi eig-
inleiki þeirra í peningaumsýslunni hefur breytt frekar snauðu
bændasamfélagi í eitt ríkasta land heims á fáeinum áratugum.
Í landinu sjálfu býr um hálf milljón manna en áætlað er að á
degi hverjum komi um 200 þúsund manns frá nærliggjandi lönd-
um til starfa í landinu.
Við í Móseldalnum erum hins vegar að mestu laus við skark-
alann og verðum einungis vör við hann snemma morguns og
seint á daginn þegar þýskir bílar bruna eftir þröngum sveitaveg-
unum og hellulögðum bæjargötum til og frá vinnu. Sjálfsagt með
freyðivín í farteskinu til að halda upp á viðskipti dagsins.
Póstkort frá
Gostingen
’
Eins og á við um
margar miðevr-
ópskar ár þá býr Mó-
seldalurinn yfir mikilli
náttúrufegurð og kynngi.
Torfi Rafn
Halldórsson
Fjallkonur
Íslands á
toppi
Hvanna-
dalshnjúks.
Skíðaganga
á Snæfells-
jökul 2009.
Telemarkað
niður.
Inga og
ferðafélagar
hennar gistu
í tjöldum í
sex nætur á
Vatnajökli.
Árið 2009
fór Inga í
gönguskíða-
leiðangur á
Hvannadals-
hnjúk.
Páskana
2006 gekk
Inga 100 km
yfir Vatna-
jökul á einni
viku.
Ljósmyndari/Inga Dagmar Karlsdóttir
Ljósmyndari/Sif Arnarsdóttir
Ljósmyndari/Inga Dagmar Karlsdóttir
Ljósmyndari/Ólafur Freyr Gíslason
Ljósmyndari/Inga Dagmar Karlsdóttir