SunnudagsMogginn - 18.04.2010, Blaðsíða 6

6 18. apríl 2010
Fjögur höfuðnámsmarkmið eru
sett með Íslandsáfanganum:
 Nemandinn þekki stöðu sína í
því umhverfi sem hann lifir og
hrærist í, bæði samfélaginu og
náttúrulegu umhverfi. Geti og
gert sér og öðrum grein fyrir sögu-
legum forsendum þessa umhverf-
is og þeim áhrifum sem maðurinn
og umhverfið hafa hvort á annað.
 Nemandinn kunni til verka við
þekkingaröflun og upplýsingaleit.
Hann beiti þeim aðferðum sem
við eiga hverju sinni og yfirfæri
slíka kunnáttu eftir þörfum. Hann
kunni að meta upplýsingar og
vinna með þær á þann hátt að
þær skili honum þekkingu og auk-
inni hæfni til náms. Nemandinn
styrki málvitund sína og málhæfi,
skilji fjölbreytta texta og beiti
einnig málinu til að miðla þekk-
ingu sinni og viðhorfum til ann-
arra.
 Nemandinn styrki málvitund
sína og málhæfi, skilji fjölbreytta
texta og beiti einnig málinu til að
miðla þekkingu sinni og
viðhorfum til annarra.
 Nemandinn sýni hugkvæmni
við lausn verkefna, sveigjanleika í
samstarfi og ábyrgð gagnvart
náminu og skólanum.
Fjögur höfuðmarkmið með Íslandsáfanganum
Katrín Jakobsdóttir menntamálaráðherra heimsótti MA í vikunni.
U
mfangsmiklar breytingar á námskrá
Menntaskólans á Akureyri voru
kynntar í vikunni. Námskráin nýja er
þróunarverkefni, sem unnið hefur
verið að í nokkur ár, en hægt var að láta til skarar
skríða þegar ný framhaldsskólalög öðluðust gildi
sumarið 2008. „Við vildum hafa áhrif á náms-
skrána okkar frekar en taka á móti henni ofan
frá,“ segir Árný Helga Reynisdóttir, námsbrautar-
stjóri málabrautar, í samtali við Morgunblaðið.
Árný og Valgerður S. Bjarnadóttir, verk-
efnastjóri námskrárvinnu, segja lýðræðið hafa
svifið yfir vötnum; allir kennarar skólans og
fulltrúar núverandi nemenda hafi komið að vinnu
við breytingarnar, auk þess má nefna sem dæmi
að gerð var könnun meðal 10 ára stúdenta í fyrra
vegna fyrirhugaðra breytinga.
Einverjum gömlum MA-ingum brá í brún þegar
fréttir bárust af breytingunum. Héldu að verið
væri að „rústa“ þeirra gamla, góða skóla en Val-
gerður og Árný leggja áherslu á að svo sé alls ekki.
„Gamli rótgróni skólinn“ sé enn fyrir hendi en
þjóðfélagið kalli á breytingar.
„Við lifum í breyttu samfélagi. Nú búum við
nemendur undir að takast á við allt aðra hluti en
fyrir 10 árum, og vitum ekki hvað bíður þeirra eft-
ir önnur 10. Þess vegna leggjum við mikla áherslu
á breiða, almenna menntun. Stúdentum úr MA
verða allir vegir færir!“ segir Valgerður.
Aðallega er um að ræða fjórar breytingar, rót-
tækastar á fyrsta ári. Þar verður svokallaður Ís-
landsáfangi veigamikill þáttur; landið, þjóðin og
tungan verða í forgrunni.
„Nær helmingur náms fyrsta bekkjar er helgað
ársáfanganum Íslandi, sem er ætlað að skerpa sýn
og auka skilning nemenda á landi sínu, þjóð og
tungu. Hann er tvískiptur; annars vegar fléttast
saman nám í sögu, félagsfræði og íslensku en hins
vegar í jarðfræði, landafræði, líffræði og íslensku,“
segir Árný.
Í öðru lagi verður nám í dönsku fært af fyrsta ári
yfir á það þriðja. Staðreyndin er sú að þegar nem-
endur koma úr grunnskóla virðist áhugi á dönsku
oft lítill, en þegar nær dregur útskrift úr fram-
haldsskóla gera þau sér betur grein fyrir mikilvægi
málsins. Þær benda á að um helmingur þeirra sem
fara utan til framhaldsnáms að loknu stúdents-
prófi haldi til Norðurlandanna.
Í þriðja lagi eru velgengnisdagar; nokkurra daga
uppbrot á hefðbundinni kennslu á hverri önn. „Á
vissan hátt má segja að vinna nemenda á vel-
gengnisdögum sé bæði tengd áherslum sem hafa
verið kenndar í lífsleikni, en eigi líka rætur í þeim
grunni sem lagður er með Íslandsáfanganum á
fyrsta ári,“ segir Valgerður.
Í fjórða lagi: hver og einn mun vinna að stóru
lokaverkefni á fjórða og síðasta ári. Það getur verið
af ýmsum toga og tengst einni námsgrein eða
fleiri. Aðferðafræði skipar þar veigamikinn sess.
Leiðbeinandi starfar með nemanda í viðkomandi
rannsókn og síðan fer fram nokkurs konar vörn í
lokin, ámóta og tíðkast í háskóla.
Þá má geta þess að fjórðungur alls náms verður
val hvers nemanda, mun meira en hingað til.
Þær nefna að nemendahópurinn hafi breyst á
seinni árum. „Þeim fer fjölgandi sem virðast eiga
erfitt með að sjá tengslin milli námsins og athafna
utan skólans sem og framtíðar sinnar og leiðist oft
í skólanum. Vinnubrögðin eru þá eftir því,“ segir
Árný. Hún nefnir að slíku verði ekki breytt með
hertum agareglum heldur með aukinni virkni
nemenda. „Íslandsáfanganum er ætlað að efla
áhuga með því að færa námsefnið nær umhverfi og
lífi nemendanna, byggja á verkefna- og lausna-
miðuðu námi, bjóða aukið val í verkefnum og
stuðla að lýðræðislegum samskiptaháttum.“
Virkni, sköpun og
gagnrýnin hugsun
Land, þjóð og tunga enn frekar
í öndvegi en hingað til í MA
„Gamli rótgróni skólinn“ enn fyrir hendi en þjóðfélagið krefst breytinga.
Morgunblaðið/Skapti
Valgerður S. Bjarnadóttir og Árný Helga Reynisdóttir.
Vikuspegill
Skapti Hallgrímsson skapti@mbl.is
Árný og Valgerður leggja
áherslu á að þótt breytingar
séu í vændum þurfti gamlir
MA-ingar ekkert að óttast!
 Félagslíf, hefðir og skóla-
menning í MA verður óbreytt.
Myndin er frá busavígslu.
 Námið er skipulagt sem
fjögurra ára nám en nem-
endur geta flýtt sér.
 Bekkjakerfið heldur sér.
Hvað breytist
ekki í MA?