Morgunblaðið - 20.01.2010, Side 13

Fréttir 13VIÐSKIPTI | ATVINNULÍF
MORGUNBLAÐIÐ MIÐVIKUDAGUR 20. JANÚAR 2010
ÞETTA HELST ...
Eftir Bjarna Ólafsson og
Örn Arnarson
REUTERS-fréttastofan fullyrðir að
Actavis sé eitt þriggja fyrirtækja
sem komi til greina sem kaupandi á
þýska samheitalyfjafyrirtækinu
Ratiopharm. Þá kemur fram í frétt
Reuters að Actavis sé í samstarfi við
sænska fjárfestingasjóðinn EQT um
kauptilboðið en leggja þarf það fram
í byrjun febrúar. Actavis keppir því
við Pfizer og Teva um að fá að kaup
Ratiopharm en að sögn Reuters er
ekki útilokað að fjórða tilboðið berist.
Ratiopharm er fjölskyldufyrirtæki
á meðan að Teva er stærsta sam-
heitalyfjafyrirtæki heims og Pfizer
er stærsta lyfjafyrirtæki heims.
Fram kom í þýska dagblaðinu Hand-
elsblatt á mánudag að líklegast sé að
annaðhvort Pfizer eða Teva hreppi
hnossið. Reuters segir ennfremur að
sérfræðingar í lyfjageiranum bendi á
að Pfizer og Teva sitji á drjúgum
sjóðum og samlegðaráhrif kaupa
þeirra á Ratiopharm séu meiri en hjá
Actavis.
Vilja hækka markaðsvirði
Í frétt Reuters segir að stærsti
kröfuhafi Actavis, þýski bankinn
Deutsche Bank, hafi lagt blessun
sína yfir tilboð íslenska fyrirtækis-
ins. Erfiðlega hefur gengið að fá
kaupendur að Actavis og segir í frétt-
inni að félagið hafi leitað aðstoðar
EQT-sjóðsins við fjármögnun á til-
boðinu í Ratiopharm. Markmiðið sé
að hækka markaðsvirði Actavis og
þar með gera það vænlegra í augum
hugsanlegra kaupenda.
Talið er að kauptilboðin séu yfir
2,8 milljörðum evra, andvirði um 500
milljarða íslenskra króna. Actavis er
hins vegar ekki sagt hafa efni á
hærra tilboði en sem nemur þremur
milljörðum evra.
Actavis kemur enn til greina
 Actavis er í hópi fyrirtækja sem koma til greina sem kaupandi á þýsku sam-
heitalyfjafyrirtæki  Deutsche Bank sagður hafa lagt blessun sína yfir kaupin
Actavis Sigurður Óli Ólafsson, forstjóri Actavis, ásamt Björgólfi Thor
Björgólfssyni, stjórnarformanni, en Actavis vill nú kaupa Ratiopharm.
Morgunblaðið/G.Rúnar
● Orkuveita Reykjavíkur hefur keypt
fimmtungshlut ríkisins í Hitaveitu Akra-
ness og Borgarfjarðar fyrir 150 milljónir
króna. Þar með eignast OR félagið að
fullu en hún hefur farið með 80% hlut
síðan árið 2002. Með kaupunum fylgir
nýtingarréttur af Deildartunguhver til
55 ára. Hitaveitan verður sameinuð
Orkuveitunni að fullu eftir kaupin. Að
sögn Eiríks Hjálmarssonar, upplýsinga-
fulltrúa OR, verður hluturinn greiddur í
þremur jöfnum greiðslum á þessu ári
og fór fyrsta greiðslan fram við undir-
ritun kaupsamnings síðasta föstudag.
OR eignast hitaveitu
● SAMNINGAR
hafa tekist milli
David Sullivan og
CB Holding, sem
er í meirihluta
eigu Straums
Burðaráss Fjár-
festingabanka hf,
um sölu á 50%
hlut í fótboltafélaginu West Ham
United.
Samkvæmt samningnum er heild-
arverðmæti félagsins um 21,5 millj-
arðar króna eða 105 milljónir punda.
Í kjölfarið mun David Sullivan taka
yfir stjórn og rekstur þess en CB
Holding mun eftir sem áður eiga full-
trúa í stjórn þess. bjarni@mbl.is
Selur hlut í West Ham
ÞEGAR Eignarhaldsfélagið Farice
ehf., móðurfélag Farice hf., ákvað í
maí í fyrra að gefa út ný skuldabréf
að fjárhæð fimm milljarðar króna
var ekki auglýst eftir umsjónaraðila
með útboðinu.
Saga Capital fékk verkefnið í sínar
hendur og seldi bréfin í lokuðu
skuldabréfaútboði. Útboðið, sem
lauk þann 15. maí 2009, þótti vel
heppnað og var umframeftirspurn
eftir bréfunum. Bréfin eru til 25 ára
og eru með ábyrgð ríkissjóðs.
Hins vegar vekur athygli að
stjórnarformaður E-Farice, Sigurð-
ur G. Guðjónsson, var á sínum tíma
varamaður í stjórn Saga Capital og
hefur Morgunblaðið heimildir fyrir
því að hann eigi enn hlutabréf í fjár-
festingarbankanum.
Vék Sigurður úr stjórn Saga Capi-
tal þegar hann tók stjórnarsæti í
Glitni árið 2007. Hann hefur setið í
stjórn E-Farice og Farice hf. frá
árinu 2007. bjarni@mbl.is
Skuldabréfaútgáfa
Farice ekki auglýst
Stjórnarformaður
hluthafi í umsjón-
araðila útboðs
Morgunblaðið/Steinunn Ásmundsd
Strengur Skuldabréfinu er ætlað að standa undir lagningu Danice sæ-
strengsins til Evrópu, en lokið var við lagningu Farice strengsins árið 2003.
ÖLL skuldabréfin sem lögð voru inn í
SA Tryggingar, sem varð til við end-
urskipulagningu Sjóvár, er í skilum,
að því er kemur fram í tilkynningu
sem Íslandsbanki sendi út í gær.
Fyrirtækjasvið Íslandsbanka hefur
umsjón með sölu á fyrirtækinu, en nú
þegar geta áhugasamir kaupendur
nálgast gögn í Íslandsbanka er varða
Sjóvá. Tilefni tilkynningarinnar sem
send var út í gær er frétt Morgun-
blaðsins um eignasafn upp á 15,9
milljarða sem lagt var inn í félagið síð-
astliðið sumar en Sjóvá hafði orðið
fyrir miklum skakkaföllum vegna
misheppnaðra fjárfestingaverkefna.
Fyrirtækið var hins vegar aldrei tekið
til gjaldþrotaskipta.
Lárus Ásgeirsson, forstjóri Sjóvár,
áréttar í samtali við Morgunblaðið að
íslenska ríkið komi ekki með beinum
hætti að fjármögnun Sjóvár, heldur
láni eignir til SAT eignarhaldsfélags.
Hann segir markmiðið með sölunni á
Sjóvá að þeir fjármunir skili sér til
baka.
Fjármál sveitarfélagsins Álftaness
hafi hverfandi áhrif á efnahag Sjóvár.
Ef sveitarfélagið lendi í kröggum
verði hægt að ganga að þeim veðum
sem séu til tryggingar skuldabréfi
Eignarhaldsfélagsins Fasteignar –
skólalóð, íþróttahúsi og sundlaug.
„Langstærstur hluti eigna Sjóvár er
mjög seljanlegur og stendur undir vá-
tryggingaskuld,“ segir Lárus.
thg@mbl.is
Morgunblaðið/ÞÖK
Sjóvá Langstærstur hluti eigna-
safns sagður seljanlegur.
Segja bréf eigna-
safnsins í skilum
Eignir sagðar standa undir bótaskuld
ÞINN STYRKUR Í ÚTLÖNDUM
Heimsókn viðskiptafulltrúa
til Íslands 21.–22. janúar
www.utflutningsrad.iswww.utn.stjr.is
PI
PA
R\
TB
W
A
•
SÍ
A
•
1
0
0
1
9
0
Í sendiráðum Íslands víðsvegar um heim starfa
viðskiptafulltrúar. Útflutningsráð annast tengsl þeirra
við íslenskt atvinnulíf og dagana 21.–22. janúar verða
viðskiptafulltrúarnir hér á landi til viðtals fyrir fyrirtæki
sem leita markaðsráðgjafar á umdæmissvæðum
sendiráðanna.
Hlutverk viðskiptafulltrúanna er að aðstoða íslensk
fyrirtæki við markaðssetningu erlendis og veita þeim
stuðning í alþjóðlegum viðskiptum, m.a. með ráðgjöf,
markaðsrannsóknum, leit að samstarfsaðilum og þróun
viðskiptasambanda.
Til viðtals verða viðskiptafulltrúar í eftirfarandi löndum:
Bandaríkjunum, Bretlandi, Danmörku, Indlandi,
Japan, Þýskalandi og Kína.
Fundirnir verða haldnir á skrifstofu Útflutningsráðs
að Borgartúni 35.
Notaðu tækifærið og bókaðu fund í síma 511 4000
eða með tölvupósti, utflutningsrad@utflutningsrad.is.
Nánari upplýsingar veita Andri Marteinsson,
andri@utflutningsrad.is, og Hermann Ottósson,
hermann@utflutningsrad.is.
FJÁRMÁLAEFTIRLITIÐ hefur
nú til skoðunar þá einstaklinga sem
skilanefnd Kaupþings vill tilnefna í
stjórn dótturfélagsins Kaupskila.
Kaupskil fara með eignarhlut gamla
Kaupþings í Arion banka og tilnefna
stjórnarmenn bankans.
Þegar og ef Fjármálaeftirlitið
leggur blessun sína yfir verðandi
stjórnarmenn tekur ný stjórn Kaup-
skila til við að tilnefna stjórnarmenn
í Arion banka og hefst þá sama ferli
á ný, þar sem FME þarf að sam-
þykkja þá líka. Má því búast við því
að nokkur tími sé í að ný stjórn
Arion banka taki til starfa.
Þá er alls óvíst enn hvenær nýr
bankastjóri Arion verður ráðinn, en
um fimmtíu manns sóttu um stöð-
una. Ráðningarskrifstofa hefur nú
umsóknirnar til meðferðar og sam-
kvæmt heimildum Morgunblaðsins
er enn nokkuð í að þeirri vinnu ljúki.
bjarni@mbl.is
Nokkuð langt
í nýja stjórn