SunnudagsMogginn - 19.12.2010, Qupperneq 43

19. desember 2010 43
E
nn á ný nálgast áramótin óðfluga en í þetta skiptið
skulum við strengja áramótaheit sem munu gera
kynlífið betra en nokkru sinni áður. Með því að
helga árið 2011 betra kynlífi; bæta sjálfsmyndina,
magna unaðinn og hafa gaman af, munt þú örugglega efna
heitin. Og það sem er enn betra; að ná settum markmiðum
verða eldheit verðlaun í sjálfu sér, bæði fyrir þig og makann.
1. Leggið rækt við sambandið
Fólk í samböndum á það til að detta í það að kvarta stöðugt
yfir hinum aðilanum en það verður ekki til þess að bæta kyn-
lífið. Eins og slagorðið segir: „Hættu að röfla og boðaðu bylt-
ingu!“ Fyrsta skrefið er að rifja það upp hvers vegna þið laðist
hvort að öðru og að íhuga það hvað þið þurfið að gera til að
kveikja neistann á ný.
2. Temdu þér jákvæðara viðhorf til kynlífs
Með því á ég alls ekki við að þú ættir að gera og samþykkja
alla þá kynlífshegðun sem til er undir sólinni. En temdu þér
að hugsa um kynlíf sem ánægjulegan og dásamlegan part þess
að vera mannleg vera, einhvers sem ber að fagna og njóta. Ef
þú átt erfitt með að sjá kynlíf í þessu ljósi ættir þú að íhuga að
leita til kynlífsráðgjafa. Þú átt það inni hjá sjálfri/sjálfum þér.
3. Farðu oftar út á lífið
Hvort sem þú ert að leita að
spennu eða vonast til að hitta
hinn eina rétta/hina einu réttu,
þarftu að vinna að því. Þú finnur
hvorugt á sófanum heima í
stofu. Þetta snýst allt um töl-
fræði og til þess að hámarka lík-
urnar á því að þú finnir ein-
hvern til að leika við, nú eða
eyða ævinni með, þarftu að vera
dugleg/ur við að daðra, fara á
stefnumót og að umgangast fólk
almennt.
4. Viðaðu að þér fróðleik
Finndu þér bók eftir áreiðanlegan kynlífsfræðing og
fræðstu um betra kynlíf. Þú gætir viljað læra um hvernig þú
framkvæmir munnmök, hvernig þú getur fengið raðfullnæg-
ingu, hvernig á að stunda tantrískt kynlíf, hvernig hægt er að
seinka sáðláti. Það eru til ótal leiðir til að gera leikina heitari.
5. Sýndu stuðning í verki
Þú getur stutt við samtök og hópa sem aðstoða fólk og
fræða, og stuðla að kynheilbrigði. Stuðningur þinn getur
verið fjárhagslegur eða þú getur boðið þig fram í sjálfboða-
vinnu. Þú gætir líka sjálf/ur orðið talsmaður málstaðar sem
er þér mikilvægur, t.d. að fræða unglinga á Íslandi um kynlíf
og getnaðarvarnir og þá þjónustu og aðstoð sem þeim stend-
ur til boða.
6. Stundaðu meira kynlíf
Lykillinn að því að lenda ofan á (á fleiri en einn hátt) er að
víkka skilgreininguna á kynlífi umfram það að snúast bara
um samfarir. Ábending: Þetta þýðir til dæmis að þú ættir að
„eiga huggulegar stundir“ með sjálfri/sjálfum þér. Með því að
finna fleiri leiðir til að vera náin með makanum er ekki ólík-
legt að kynlífið aukist samfara því, og það ætti að létta lund-
ina næstu tólf mánuðina.
Gleðilegt nýtt ár!
Kynæsandi
2011
’
En temdu
þér að
hugsa um
kynlíf sem
ánægjulegan og
dásamlegan part
þess að vera
mannleg vera,
einhvers sem ber
að fagna og njóta.
Kynlifs-
fræðingurinn
dr. Yvonne Kristín
Fulbright
Gatan mín
B
irkivellir eru gróðursæl gata í aust-
urbænum á Selfossi og rúm fimmtíu ár
eru síðan fyrstu húsin þar voru byggð.
Mörg eru reisulegar tveggja hæða bygg-
ingar með risi en sá stíll var algengur í bænum lengi
framan af. „Ég féll alveg fyrir þessari götu og eins
því að hér var hægt að fá gott hús fyrir ekki ýkja
mikinn pening á sínum tíma,“ segir Elva Dögg
Þórðardóttir sem með eiginmanni sínum Jóni Þór
Franzsyni býr að Birkivöllum 6. Sjálf er hún fædd
og uppalin í vesturbænum á Selfossi en þekkti lítt
til á Birkivöllunum þegar fjölskyldan flutti þangað
fyrir um áratug.
„Þessi myndarlegi trjágróður hér er tvímælalaust
sérstaða götunnar. Fljótlega eftir að við fluttum
hingað fannst okkur aðkallandi að grisja aðeins í
kringum okkur og þar var af nægu að taka. Mér
telst svo til að hér í bakgarðinum hafi verið sagaðar
niður eða rifnar upp með rótum um það bil sextíu
aspir og ósköpin öll af birkitrjám. Það var greini-
lega ekki að ástæðulausu og hafa ef til vill verið
spádómsorð þegar götunni var gefið nafnið Birki-
vellir. Raunar hefur garðyrkjuhefðin hér í bænum
alltaf verið mjög sterk og þar hafa margir haft áhrif.
Hér á Selfossi voru danskir mjólkurfræðingar sem
störfuðu við Mjólkurbú Flóamanna á upphafsárum
þess mjög áberandi og komu með ýmsar nýjar
hefðir inn í bæjarlífið. Þeir stunduðu veiði í Ölfusá
og sinntu garðrækt og einn þeirra reisti húsið þar
sem ég bý í dag. Því er ekki ofmælt að ég njóti á
vissan hátt mjög þessarar dönsku menningar hér á
Selfossi,“ segir Elva sem er umhverfisfræðingur að
mennt, bæjarfulltrúi í Árborg og jafnframt formað-
ur Sambands sunnlenska sveitarfélaga.
Flestir frumbyggjanna á Birkivöllum eru nú
fallnir frá eða hafa róið á önnur mið. Nokkrir þeirra
sem telja má til ármanna götunnar búa þar þó enn
og í öðrum húsum er aðflutt fólk. Má þar til dæmis
nefna sýslumanninn Ólaf Helga Kjartansson. Í öðr-
um húsum búa svo rafvirki, smiður, bílasali, lög-
fræðingur, bókaútgefandi, lögregluþjónn á eft-
irlaunum, sálfræðingur, íþróttakennari, málari,
viðskiptafræðingur og svona mætti áfram telja. Má
því með traustum rökum segja að hér eigi mann-
lífsflóran öll sinn samastað í tilverunni.
„Við erum í ákaflega vel byggðu húsi. Í jarð-
skjálftunum fyrir hálfu þriðja ári gjöreyðilögðust
tvö hús hér beint andspænis okkur svo ekki var
annar kostur í stöðunni en moka þeim burtu – eins
og raunin var með nokkur önnur hús á Selfossi.
Okkar hús haggaðist hins vegar ekki og skemmdir
urðu engar enda sannfréttum að við byggingu þess
á sínum tíma hefði verið grafið niður á klöpp sem
hefur gert útslagið. Það er líka segin saga að ekkert
verður sterkara en undirstaðan.“
Þessa dagana eru Birkivellir eins og aðrar götur á
Selfossi að fá á sig svip jólanna. „Á mínu heimili
hefur alltaf verið skreytt myndarlega. Við setjum
seríu undir þakskeggið, við gluggana og hugsan-
lega líka á grenitréð í garðinum. Erum kannski
svolítið ýkt í þessu enda í hörkusamkeppni við ná-
grannana – kannski ómeðvitað – um skreytingar
og ljós. Núna í allra svartasta skammdeginu eru
dagarnir dimmir og langir og okkur veitir ekkert af
birtu. Við höfum því gjarnan látið ljósin loga lengur
og tökum þau ekki niður fyrr en í lok janúar,“ segir
Elfa Dögg.
sbs@mbl.is
Birkið og aspirnar
1. Birkivellir eru afskaplega vel í sveit settir enda er
hér örstutt í alla þá þjónustu sem til dæmis fjöl-
skyldufólk sækist eftir. Skólar bæjarins og sundlaugin
eru skammt undan. Nefni líka íþróttavöllinn þar sem
hefur verið komið upp alveg fyrsta flokks aðstöðu
sem enn á þó eftir að bæta mikið í samræmi við
brennandi íþróttaáhuga í bænum.
2. Fyrir um það bil sjötíu árum var byrjað að gróður-
setja í reit við Austurveginn á Selfossi, jafnhliða því
sem Skógræktarfélag Árnesinga var þar með trjá-
plöntusölu. Tryggvagarður heitir þessi reitur, nefndur
eftir brúarsmiðnum Tryggva Gunnarssyni. Í tímans rás
hefur þennan garð ef til vill skort hlutverk sem honum
hefur nú verið fengið á aðventunni og er nefndur Garð-
ur jólanna. Þar er nú í þessum skógarlundi skemmti-
legur markaður og margvíslegar uppákomur eins og
tilheyrir á aðventunni.
Uppáhaldsstaðir
Birkivellir
Engjavegur
Víðivellir
Árvegur
Austurvegur (þjóðvegur 1)
Vallholt Vallholt
Hrísholt
H
ja
rð
a
rh
o
lt
Stekkholt
H
e
ið
m
ö
rk
Þ
ó
rsm
ö
rk
G
ræ
n
a
m
ö
rk
Grænuvellir
Tr
yg
g
va
g
a
ta B
a
n
k
a
ve
g
u
r
Skólavellir
Sólvellir R
e
yn
iv
e
lli
r
Grenigrund
Ölfusá
Selfoss
1
2
Í skammdeginu eru dagarnir dimmir og langir og okkur veitir ekkert af birtu, segir Elfa Dögg Þórðardóttir.
Morgunblaðið/Sigmundur