SunnudagsMogginn - 12.06.2011, Síða 13
12. júní 2011 13
Á
gústa Dröfn Sigmarsdóttir
gerir skemmtilegt hálsskraut
úr notuðum karlmanns-
bindum, sem hún kallar
Dömubindi. „Ætli það séu ekki svona
tveir mánuðir síðan ég byrjaði að gera
þetta fyrir mig,“ segir Ágústa. Hún fór
að gera þetta fyrir alvöru þegar fjöl-
skylda hennar stóð fyrir handverks-
markaði í Vestmannaeyjum þaðan sem
hún er ættuð en mikið er um hand-
verks- og hönnunarfólk í ættinni. Í kjöl-
farið bjó hún til síðu á Facebook sem er
hægt að finna undir nafninu „Dömu-
bindin“.
Karllægt verður kvenlegt
„Mér finnst gaman að bæði endurnýta
hlutina og líka gera kvenlegt það sem
hefur svona sterka karlmannlega
ímynd,“ segir hún. „Það voru miklar
vangaveltur um nafnið og mér datt þetta
náttúrlega strax í hug,“ segir Ágústa en
henni fannst nafnið fyndið. Hún bætir
því við að mörgum hafi ekki fundist
þetta nafn við hæfi og ráðlagt henni að
láta vöruna heita eitthvað annað. Dömu-
bindi, í upphaflegri meiningu þessa orðs,
er eitthvað sem allar konur nota en tala
kannski ekki mikið um. Nafnið er að
minnsta kosti eftirminnilegt.
„Ég vildi gera orðið fallegra. Ef fólki
finnst þetta fallegt man það allavega eftir
nafninu,“ segir hún.
Saga á bak við hvert bindi
Bindin hefur hún ekki fengið á mörk-
uðum heldur er meiri saga á bak við þau.
„Ég hef fengið bindin frá karlmönnum
sem ég þekki eða fæ sögur af. Þegar ég fæ
bindi, þá spyr ég hver átti þau og hvað
hann gerði. Þínu
Dömubindi fylgir saga.
Mér fannst það ein-
hvern veginn persónu-
legra. Fyrir karlmenn
hafa bindi líka verið
visst stöðutákn.“
Hún hefur reyndar
líka fengið bindi frá
konum. „Ég var að fá
mjög skemmtileg
bindi, frá þessu tímabili á níunda ára-
tugnum þegar konur voru líka með
bindi. Þau eru ótrúlega skræpótt og
skemmtileg. Ég á ennþá eftir að vinna
úr þeim.“
Ekkert Dömubindi er eins, bæði er
efniviðurinn einstakur og líka útlitið.
„Lögunin getur kannski verið svipuð en
ég hef aldrei fengið tvö eins bindi gef-
ins. Hvert bindi fær bara sína lögun
þegar það kemur í hendurnar á mér,“
segir Ágústa, sem notar stundum tvö
bindi í hálsskrautið þegar hún „á bindi
sem passa fallega saman“.
Vinnur í Hjartavernd
Hún er gift með tvö börn, fimm ára
strák og tveggja ára stelpu. Hún er ekki
hönnunarmenntuð en hefur saumað
talsvert á sjálfa sig og börnin. „Ég vinn í
frekar rúðustrikuðu starfi,“ segir
Ágústa, sem er geislafræðingur og vinn-
ur við myndgreiningu í Hjartavernd.
„Ég fæ útrás fyrir sköpunargleðina í
Dömubindunum.“
Ágústa verður með Dömubindin til
sölu á Pop Up-markaði, sem verður
haldinn á Grettisgötu 3, beint á móti
Eymundsson og við hliðina á Þráni
skóara, um komandi helgi, 16.-19. júní.
Ólafur kennari og Gísli skipstjóri báru þessi bindi áður en þau urðu Dömubindi.
Endurunnin
dömubindi
Ágústa Dröfn Sigmarsdóttir hannar fallegt háls-
skraut úr notuðum karlmannsbindum með sögu.
Hún er menntaður geislafræðingur en fær útrás
fyrir sköpunargleðina í dömubindunum sínum.
Inga Rún Sigurðardóttir ingarun@mbl.is
Birgir málari og Tómas flugstjóri skreyttu
sig áður með þessum bindum.
Ólafur kennari skreytti sig með þessu bindi
áður en það fékk nýtt hlutverk.
Þetta er gert með tveimur bindum frá Birgi
málara og Tómasi flugstjóra.
Eitt enn úr smiðju Tómasar flugstjóra.
Efniviðurinn hér er bindi frá Gísla skip-
stjóra.
Tómas flugstjóri var áður stoltur eigandi
þessa bindis.
ÁgústaDröfn
Sigmarsdóttir