SunnudagsMogginn - 19.06.2011, Síða 2
2 19. júní 2011
Við mælum með …
Þriðjudagurinn 21. júní
Tónlistarkonan Ólöf Arnalds heldur sólstöðutónleika í Café Flóru í grasa-
garðinum í Laugardal klukkan 22 þriðjudaginn 21. júní. Ólöf hefur sett
saman sérstaka dagskrá í tilefni þess að þarna er lengstur dagur og er
því vel við hæfi að halda tónleikana í þessum sólbjarta garðskála.
Morgunblaðið/Kristinn
… sumarsólstöðum
13 Minnisvarðar í góðu standi
Bretar leggja mikla áherslu á að heiðra minningu þeirra sem báru
beinin í stríðum samvinnulýðveldisins.
24 Hingað eiga allir erindi
Fyrsti starfsvetur menningarhússins Hofs á Akureyri er liðinn. Þar hef-
ur verið líf í tuskunum og aðsókn betri en menn þorðu að vona.
28 Wagner bjargaði lífi mínu
Gunnar Smári Egilsson, formaður SÁÁ, ræðir um áfengi og rítalín og
ósiði í íslenskri umræðuhefð. Og það gleðilegasta sem góðærið
færði.
32 Kom á óvart …
Guðrún Heimisdóttir og Þóra Eggertsdóttir hrepptu 2. sætið í Gullegg-
inu nýverið fyrir viðskiptahugmynd sína, Puzzled by Iceland.
34 Vandamálið endalausa
Skosku knattspyrnuliðin Celtic og Rangers hafa löngum verið erki-
fjendur. En barátta um titla er aðeins hluti af
vandanum í Glasgow.
36 Ég dýrka þessi svæði
Jón Eyfjörð þekkir suðurþingeyska urriðann
vel. „Veiðilöngunin dofnar ekkert,“ segir
hann og fylgir blaðamanni með Kraká.
40 Fjórtán ár að rætast
Áfró-kúbisma-verkefnið þykir með merkilegri viðburðum í heimstón-
listarsenunni síðustu ár. Íslendingar fá senn að kynnast honum.
Lesbók
42 Landið þitt er ekki til
Feneyjatvíæringurinn stendur nú yfir. Framlag Íslands að þessu sinni
er fjölþætt hljóðlistaverk Libiu Castro og Ólafs Ólafssonar.
20
Efnisyfirlit
Forsíðumyndina tók Eggert Jóhannesson.
Umsjón Sunnudagsmoggans: Pétur Blöndal, pebl@mbl.is Umsjón Lesbókar: Einar Falur Ingólfsson, efi@mbl.is Ritstjórn Sunnudagsmoggans:
Arnar Eggert Thoroddsen, Árni Matthíasson, Helgi Snær Sigurðsson, Inga Rún Sigurðardóttir, Ingveldur Geirsdóttir, Kolbrún Bergþórsdóttir,
Kristín Heiða Kristinsdóttir, María Ólafsdóttir, Orri Páll Ormarsson, Signý Gunnarsdóttir, Skapti Hallgrímsson.
31
Augnablikið
V
ikuna áður en ég byrjaði aftur á Morg-
unblaðinu fór ég í viku upp í sum-
arbústað í Skorradal til að njóta ein-
veru og næðis við skriftir. Eini
ferðafélagi minn var Litli-Grænn. Gamall grænn
Daihatsu frá síðustu öld sem ég kann ákaflega vel
við. Var framleiddur áður en farið var að setja píp í
bíla sem væla ámátlega ef maður setur ekki á sig
beltið eða gleymir ljósunum í mælaborðinu á.
Þannig að ég get rólegur keyrt án þess að vera
með bílbelti og ljósið í mælaborðinu kveiki ég
hvort eð er aldrei nema þegar ég keyri í gegnum
Hvalfjarðargöngin. Þar í myrkrinu þarf maður að
fylgjast vel með hraðamælinum til að eftirlits-
myndavélarnar nái ekki af manni fé. Hann Litli-
Grænn kvartar aldrei. Ég eyðilagði reyndar húdd-
ið á honum ekki alls fyrir löngu og þurfti því að
láta kunningja minn berja hann eitthvað til með
hamri þar sem ég hafði ekki efni á almennilegri
viðgerð, en utan þess hafa eiginlega engin vand-
ræði verið með hann síðan ég keypti hann. Það er
yndislegt að vera í friðsældinni í Skorradalnum,
sérstaklega á virkum dögum þegar nánast enginn
er í dalnum nema maður sjálfur. Bústaðurinn sem
ég hafði til afnota er innst inni í dalnum þannig að
engar truflanir eru af mannaferðum, maður er
bara einn með sjálfum sér og kyrrðinni. Mér gekk
vel að skrifa og ég var ánægður með dvölina þegar
ég gekk frá bústaðnum og hugðist leggja af stað í
bæinn. En þá vildi Litli-Grænn ekki hreyfa sig. Til
þess að komast í friðsældina í Skorradalnum hafði
ég einmitt þurft að keyra í gegnum Hvalfjarð-
argöngin og gleymt að slökkva á ljósinu í mæla-
borðinu sem leiddi til þess að hann varð raf-
magnslaus. Það er nánast ljóðrænt að finna
hvernig sú einvera og fjarlægð við mannabyggðir
sem maður hafði sótt í og dásamað breytist í and-
stæðu sína á einni sekúndu. Hvernig einmitt
kostirnir við einveruna verða að ókostum. Núna
var það mér lífsspursmál að finna einhvern og
helst að þessi einhver væri með rafmagnskapla.
Rúmlega klukkustundar ganga um sum-
arbústaðahverfið skilaði mér loksins í fangið á
fólki sem átti reyndar ekki kapla en var það hjálp-
legt að keyra mig að næsta bæ til að fá þá. Hvílíkt
vesen sem skapast af svona smámistökum. Ég var
loksins kominn að bílnum mínum með kapla í
hendi þremur klukkutímum seinna, og aðeins
fyrir náð og miskunn þessa vinsamlega fólks. Ég
var þeim mjög þakklátur þegar við ætluðum að
opna húddið til að gefa honum start. En það var
þá ekki hægt að opna það. Kunningi minn með
hamarinn, sem ég í fátækt minni þurfti að leita til,
hafði þá barið húddið einhvern veginn þannig
saman að ekki var hægt að opna það. Það er svo-
lítið neyðarleg tilfinning að standa frammi fyrir
hjálpsömu fólki sem hefur lagt sig fram um að að-
stoða mann en sér svo að það er til einskis. Það er
líka óþægilegt að þurfa að tilkynna því fólki að
það sitji eiginlega uppi með mann, því maður
þurfi far í bæinn. Í aftursætinu hjá þeim, á leiðinni
í bæinn, lofaði ég sjálfum mér að borga vel fyrir
næstu viðgerð á Litla-Græn.
Börkur Gunnarsson borkur@mbl.is
Í Skorradal er hægt að finna frið og ró fjarri mannaferðum, þótt einmitt það geti verið afskaplega óheppilegt.
Ljósmynd/Jóhann Páll Valdimarsson
Dýrt að vera fátækur
Bandaríski áhugamaðurinn Bret Benjamin deilir hér við dómarann á
annarri holu fyrstu umferðar á US Open. Mótið er fastur liður í PGA-
mótaröðinni og fer það fram í Maryland í Bandaríkjunum. Keppni
endar á sunnudaginn með veglegri verðlaunaathöfn en sigurveg-
arinn fær um 160 milljónir dollara í sinn hlut og ætti því að eiga í sig
og á í sumar.
Veröldin
Reuters
Deilt við dómarann
Laugardagskvöld 18. júní
Það er alltaf hægt að gleðjast yfir
bæði norrænu samstarfi og fríum
tónleikum og á Bakkusi sameinast
þetta tvennt um helgina. Tónlist-
armenn á vegum finnsku jaðar-
útgáfunnar Fonal Records eru á
tónleikaferðalagi um Norðurlöndin
um þessar mundir og staldra líka
við á Íslandi. Tónleikarnir verða
laugardagskvöldið 18. júní, hefjast
þeir klukkan 20 og er frítt inn. Fo-
nal verður með plötusölu og stuðn-
ingsbauk á staðnum. Heimsókn
Fonal Records til Íslands er styrkt
af Kimi Records, sendiráði Finn-
lands, Bakkus-bar og Nokia.