SunnudagsMogginn - 19.06.2011, Síða 14
14 19. júní 2011
B
ragi Þór Hinriksson tók sér
tíma fyrir spjall í hádegishléi í
tökum á þriðju myndinni um
ævintýri Sveppa og félaga í
upptökuveri Latabæjar. „Mynd þrjú var
lofað í endann á mynd númer tvö,“ segir
Bragi Þór en myndirnar tvær eru Algjör
Sveppi og leitin að Villa og Algjör Sveppi
og dularfulla hótelherbergið. Báðar
þessar myndir nutu mikilla vinsælda en
samtals fóru um 70.000 manns á þær í
bíó. Þriðja myndin ber nafnið Algjör
Sveppi og töfraskápurinn og verður
frumsýnd í byrjun september.
Sveppi og Bragi Þór skrifa handritin að
myndunum saman, Bragi Þór leikstýrir,
Sveppi leikur aðalhlutverk og svo fram-
leiða þeir myndirnar saman.
Hann er að sjálfsögðu ánægður með
velgengni myndanna. „Við hugsuðum,
hvar eru svona myndir í dag eins og Nýtt
líf og Dalalíf, svona léttmetismyndir,“
segir hann en þeim fannst vanta
skemmtilegar fjölskyldumyndir.
Stóð í röð til að fá miða á Löggulíf
„Við stefndum að því að gera létta mynd,
sem væri hægt að stilla upp á plakati við
hliðina á Disney-mynd eða Toy Story,
búa til íslenskan valkost,“ segir Bragi Þór
og rifjar sæll upp að hafa staðið í röð við
Borgarbíó á Akureyri úti á Ráðhústorgi að
bíða eftir miðum á Löggulíf.
„Ég horfði á Stellu í orlofi um daginn í
flugvél en ég hafði ekki séð hana lengi.
Það vantar svona glaðlegar myndir núna,
eitthvað sem lyftir brún.“
Hann rifjar líka upp að þegar Löggulíf
var frumsýnd var það viðburður að ís-
lensk mynd kæmi í bíó. Núna eru þær
töluvert fleiri og íslensk kvikmyndagerð
vissulega í uppgangi en hann er ekki
ánægður með orðið sem honum finnst ís-
lenskar myndir hafa á sér. Hann segir
marga hugsa að íslensk mynd jafngildi
því að vera leiðinleg mynd. „Við vildum
breyta því. Íslenskar myndir eru ekki
leiðinlegar! Við erum að gera mjög góða
hluti en þurfum að sinna áhorfendunum
betur og það er það sem vakti fyrir okk-
ur.“
Samstarf Braga Þórs og Sveppa byrjaði
ekki í bíómyndunum. „Við byrjuðum á
því að gera þætti á Stöð 2, sem segja frá
Sveppa í herberginu sínu,“ segir hann en
Sveppa-þættirnir hafa verið á dagskrá
hverja helgi í fjögur ár. Hver þáttur er
með þema, samanstendur af sex bútum
og sýndar eru teiknimyndir inni á milli.
„Síðan gerðum við sérstakan jólaþátt,
Algjör Jóla-Sveppi. Þá fór hann út úr
herberginu sínu í fyrsta skipti, í heim-
sókn til ömmu sinnar. Við gerðum smá
mynd úr þessu með ekkert lið í kringum
okkur, bara hljóðmann, tökumann og
ljósamann. Myndin var 46 mínútur og
ríghélt. Það tók þrjá daga að taka hana
upp. Við horfðum hvor á annan og sögð-
um, ef við getum þetta, gætum við þá
ekki gert bíómynd?“ Svarið var já.
Hann segir gott að hafa prófað sig
áfram í ævintýraheimi Sveppa í sjónvarpi
áður en hann færðist á hvíta tjaldið.
„Maður komst þarna með fæturna inn í
einhvern heim, víkkaði hann, byrjaði að
skoða alla króka og kima.“
Uppreisnargirnin í eðlinu
En er ekki gaman að fá tækifæri til að
sökkva sér inn í svona ævintýraheim?
„Jú, aldeilis. Reglur eru beygðar á hátt
sem er vanalega ekki leyft í kvikmynda-
gerð. Þegar við vorum að taka fyrstu
myndina áttuðum við okkur á því þegar
við vorum búnir að taka nokkrar senur
að aðalleikarinn var með giftingarhring á
sér. Við tókum hann þá bara af. Þannig að
þegar þú horfir á myndina er hann í víða
skotinu með giftingarhring en í nær-
mynd er hann farinn af. Það er svolítil
uppreisnargirni í okkur. Þú getur eytt
öllum deginum í að fullkomna eitthvert
skot en ertu að segja góða og skemmti-
lega sögu? Það er miklu sterkara en að
leita að fullkomnun,“ segir hann og út-
skýrir vinnuaðferðir þeirra nánar.
„Við vinnum hratt, aðlögum okkur að
hugsanlegum mistökum en við erum að
gera þetta fagmannlega. Við erum bara
aðeins afslappaðri en aðrir kvikmynda-
gerðarmenn.“
Bragi Þór og Sveppi vinna vel saman
enda í góðri æfingu. Reyndar nær sam-
starf þeirra enn lengra aftur en Sveppa-
þættirnir. „Ég gerði sjónvarpsþátt sem
hét Búbbarnir fyrir nokkrum árum.
Þetta var brúðugrínþáttur á Stöð 2. Við
unnum náið saman þar og það var rótin
að Sveppa-þáttunum sem fóru í gang
tveimur árum síðar,“ útskýrir hann og
heldur áfram.
Alvöru töfraskápur í herberginu
„Það er skemmtilegt að bjóða upp á al-
íslenskt barnaefni. Ég tala nú ekki um ef
það virkar,“ segir hann en aðsóknin á
Sveppa-myndirnar talar sínu máli.
Hann fellst á að segja aðeins frá næstu
mynd. „Allir krakkar vita að Sveppi er
með skáp í herberginu sínu, það er þessi
töfraskápur. Hann býr yfir duldum eig-
inleikum sem Sveppi og Villi læra á í
þessari mynd. Þetta er í alvörunni töfra-
Galdrarnir
styrkjast í
samvinnu
Bragi Þór Hinriksson kvikmyndaleikstjóri lýsir
sér sem afslöppuðum kvikmyndagerðarmanni,
sem vill heldur segja góða sögu en leita að full-
komnun. Honum er annt um að öll fjölskyldan
skemmti sér saman í bíó og er núna að gera
þriðju Sveppa-myndina. Hann ætlar líka að gera
stuttmynd ásamt fóstursyni sínum um geðrof,
sem fjallar um persónulega reynslu stráksins
og fjölskyldunnar af þessum óboðna gesti.
Texti: Inga Rún Sigurðardóttir ingarun@mbl.is
Myndir: Eggert Jóhannesson eggert@mbl.is