Fréttablaðið - 20.10.2011, Blaðsíða 46

20. október 2011 FIMMTUDAGUR38
tonlist@frettabladid.is
Kristín Þóra Haraldsdóttir, leikkona, þreytti frumraun
sína á sjónvarpsskjánum í Kexverksmiðjunni.
Í vetur mun hún meðal annars stíga á stokk í uppsetningu
Borgarleikhússins á Fanný og Alexander.
TÓNNINN GEFINN
Trausti Júlíusson
Sæti Flytjandi Lag
1 Of Monsters and Men ................................... Little Talks
2 Adam Levine / Christina Aguilera Moves Like Jagger
3 Elín Ey / Pétur Ben....................................Þjóðvegurinn
4 Of Monsters And Men .................King and Lionheart
5 Mugison ...........................................................Stingum af
6 Jón Jónsson .................................................Wanna Get It
7 Bubbi Morthens...........................................Slappaðu af
8 Coldplay ................................................................Paradise
9 Lay Low ................................................Brostinn strengur
10 LMFAO ..........................................Sexy And You Know It
TÓNLISTINN
Vikuna 13. október - 19. oktober 2011
LAGALISTINN
Vikuna 13. október. - 19. oktober 2011
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
Sæti Flytjandi Plata
1 Mugison ....................................................................Haglél
2 Of Monsters And Men ...........My Head Is An Animal
3 Björk ..................................................................... Biophilia
4 Lay Low ...................................................Brostin strengur
5 Helgi Björns & reiðm. vind. ......Ég vil fara uppí sveit
6 Jón Jónsson .................................................Wait For Fate
7 Sóley .......................................................................We Sink
8 HAM ............................................ Svik, harmur og dauði
9 Gus Gus ......................................................Arabian Horse
10 Apparat Organ Quartet ....................................Pólýfónía
Þá er Iceland Airwaves hátíðinni 2011 lokið og ekki hægt að segja annað
en að hún hafi tekist vel. Miðborgin fylltist af lífi og gestum út um allt
sem fylltu veitingahús og bari og reyndu að ná sem flestum af þeim
hundruðum tónleika sem voru í boði.
Harpa var nýr tónleikastaður á Air-
waves 2011 og margir voru spenntir að
sjá hvernig hún kæmi út á rokkhátíð
eins og Airwaves. Ég fór á fullt af tón-
leikum í Hörpunni á Airwaves, bæði í
Silfurbergi, þar sem tímamótatónleikar
Bjarkar fóru fram, í Norðurljósum og í
Kaldalóni og fannst húsið koma mjög vel
út á hátíðinni. Allir þessir salir henta vel
fyrir rokktónleika, ekki síður en klass-
ísk. Hljómburður var góður og stemn-
ingin í húsinu var almennt mjög fín.
Það er engin spurning að Harpa eigi
að verða fastur punktur á Airwaves í framtíðinni. Airwaves þarfnast
Hörpu til þess að geta selt fleiri miða og stækkað hátíðina enn frekar og
Harpa þarf á Airwaves að halda til að standa undir þeim kröfum að hún
sé tónlistarhús allra landsmanna, opið öllum tegundum tónlistar. Rokk-
liðið borgar framkvæmdalánin næstu 40 árin með sköttum og útsvari,
ekkert síður en unnendur sígildrar tónlistar. Það hvað Harpa kom vel út
á Airwaves ætti líka að vera stjórn og rekstraraðilum hússins hvatning
til þess að leita leiða til að auðvelda tónlistarmönnum úr popp- og djass-
geiranum að halda þar tónleika. Koma svo krakkar! Þið getið þetta!
Þetta þýðir auðvitað ekki að Harpa á Airwaves komi í staðinn fyrir
Nasa, Faktorý, Gaukinn eða Listasafnið. Aldrei. En hún bætir við
fleiri möguleikum. Það voru langar biðraðir á Airwaves 2011 eins og
stundum áður. Til dæmis var löng biðröð þegar Record Records kynnti
sitt lið á Nasa á miðvikudagskvöldinu. Og röðin fyrir utan sama stað á
föstudagskvöldinu var svakaleg. Næst þarf kannski að gera ráð fyrir
fleiri gestum á miðvikudagskvöldinu. Og næst verður líka kannski
hægt að nota Silfur berg fyrir stóra tónleika öll kvöldin? Ég er strax
farinn að hlakka til.
Harpa + Airwaves = sönn ást?
VEL HEPPNAÐ John Grant í Norður-
ljósasalnum. Harpa kom vel út á
Airwaves. FRÉTTABLAÐIÐ/ARNÞÓR
> PLATA VIKUNNAR
Lay Low - Brostinn strengur
★★★★
„Lay Low toppar sig á frábærri
plötu.“
-tj
Ed O´Brien, gítarleikari Radiohead, segir
að hljómsveitin sé að leggja lokahönd
á skipulagningu tónleikaferðar sinnar
á næsta ári. „Við verðum á ferðinni frá
lokum febrúar þangað til í nóvember og
munum spila bæði í Bandaríkjunum og í
Bretlandi,“ sagði O´Brien. Fleiri Evrópu-
lönd verða einnig heimsótt. Tónleikarnir í
Evrópu verða haldnir innandyra og verður
lögð áhersla á síðustu plötuna, King of
Limbs. „Síðast þegar við fórum í tónleika-
ferð spiluðum við plötuna In Rainbows og
svo vinsælustu lögin. Núna verða það aðal-
lega lögin af þessari plötu og þeirri síðustu
og svo sjáum við til hvaða lög passa með
þeim.“ Radiohead fór síðast í tónleikaferð
um Bretland árið 2009.
Skipuleggja tónleika
SPILA Á NÆSTA ÁRI Thom Yorke og félagar í
Radiohead ætla í tónleikaferð á næsta ári.
> Í SPILARANUM
Song For Wendy - Meeting Point
M83 - Hurry Up, We‘re Dreaming
Orphic Oxtra - Diskó
Tom Waits - Bad As Me
Noel Gallagher - High Flying Birds
SONG FOR WENDY NOEL GALLAGHER
Fimmta hljóðversplata
Coldplay, Mylo Xyloto,
kemur út um næstu helgi.
Textarnir snúast um tvær
manneskjur í leit að ástinni.
Enska hljómsveitin Coldplay gefur
eftir helgi út sína fimmtu hljóð-
versplötu, Mylo Xyloto. Textarn-
ir fjalla um raunirnar sem tvær
manneskjur ganga í gegnum í leit
að ástinni.
Coldplay var stofnuð árið 1997
af bassaleikaranum Guy Berry-
man, Jonny Buckland gítarleikara,
trommaranum Will Champion og
Chris Martin söngvara. Fyrst gáfu
þeir út stuttskífurnar The Safety
og Brothers and Sisters áður en
þeir gerðu fimm platna útgáfu-
samning við Parlophone árið 1999.
Árið eftir kom platan Parachutes
út við miklar vinsældir og var hún
tilnefnd til Mercury-verðlaunanna.
Lagið Yellow sló í gegn um allan
heim og Trouble fylgdi í kjölfarið.
Næsta útgáfa, A Rush of Blood
Through the Head, leit dagsins
ljós tveimur árum síðar. In My
Place, Clocks og ballaðan The Sci-
entist hittu í mark og platan fékk
fína dóma hjá gagnrýnendum rétt
eins og sú fyrsta. Coldplay fékk
Grammy-verðlaunin og vinsæld-
irnar urðu meiri og meiri.
Næsta plata, X&Y, kom út 2005
með lögunum Speed of Sound og
Fix You í forgrunninum. Þrátt
fyrir að fá misjafna dóma varð
hún mest selda plata þess árs með
rúmar átta milljónir seldra ein-
taka. Margir voru farnir að líkja
tónlist Chris Martin og félaga við
U2 og töldu þá einblína um of á
heimsyfirráð í stað þess að ein-
beita sér að því að semja góð lög.
Hóað var í upptökustjórann
Brian Eno, sem hefur einmitt
unnið mikið með U2, fyrir næstu
plötu, Viva La Vida or Death and
All His Friends sem kom út 2008.
Hún fékk betri viðtökur gagnrýn-
enda en sú síðasta og var kjörin
plata ársins af tímaritinu Q, auk
þess að fá Grammy-verðlaunin.
Athygli vakti þegar gítargoðið Joe
Satriani höfðaði mál gegn sveitinni
fyrir að nota hluta úr lagi sínu If
I Could Fly í hinu vinsæla Viva La
Vida. Á endanum náðu aðilarnir
samkomulagi utan dómsstóla.
Brian Eno var aftur við stjórn-
völinn á nýju plötunni, Mylo
Xyloto. Hann hvatti hljómsveitina
til að hamra járnið á meðan það
væri heitt að loknum upptökum á
Viva la Vida og Martin og félagar
tóku hann á orðinu. Fyrsta smá-
skífulagið var Every Teardrop Is
a Waterfall og náði það töluverð-
um vinsældum í sumar, enda ansi
grípandi. Einnig er á plötunni
Princess of China með Rihönnu
sem gestasöngkonu. Dómar um
plötuna eru farnir að birtast og eru
þeir yfirleitt jákvæðir. Tímaritið
Mojo gefur henni fjórar stjörnur
og Rolling Stone þrjár og hálfa og
segir hana þá metnaðarfyllstu til
þessa frá Coldplay.
freyr@frettabladid.is
Coldplay segir ástarsögu
Coldplay hefur selt
yfir fimmtíu millj-
ónir hljómplatna.50
NÚMER FIMM Hljómsveitin Coldplay gefur út sína fimmtu hljóðversplötu, Mylo Xyloto, í næstu viku. NORDICPHOTOS/GETTY