Fréttablaðið - 19.11.2011, Blaðsíða 34

19. nóvember 2011 LAUGARDAGUR34
Í VINNUNNI Bragi hefur starfað sem sölumaður hjá Bönunum ehf. í tæp fjögur ár. Hér kannar hann lager fyrirtækisins.
MERKTUR Bragi er með tvö Liverpool-tengd húðflúr á líkamanum. Fuglinn, merki liðsins, fékk hann sér vorið 2005 þegar
Liverpool sigraði í Meistaradeild Evrópu en einkennisorð félagsins lét hann húðflúra á sig fyrir þremur árum.
GRÁTLEGT Í lok leiks Liverpool og Manchester United var upplitið heldur lágt á Braga og
félögum á Górillunni, enda staðan jöfn og fjöldi dauðafæra farinn í súginn hjá Liverpool.
ATT KAPPI VIÐ ERKIFJENDURNA „Þegar vel gengur tökum við stundum lagið,” segir Bragi, sem byrjaði að styðja Liverpool ungur að árum, „þegar spámaðurinn Bjarni Fel lýsti vikugömlum leikjum í svarthvítu“.
Smá rígur er bráðnauðsynlegur
Yfir fimm þúsund eru í Liverpool-klúbbnum á Íslandi og er Bragi Brynjarsson, stjórnarmaður klúbbsins og sölumaður hjá Bönunum
ehf., með þeim dyggustu. Pjetur Sigurðsson ljósmyndari fylgdi Braga eftir í dagsins önn og Kjartan Guðmundsson ræddi við hann.
Þ
etta tekur sinn tíma, en ég sé
ekki eftir einum einasta klukku-
tíma sem fer í þetta stúss.
Liverpool er nú einu sinni mín
helsta ástríða,“ segir Bragi
Brynjarsson, sölumaður hjá inn-
flutningsfyrirtækinu Bönunum ehf. og ein-
arður stuðningsmaður enska knattspyrnu-
liðsins Liverpool.
Sem meðlimur í stjórn Liverpool-klúbbs-
ins á Íslandi, þar sem hann gegnir einnig
stöðu viðburðastjóra, lætur Bragi sér ekki
nægja að horfa á leikina heldur mætir
fyrstur allra á veitingastaðinn Úrillu gór-
illuna, nýjan heimavöll Liverpool-klúbbs-
ins, og gerir allt klárt á leikdögum. Við
skreytum alltaf staðinn fyrir leiki til að
skapa stemningu, en þó er lagt mismikið
í undirbúning eftir mikilvægi viðureign-
anna. Auk þess sé ég meðal annars um að
skipuleggja árshátíðir klúbbsins, sem notið
hafa mikilla vinsælda,“ segir Bragi, en á
téðum árshátíðum hefur í mörg ár verið
vaninn að flytja inn sérstaka gesti, oftast
nær úr röðum fyrrverandi leikmanna
Liverpool, til að miðla af reynslu sinni og
skemmta gestum.
„Markaskorarinn Ian Rush er líklega
mesta goðsögnin sem við höfum fengið í
heimsókn. Alan Kennedy kom síðast og hann
er frábær ræðumaður, en það var líka mjög
gaman og eftirminnilegt að djamma heila
helgi með partípésanum Neil Ruddock,“
segir Bragi. Liverpool-klúbburinn fagnar
átján ára afmæli sínu í mars næstkomandi.
„Stuðningsmannaklúbbur erkifjendanna í
Manchester United á Íslandi fagnaði tuttugu
ára afmæli sínu á dögunum og fékk tvo fyrr-
verandi leikmenn, þá Paddy Crerand og
Alex Stepney, til landsins af því tilefni. Þeim
Manchester-mönnum þótti það mikið afrek,
en við gerum þetta á hverju ári,“ segir Bragi
og bætir við að smá rígur milli stuðnings-
fólks sé bráðnauðsynlegur. „Það væri ekkert
gaman ef allir héldu með sama liðinu.“
FRAMHALD Á SÍÐU 36
Fleiri myndir má sjá á visir.is