Fréttablaðið - 25.11.2011, Blaðsíða 38

8 föstudagur 25. nóvember
DOVE INTENSE REPAIR ER SÉRFRÆÐIMEÐFERÐ FYRIR MEÐHÖNDLAÐ HÁR.
STUNDUM ER HÁRIÐ
ÓSTÝRLÁTT OG ERFITT.
ÁSTÆÐAN FYRIR ÞVÍ ER
YFIRLEITT SÚ AÐ HÁRIÐ
HEFUR SKADDAST Á
EINHVERN HÁTT.

NÝTT DOVE INTENSE REPAIR SJAMPÓ
OG HÁRNÆRING MEÐ FIBER ACTIVE
TECHNOLOGY SMÝGUR DJÚPT Í HÁRIN
OG BYGGIR ÞAU UPP INNAN FRÁ ÞANNIG
AÐ HÁRIÐ LIFNAR VIÐ AÐ NÝJU.
repair therapy
Fullnæging skapar nánd
?Hér hafa tvö mál verið mikið í umræðunni, eitt sem fjallar um dýraníð og annað um mann sem fangelsaður var fyrir ítrekuð brot gegn stjúpdóttur sinni. Ég hef
verið að velta því fyrir mér hvað það er sem fær fólk til að haga sér svona. Er þetta
kynbrenglun í líkingu við það að vilja láta niðurlægja sig eða eitthvað allt annað?
Hafa kynfræðingar eitthvað rannsakað hegðun sem þessa?
Svar: Hér er um að ræða tvö mjög ólík mál; dýraníð og svo kynferðisbrot gegn
barni. Það er því ekki hægt að tala um þetta sem einsleitan hóp af gerendum.
Ég get ekki gert þessu ítarleg skil hér en kynfræðingar hafa einbeitt sér frekar að
rannsóknum á seinna brotinu. Það má útskýra m.a. með
því að réttindi dýra eru mismikil eftir löndum og því áhersl-
an á rannsóknir á dýraníði því oft ekki talin þörf. Dýraníð
hefur þó ögn verið kannað og er hvatinn við dýraníð annar
en hjá barnaníðingum. Þá skiptast dýraníðingar í tvo hópa,
þá sem segjast hneigjast til dýra og eiga í sambandi við
þau, og þá sem telja sig einungis stunda kynlíf
með dýrum. Að mér vitandi hafa fræðin ekki
tengt þessi mál við niðurlægingu enda er
það annar angi af kynlífi sem byggir ekki á
lögbroti heldur samþykki þess sem „nið-
urlægir“ og þess sem er niðurlægður og er þetta ekki talin sem
kynbrenglun. Þetta eru því töluvert flóknari mál en ég vona
ég hafi svarað þér að einhverju leyti.
?Ég var að horfa á Oprah Winfrey og þar voru hjón á barmi skilnaðar en ráðgjafi þáttarins fékk þau til að prófa að
stunda kynlíf einu sinni á dag í heila viku og tala svo við sig
aftur. Þau gerðu það og viti menn, þau hættu við að skilja og
voru hamingjusamari en nokkru sinni fyrr. Því spyr ég, er til
einhver mælikvarði fyrir það hversu oft pör/hjón eiga að sofa
saman í viku, hvað sé ráðlegt eða telst „eðlilegt“?
Svar: Hin sígilda spurning um meðaltal. Það er ekki til nein
ein töfratala þar sem skilgreining á kynlífi er einstaklingsbundin
og ekki bara bundin við samfarir. Svo er kynlöngun einstaklinga
breytileg. Hvert og eitt par verður því að finna sína tölu sem
báðir eru sáttir við. Þetta er ekki bara spurning um að láta fólk
stunda kynlíf daglega og að þar með leysist þeirra vandamál,
frekar hvað gerist milli pars þegar það stundar kynlíf reglu-
lega. Þetta er spurning um að fá oftar fullnægingu, saman og
í sitthvoru lagi, og það skapar aukna nánd. Þegar báðir aðil-
ar eru fullnægðir þá eru þeir hamingjusamari og sambandið
gengur betur. Rifrildi verða færri og skilningur meiri. Þetta
gæti verið ágætis æfing fyrir pör sem eru pirruð.
Á RÚMSTOKKNUM
Sigga Dögg kynfræðingur
Þegar
báðir að-
ilar eru full-
nægðir þá eru
þeir hamingju-
samari og af-
slappaðri og
sambandið
gengur betur.
Sendu Siggu Dögg póst með spurningum eða óskum um
umfjöllunarefni. Netfangið er kynlif@frettabladid.is
Tískuíkonið Loulou de la Falaise lést í byrjun mánaðarins aðeins 63 ára að aldri. Falaise
var músa, samstarfskona og ein besta vinkona
hönnuðarins Yves Saint Laurent, sem hann-
aði Le Smoking-kvenjakkafötin fyrir áhrif
frá henni.
Falaise var dóttir bresku fyrirsætunn-
ar Maxime de la Falaise og fransks hefðar-
manns og starfaði sjálf sem fyrirsæta um hríð
og sat meðal annars fyrir í bandaríska Vogue.
Hún hannaði lengi skartgripi fyrir tískuhúsið
YSL en eftir að vinur hennar, Yves Saint Laur-
ent, settist í helgan stein kom Falaise á lagg-
irnar eigin fylgihlutalínu sem vakti mikla at-
hygli meðal tískuunnenda.
Tímaritið Women‘s Wear Daily segir frá
því að Falaise hafi greinst með krabbamein í júlí
í fyrra en haldið fréttunum frá fjölmiðlum. Frétt-
ir af andláti hennar komu því mörgum á óvart
enda virtist Falaise hraust og heilbrigð. Falaise
lætur eftir sig eina dóttur, Önnu.
Loulou de la Falaise minnst:
Fyrirsæta af
aðalsættum
Bestu vinir Falaise og fatahönnuðurinn Yves
Saint Laurent voru vinir alla ævi. Hér sjást þau
saman árið 1990. NORDICPHOTOS/GETTY
Hin þrjú fræknu Yves Saint Laurent ásamt
vinkonum sínum og músum, Falaise og Betty
Catroux, fyrir framan fyrstu verslun sína í London.
Þríeykið klæðist safari-fatnaði sem Laurent gerði
vinsælan á sjöunda áratugnum.
Smekkleg Falaise gekk gjarnan í buxum og þótti
ávallt smekkleg. Hér er hún á tískuvikunni í París
árið 2006.
Endurfundir Loulou de la Falaise og Betty Catroux sjást hér saman á frumsýn-
ingu heimildarmyndarinnar L’Amour Fou í Torontó árið 2010. Myndin segir frá
sambandi Laurents og sambýlismanns hans, Pierre Berge.