Fréttablaðið - 25.11.2011, Blaðsíða 10

25. nóvember 2011 FÖSTUDAGUR10
EGYPTALAND „Kosningunum verð-
ur ekki frestað,“ segir Mamdouh
Shaheen, einn herforingjanna í
herforingjaráðinu sem fer með
stjórn í Egyptalandi.
Fyrsti áfangi þeirra af þrem-
ur verður haldinn á mánudaginn,
en síðasti áfanginn ekki fyrr en í
byrjun næsta árs. Kosið verður til
þings, sem fær tæplega hálft ár til
að semja nýja stjórnarskrá. Að því
búnu, eða í júní á næsta ári, verð-
ur efnt til forsetakosninga og loks
þingkosninga, standist þær áætl-
anir sem herforingjastjórnin hefur
kynnt.
Shaheen kom fram á blaða-
mannafundi í gær ásamt öðrum
herforingja úr stjórninni, Mukhtar
el-Mallah. Sá sagði að herforingja-
stjórnin væri að bregðast trausti
þjóðarinnar ef hún léti af völd-
um núna, enda sé mannfjöldinn
á Tahrir-torgi ekki þjóðarheildin.
„Við munum ekki afsala okkur
völdum af því að hópur fólks söngl-
ar slagorð um það,“ sagði el-Mal-
lah. „Það er engin guðsgjöf að fara
með völdin. Það er bölvun. Því
fylgir mjög þung ábyrgð.“
Herforingjastjórnin baðst hins
vegar afsökunar á dauða nærri
40 mótmælenda, sem látist hafa
af völdum aðgerða lögreglunnar á
Tahrir-torgi síðustu daga. Seint á
miðvikudagskvöld komu tveir her-
foringjanna fram í sjónvarpi þar
sem þeir vottuðu allri egypsku
þjóðinni samúð sína. Aðstandend-
um hefur verið lofað skaðabótum
og fullyrt er að þeir lögregluþjón-
ar sem ábyrgð bera verði sóttir til
saka.
Með þessu vonast herforingja-
stjórnin til að róa almenning, sem
hefur þrotið langlundargeð gagn-
vart stjórninni vegna þess hve
hægt gengur að koma á lýðræðis-
umbótum.
Gagnrýnin á herforingjastjórn-
ina beinist einnig að því að hún
hefur sent lögregluna á mótmæl-
endur, en lögreglan er óvinsæl í
Egyptalandi vegna þess ofbeldis
sem hún er þekkt fyrir að beita,
öfugt við herinn sem frá fornu fari
hefur notið velvildar almennings.
Mjög skiptar skoðanir virðast
vera meðal Egypta um það hvort
halda eigi kosningarnar strax.
Samkvæmt skoðanakönnunum
fær Frelsis- og réttlætisflokkurinn
flest atkvæði, en að honum stendur
Bræðralag múslíma, samtök sem
áratugum saman hafa verið öfl-
ugustu samtök trúaðra múslíma í
Egyptalandi, þrátt fyrir áralangt
bann við stjórnmálaþátttöku.
Flokkurinn boðar hófsama stjórn
með trúargildi að leiðarljósi.
gudsteinn@frettabladid.is
DÓMSMÁL Hæstiréttur dæmdi í gær Svavar Halldórs-
son, fréttamann á Ríkisútvarpinu, til að greiða Pálma
Haraldssyni, sem oftast er kenndur við Fons,
200 þúsund krónur í miskabætur. Tilefnið
er frétt sem Svavar flutti í kvöldfréttum
Ríkissjónvarpsins 25. mars á síðasta ári.
Héraðsdómur Reykjaness hafði áður sýkn-
að Svavar.
Frétt Svavars fjallaði um lán upp á 2,5
milljarða króna, sem Pálmi var sagð-
ur hafa fengið frá Glitni.
Pálmi gerði kröfu um ómerk-
ingu fimm ummæla sem við-
höfð voru í fréttinni. Ein
þeirra, það er að pening-
arnir fyndust hvergi, dæmdi Hæstirétt-
ur dauð og ómerk. Svavar hefði ekki
sýnt fram á að þetta ætti við rök að
styðjast og hefði ekki leitað upp-
lýsinga frá Pálma um efni henn-
ar. Hæstiréttur taldi ekki efni til
að dæma Svavar til refsiábyrgðar
fyrir flutning þeirra.
Pálmi stefndi Páli
Magnússyni og Maríu
Sigrúnu Hilmars-
dóttur fréttaþul, sem
kynnti fréttina, til
vara. Þau voru sýkn-
uð í málinu. - jss
Það er engin guðsgjöf
að fara með völdin.
Það er bara bölvun. Því fylgir
mjög þung ábyrgð.
MAMDOUH SHAHENN
HERFORINGI
Sími 412 2500 - sala@murbudin.is - www.murbudin.is
– Afslátt eða gott verð?
Rektu nú karlinn út til að
setja upp jólaseríurnar!
– með réttu græjunum
Áltrappa 5 þrep
5.990
Áltrappa 4 þrep
4.990
Álstigi 2x12 þrep
3,61-6,1 m
23.900
Álstigi 12 þrep 3,38 m
6.990
Álstigi 3x8 þrep
2,27-5,05 m
16.990
Reykjavík - Reykjanesbæ
Akureyri - Húsavík
Vestmannaeyjum
alla sunnudaga klukkan 16.
Njótið vel
Hemmi Gunn
– og svaraðu nú!
Fjölbreyttur og fjörugur þáttur
Herforingjastjórnin
heldur sínu striki
Herforingjarnir í Egyptalandi neita að láta af völdum og stefna ótrauðir á
kosningar eftir helgi. Biðjast samt afsökunar á dauðsföllum síðustu daga og lofa
aðstandendum skaðabótum. Ekkert lát á mótmælum á Tahrir-torgi í Kaíró.
MÓTMÆLENDUR Í EGYPTALANDI „Farið burt. Egyptaland er stærra en þið allir,“
stendur á fánanum sem mótmælendur breiddu úr á Tahrir-torgi í Kaíró.
NORDICPHOTOS/AFP
Hæstiréttur sneri dómi Héraðsdóms Reykjaness í meiðyrðamáli við:
Svavar greiði Pálma 200 þúsund
JEMEN, AP Mótmælin í Jemen hættu ekki þótt Ali
Abdullah Saleh forseti hafi samþykkt að segja
af sér. Ekkert lát er heldur á ofbeldi af hálfu
stjórnarinnar. Öryggissveitir urðu fimm mót-
mælendum að bana í gær í höfuðborginni Sana.
Leiðtogar stjórnarandstöðuflokka í Jemen
hétu Saleh forseta refsileysi gegn loforði hans
um afsögn. Samningurinn gerir ráð fyrir því
að Abed Rabbo Mansour Hadi varaforseti taki
við en kosningar verði haldnar innan þriggja
mánaða.
Mótmælendur eru ósáttir við að stjórnarand-
stöðuflokkarnir geri samkomulag af þessu tagi,
því þeir hafi ekkert umboð frá mótmælenda-
hreyfingunni sem ekki á fulltrúa á þingi.
Mótmælendurnir eru einnig ósáttir við að
Saleh hafi verið heitið refsileysi. Einnig segja
þeir ómögulegt að vita nema Saleh snúist hugur
og vilji sitja áfram þegar á reynir. Hann hefur
þrisvar áður lofað afsögn en ekki staðið við það.
Sjálfur gaf Saleh til kynna, þegar hann und-
irritaði samninginn í Sádi-Arabíu á miðviku-
dag, að hann gæti vel hugsað sér að taka áfram
þátt í stjórnmálum í Jemen, enda er flokkur
hans enn öflugur á þingi. - gb
Mótmælin í Jemen halda áfram þótt forsetinn hafi fallist á afsögn:
Fleiri mótmælendur drepnir
MÓTMÆLENDUR Í SANA Telja ótímabært að fagna afsögninni strax.
NORDICPHOTOS/AFP
SVAVAR
HALLDÓRSSON
PÁLMI
HARALDSSON