Fréttablaðið - 25.11.2011, Blaðsíða 70

25. nóvember 2011 FÖSTUDAGUR54
Hjónabandssæla
Hrekkjusvín – söngleikur – síðasta sýning
Fös 25 nov kl 19
Lau 26 nóv. kl 20
Sun 27 nóv. kl 20
Fim 01 des. kl 20
Fös 02 des. kl 20
Steini, Pési og Gaur á Trommu - Uppistand
Fim 24 nov kl 20.00
Fös 25 nov kl 22.30
Lau 03 des kl 22.30
Lau 08 des kl 22.30
FÖSTUDAGSLAGIÐ
„Síðustu föstudaga – Fall Down
Slow með Sin Fang. þetta er
reyndar búið að vera magnað
plötuár, en Sin Fang er tvímæla-
laust ein af plötum ársins, ef
ekki plata ársins að mínu mati.“
Dagur B. Eggertsson, formaður borgar-
ráðs.
MATGÆÐINGUR Girnilegar uppskriftir má finna á
evalaufeykjaran.com FRÉTTABLAÐIÐ/VALLI
„Hún verður gefin út hjá for-
lagi sem nefnist New American
Press og er ekki langt frá Chi-
cago. Þetta er tíu til fimmtán ára
gamalt forlag sem gefur út bók-
menntir og tímarit. Þeir ætla að
gera vel úr þessu og það kemur
jafnvel til greina að ég fari út, lesi
upp og áriti,“ segir rithöfundur-
inn Ólafur Gunnarsson. Smá-
sagnasafn hans, Meistaraverkið,
verður gefið út í Bandaríkjunum
á næsta ári.
Amerískur bókamarkað -
ur hefur löngum verið sagður
ansi þröngsýnn þegar kemur að
erlendum bókmenntum og það
eru ekki mörg íslensk skáld sem
hafa komið bókum sínum á fram-
færi við ameríska lesendur; Yrsa
Sigurðardóttir, Arnaldur Indriða-
son og Ólafur Jóhann Ólafsson
eru þar kannski í broddi fylking-
ar ásamt Halldóri Laxness. Ólaf-
ur var að vonum himinlifandi
með tíðindin. „Það þykir náttúr-
lega ekki tiltökumál að höfundur
frá Íslandi fái bók sína útgefna í
útlöndum, sérstaklega eftir bóka-
messuna í Frankfurt. En Banda-
ríkin eru eilítið annars eðlis, þeir
eru mjög lokaðir á bækur sem
ekki eru skrifaðar á ensku.“
Ólafur naut liðsinnis bít-skálds-
ins Rons Whitehead, sem kom á
bít-hátíð höfundarins fyrir þrem-
ur árum, við að koma bókinni á
framfæri. „Ég sagði honum að ég
væri að vinna að smásagnasafni
og hann spurði hvort ég vildi ekki
þýða eina sögu og senda honum.
Hann kom henni til forlagsins og
þeir luku lofsorði á hana og báðu
um meira efni. Í framhaldi af því
náðust þessir samningar.“ Ólaf-
ur er nú á fullu í jólabókaflóðinu
sem er ansi drjúgt þetta árið og
mun meðal annars árita bók sína í
Eymundsson í Kringlunni á laug-
ardag og svo í Austurstræti. - fgg
Bít-skáld liðkaði fyrir Ameríkuútgáfu
AMERÍKUDRAUMUR Ólafur Gunn-
arsson hefur samið við New American
Press um að gefa út smásagnasafnið
Meistaraverkið í Bandaríkjunum. Skáldið
er himinlifandi með árangurinn enda
ekki á hverjum degi sem íslenskum höf-
undi tekst að brjóta sér leið þar inn.
FRÉTTABLAÐIÐ/STEFÁN
„Ég veit fátt betra en að borða, það er mikið
áhugamál hjá mér,“ segir Eva Laufey Kjaran
Hermannsdóttir, 22 ára gömul Akranesmær, sem
vakið hefur mikla athygli fyrir matreiðslublogg
sem hún heldur úti. Bloggið stofnaði hún í fyrra,
sér til gamans að eigin sögn, en síðustu mánuði
hafa heimsóknir á síðuna rokið upp. Eva Laufey
er enda dugleg að birta girnilegar myndir og
uppskriftir sem hún notar frítíma sinn frá nám-
inu í að kokka upp.
„Ég hef alla tíð verið sælkeri og haft mik-
inn áhuga á matargerð frá því að ég var mjög
ung. Mamma mín er sérlega góður kokkur og
hún leyfði mér að taka þátt í öllu sem sneri að
eldamennsku þegar ég var yngri, og ég hef í
raun ekki hætt að elda og baka síðan.“ segir
Eva Laufey sem segist ekki eiga erfitt með að
standast freistinguna að borða allt sem hún
bakar. „Ég reyni bara að bjóða vinum mínum oft
í köku og kaffi.“
Eva Laufey er að vonum ánægð með að eiga
eitt vinsælasta matarblogg landsins og tæki-
færin sem fylgja athyglinni. Þrátt fyrir ungan
aldur hefur hún nú þegar fengið uppskrift birta
í Gestgjafanum og er farin að skrifa pistla um
mat á mbl.is. Henni líður ágætlega í sviðsljósinu
og segir það líklega vera eitthvað í blóðinu, en
hún er dóttir Hemma Gunn og systir Eddu Her-
mannsdóttur sjónvarpskonu. Ef til vill mun hún
einhvern daginn feta í fótspor þeirra og birtast
á skjánum, en þessa dagana einbeitir hún sér
að blogginu. „Á meðan mér finnst þetta svona
gaman og einhver nennir að skoða síðuna held ég
áfram. Ég hef svo ótrúlega gaman af þessu.“ - bb
Eldar og bakar á hverjum degi
„Ég held alveg sérstaklega upp á
Pál Óskar. Ég hef haft áhuga á tón-
listinni hans síðan 1987 og Euro-
vision síðan hann flutti Minn hinsti
dans. Í raun og veru er það hann
sem vakti hjá mér áhuga á íslenskri
tónlist og þá sérstaklega Eurovis-
ion.“ Þetta segir Craig Murray,
einlægur ástralskur Íslandsvinur
og tónleikagestur Frostrósa, sem
langar alveg sérstaklega til að
hitta Pál Óskar Hjálmtýsson þegar
hann og sambýlingur hans, Daryl
Brown, koma hingað til Íslands
skömmu fyrir jól.
Eins og Fréttablaðið greindi frá
í ágúst reyndu Murray og Brown
að fá fund hjá Jóhönnu Sigurðar-
dóttur, hún væri nánast í guðatölu
hjá þeim. Murray upplýsir að hann
hafi sent aðstoðarmanni Jóhönnu
fyrirspurn um hvort þeir gætu
fengið mynd af sér með íslenska
forsætisráðherranum. „En það
reyndist ekki vera hægt,“ segir
Murray, sem fær hins vegar þann
draum sinn uppfylltan að hitta Pál
Óskar. Því þegar Fréttablaðið hafði
samband við íslensku poppstjörn-
una stóð ekki á honum. „Auðvitað,
ég tek þeim opnum örmum og geri
vel við þá. Eru þeir ekki miklir
Eurovision-aðdáendur?“ segir Páll.
Murray átti ekki orð þegar
Fréttablaðið flutti honum þessi
tíðindi og ástralski Eurovision-
aðdáandinn sagðist vera hamingju-
samasti maður Ástralíu um þess-
ar mundir. Fundur þeirra þriggja
á eflaust eftir að vera rúsínan í
pylsuendanum því þeir Murray
og Brown eiga 20 ára sambýlisaf-
mæli þegar þeir koma hingað og
Murray sjálfur verður fimmtug-
ur meðan á Íslandsdvölinni stend-
ur. Þeir félagar verða á tónleikum
Frostrósa á Akureyri hinn 17. des-
ember og ætla síðan að drekka í
sig hina rammíslensku jólastemn-
ingu fyrir norðan og á höfuðborg-
arsvæðinu. „Ég veit að við munum
skemmta okkur konunglega þegar
við komum,“ segir Murray.
freyrgigja@frettabladid.is
CRAIG MURRAY: PÁLL ÓSKAR VAKTI HJÁ MÉR ÁHUGA Á ÍSLENSKRI TÓNLIST
DRAUMUR AÐ RÆTAST AÐ
FÁ AÐ HITTA POPPKÓNGINN
Á GÓÐRI STUNDU Páll Óskar ætlar að hitta þá Daryl Brown og Craig Murray þegar þeir koma til Íslands. Þetta ástralska par er
miklir Frostrósa-aðdáendur og eru hér á góðri stundu með Regínu Ósk og Friðriki Ómari.