Morgunblaðið - 13.08.2010, Blaðsíða 19
Fréttir 19ERLENT
MORGUNBLAÐIÐ FÖSTUDAGUR 13. ÁGÚST 2010
Reuters
Gallalausir? Í Jyllandsposten segir að rannsóknin á bílum Toyota gæti
reynst umfangsmesta sýknun bílasögunnar.
Karl Blöndal
kbl@mbl.is
Japanski bílaframleiðandinn Toyota
innkallaði fyrr á þessu ári níu millj-
ónir bíla. Ástæðan var sú að 58 bílar
höfðu lent í slysum, sem talið var að
rekja mætti til galla. Nú hefur
bandaríska þjóðvegaöryggisráðið,
NHTSA, skilað skýrslu með bráða-
birgðaniðurstöðum og segir í frétt í
Jyllandsposten að það hafi hvorki
fundið tæknilega né rafræna galla í
einum einasta þessara bíla. Blaðið
spyr hvort um sé að ræða umfangs-
mesta sýknudóm bílasögunnar.
NHTSA rannsakaði alla 58 bíl-
ana og niðurstaðan er sú að aðeins í
einu tilfelli hafi bensíngjöf fest undir
lausri gólfmottu. Sérfræðingar
stofnunarinnar fundu í engum
bílanna vísbendingar um að bensín-
gjöf hefði fest eða færst hægt til
baka og þannig valdið slysi.
Rúmlega 3.000 kvartanir hafa
borist NHTSA frá eigendum
Toyota-bifreiða út af skyndilegri
hröðun í akstri, sem leitt hafi til að
minnsta kosti dauðsfalla.
Rannsökuðu svörtu kassana
Bílarnir, sem sérfræðingar
stofnunarinnar rannsökuðu, voru all-
ir búnir með tæki, sem virkar líkt og
svarti kassinn í flugvélum og skráir
aksturssögu þegar eitthvað gerist,
sem gæti orðið til þess að virkja ör-
yggisbelgi bíls. Þar er skráður öku-
hraði, snúningshraði vélar og hvort
notuð hafi verið bensíngjöf eða
bremsa. Þá er þyngdaraflið rétt fyrir
og í óhappinu mælt.
Í skýrslu NHTSA segir að í 35
tilfellum hafi ekki fundist vísbend-
ingar um að bremsurnar hafi verið
notaðar þrátt fyrir skyndilega hröð-
un; það gæti þýtt að ökumaður hafi
óvart stigið á bensíngjöfina. Í 14 bíl-
um hefði bremsan verið notuð, en of
seint til að geta komið í veg fyrir
slys.
Samkvæmt frétt Jyllandspost-
en eru lögfræðingar, sem eiga þús-
undir Toyota-eigenda að skjólstæð-
ingum, ekki sáttir við þessar niður-
stöður. Þeir segja að í mörgum
tilfellum hafi skrásetningarkerfið
ekki virkjast þar sem óhöppin áttu
sér stað á bílastæðum og bílarnir
verið á litlum hraða þótt hröðun hafi
átt sér stað.
Þá tefla lögfræðingarnir fram
sérfræðingi, sem segir að skrásetn-
ingarkerfið sé háð rafmagnskerfi,
sem hafi verið gallað. Því sé ekki
hægt að reiða sig á upplýsingarnar,
sem skráðar séu í öryggisritann í
þeim gerðum Toyota, sem um ræðir.
Enn þykir þó of snemmt að full-
yrða að mannleg mistök hafi verið
ástæðan fyrir tíðum óhöppum bíla
frá Toyota, en ekki tæknileg. Sér-
fræðingar bandarísku geimvísinda-
stofnunarinnar, NASA, eiga eftir að
ljúka rannsókn á því hvort rafsegul-
truflanir hafi haft áhrif á rafkerfið í
bílunum, sem lentu í óhöppunum.
Var innköllun níu milljón bíla óþörf?
Rannsókn bandarískrar öryggisstofnunar bendir til að ekki hafi verið galli í bílum Toyota
Reuters
Í rústunum Íbúi í Mokovoje við þorpið Belomut, sem er 150 km suðaustur af Moskvu, leitar að einhverju nýtilegu í brúnarústum húss síns í gær.
Karl Blöndal
kbl@mbl.is
Dimítrí Medvedev, forseti Rússlands,
sagði í gær að árangur hefði náðst í að
hemja gróðureldana, sem orðið hafa
50 manns að bana í Rússlandi og lagt
heilu þorpin í eyði. Nú er sérstök
áhersla lögð á að vernda bæinn Sarov
þar sem Rússar gera kjarnorkurann-
sóknir sínar. Neyðarástandi hefur
verið aflétt á þremur svæðum af sjö
þar sem eldarnir hafa geisað.
Medvedev sagði einnig að upp-
skera yrði fjórðungi minni á þessu ári
en búast hefði mátt við vegna hita-
bylgjunnar í sumar. Útflutningur á
kornmeti hefur verið stöðvaður og
uppskerubresturinn er þegar farinn
að hafa áhrif á verðlag. Verð á hveiti
hefur þrefaldast síðan í maí og óttast
er að verð á allt frá brauði til vodka
muni brátt hækka.
Mikil reiði er í Rússlandi vegna
ástandsins og hörð gagnrýni hefur
birst á helstu ráðamenn í fjölmiðlum.
Þeim er gefið að sök að hugsa meira
um ímynd sína en hag almennings.
Vladimír Pútín forsætisráðherra
setti á sig heyrnartól og settist við
stjórnvölinn á flugvél sem sótti vatn í
stöðuvatn og sturtaði því yfir elda.
Medvedev hélt fund um skaðann af
eldunum í stjórnstöð sjóhersins og
rak fimm embættismenn á hálfri mín-
útu.
Þröng sýn ímyndarsmiða
„Það eina sem ímyndarverk-
fræðingum hans dettur í hug er að
setja hann enn einu sinni undir stýrið
á flugvél,“ sagði í viðskiptadagblaðinu
Vedomosti um flugferð Pútíns. „Þetta
er hin þrönga sýn ímyndarsmiða, sem
halda að sjónvarpsmynd af Pútín
undir stýri sé eilíf allrameinabót við
dvínandi fylgi.“
Blaðið Moskovskí Komsomolets,
sem allajafna styður dyggilega við
stjórnvöld, hefur gagnrýnt þau harð-
lega og spyr: „Eiga ráðamenn ekki að
sýna hvers megnugt stjórnkerfið er á
neyðartímum? Til hvers erum við
annars að halda uppi forsetum, for-
sætisráðherrum, ráðherrum, ríkis-
stjórum, aðstoðarmönnum, herfor-
ingjum eða einfaldlega hernum?“
Nú er þess minnst að tíu ár eru
frá því að stolt rússneska flotans,
kjarnorkukafbáturinn Kúrsk, sökk og
118 manns fórust. Þá þótti Pútín
hlaupa á sig þegar hann ákvað að
halda áfram í sumarfríi þrátt fyrir
slysið. „Fyrir tíu árum töldu gagnrýn-
endur Pútíns að ferill hans hefði sokk-
ið með Kúrsk. En það er fyrst nú sem
stjórnin er að hrynja í hamförum
sumarsins,“ sagði í vefritinu Gazet-
a.ru.
Að þessu sinni fór Pútín ekki í
sumarfrí og var fljótari á vettvang.
Birtust myndir af honum í rjúkandi
rústum þorpsins Verknaja Vereija í
Nisní Novgorod. Þar varð hann
reyndar einnig fyrir aðkasti íbúa og ef
til vill hefur það minnt hann á reiði
ættingja þeirra, sem fórust með
Kúrsk, þegar hann sneri aftur úr frí-
inu sínu fyrir tíu árum.
Eldarnir hafa geisað í tvo mánuði
og voru ekki teknir alvarlega í upp-
hafi. Það gerðist í raun ekki fyrr en
áhrifanna fór að verða vart í Moskvu.
Sérfræðingar höfðu sagt að í hit-
um gætu blossað upp miklir eldar.
Um árabil hefur verið rætt að bleyta í
þurrum gróðri og mó í kringum
Moskvu, en ekki orðið af því vegna
kostnaðar, sem metinn var hálfur
milljarður evra. Nú er talið að tjónið
nemi minnst 40 milljörðum evra og
uppskera hafi eyðilagst á tíu milljörð-
um hektara vegna elda og hita.
„Sérfræðingar spáðu óvenju-
heitu sumri í upphafi vors. Þurrkarnir
og fordæmalaus hitinn byrjaði sums
staðar í upphafi júlí,“ skrifaði blaðið
Vedomosti. „Ríkisstjórar og yfirvöld
á hverjum stað hefðu átt að undirbúa
þéttbýli og fólk á staðnum fyrr undir
möguleikann á eldum.“
Rússar reiðir ráðamönnum
Hitnað hefur undir Medvedev og Pútín vegna gróðureldanna í Rússlandi
Stjórnvöld sökuð um aðgerðaleysi Fjórðungur uppskerunnar talinn ónýtur
Reuters
Fyrir ímyndina? Vladimír Pútín sturtaði á þriðjudag vatni úr flugvél á
gróðurelda og hlaut gagnrýni fyrir að ganga of langt í ímyndaræfingum.
Valdatafl í Kreml
» Þar sem rússneska stjórn-
arskráin kom í veg fyrir að Pútín
gæti setið lengur en tvö kjör-
tímabil sem forseti kom hann
Medvedev fyrir í embættinu
2008.
» 2012 verða forsetakosn-
ingar á ný og spurningin er hvað
Pútín og Medvedev ætla sér.
» Rússnesk stjórnvöld eru
gagnrýnd fyrir að hafa ekki bol-
magn til að bregðast við neyð-
arástandinu. Hamfarirnar séu
ekki náttúrulegar heldur fé-
lagslegar og pólitísk framtíð
bæði Pútíns og Medvedevs er í
uppnámi.
Eyðsla almanna-
fjár í djass-
vinnustofur,
stressengla og
ferðir í nátt-
úruþjóðgarð og
lystiströnd í
Blackpool eru
meðal þess sem
kemur fram þeg-
ar nýbirtur listi
um útgjöld ráðu-
neytis um málefni bæjar- og sveitar-
félaga í Bretlandi er skoðaður.
Listinn var birtur í því skyni að
auka gagnsæi og er sagt frá honum í
frétt á vef blaðsins Daily Telegraph í
gær. Þar kemur fram að útgjöld
ráðuneytisins voru alls 314 milljónir
punda. 635 þúsund pund fóru í leigu-
bíla og bílastyrki. 16 milljónum
punda var varið í markaðsstarf, aug-
lýsingar og viðburði og 310 þúsund
pundum í veitingar.
Eric Pickles, ráðherra um málefni
sveitarfélaga, sagði að með því að
birta reikningana væri verið að
hleypa her endurskoðenda heima í
stofu í þá og ljóst að í ráðuneytinu
væri mikið svigrúm til að bæta sig.
Skattfé í
ýmsan
óþarfa
Breskt ráðuneyti
opnar bækurnar
Breskt skattfé fer í
ýmsan óþarfa.
Ron Sveden brá í
brún þegar
læknar sögðust
hafa fundið stór-
an, dökkan blett í
lunga sem líklega
væri æxli. Sveden
er 75 ára og er
með lungna-
þembu.
Vefjasýni sýndi
að ekkert væri að
óttast. Hinn dularfulli blettur reynd-
ist vera baun, sem hafði spírað í
lunganu og var orðin einn og hálfur
sentimetri á lengd. Baunaspíran var
fjarlægð án vandkvæða og ekkert
amar að sjúklingnum. „Það sem ég
borðaði hlýtur að hafa farið vitlaus-
um megin niður,“ sagði Sveden, sem
býr á Þorskhöfða í Massachusetts, í
samtali við Boston Globe.
Læknar sögðu að algengt væri að
matur rataði í lungu, en á óvart
kæmi að baun gæti spírað við þær
aðstæður, sem þar væru.
Lungað var
gróðursælt
Ron Sveden þurfti
ekki að óttast baun.
Hvað mun innköllunin
kosta Toyota?
Toyota innkallaði um níu milljónir
bíla og kostar 206 milljarða króna
að skipta um bremsur í þeim.
Hefur framleiðandinn
leitað gallans?
Toyota hefur rannsakað 4.000 bíla
um allan heim og ekki fundið gall-
ann, sem kvartað er undan.
Spurt&svarað