Morgunblaðið - 13.08.2010, Blaðsíða 35

Menning 35
MORGUNBLAÐIÐ FÖSTUDAGUR 13. ÁGÚST 2010
Á morgun opnar Þrándur Þór-
arinsson málverkasýningu á
Laugavegi 26. Sýningin er
fjórða einkasýning Þrándar og
ber heitið Duttlungar. Hún
samanstendur af olíu-
málverkum sem flest eru óður
til Reykjavíkur og sýna borg-
ina eins og Þrándur vill hafa
hana. Í verkunum varpar
Þrándur meðal annars ljósi á
Ingólfsstræti, Lækjargötu,
Hljómskálagarðinn, Hverfisgötu og Póst-
hússtræti.
Sýningin verður á Laugavegi 26 þar sem áður
var verslun Skífunnar og verður opnuð kl. 16. Hún
stendur til 29. ágúst.
Myndlist
Hin rétta Reykja-
vík Þrándar
Sjálfsmynd
Þrándar
Forlagið hefur gefið út spennu-
söguna Barnið í ferðatöskunni
eftir Lene Kaaberbøl og Ag-
nete Friis. Bókin segir frá
konu, Nínu, sem vinnur fyrir
flóttamannaaðstoð Rauða
krossins í Danmörku sem rekst
á ungan dreng í ferðatösku í
starfi sínu. Hún einsetur sér að
grafast fyrir um það hver hann
sé, hvaðan hann komi og hvort
hann eigi mömmu. Það reynist
lífshættuleg ákvörðun.
Barnið í ferðatöskunni fékk Harald Mogensen-
verðlaunin sem besta danska spennusagan og var
tilnefnd til Glerlykilsins, norrænu glæpasagna-
verðlaunanna.
Bækur
Barnið í ferðatösk-
unni kemur út
Kápa Barnsins í
töskunni
Forlagið hefur gefið út á bók
handrit sem Þórbergur Þórð-
arson lét eftir sig, en að lík-
indum er það uppkast að þriðja
bindi skáldævisögu hans.
Verkið er skrifað seint á fjórða
áratugnum, í kjölfar Íslensks
aðals og Ofvitans, en þar tekur
Þórbergur upp þráðinn þar
sem Ofvitanum sleppir og segir
frá sjálfum sér allt fram til árs-
ins 1925. Hann skrifar um nám
sitt við Háskóla Íslands, lýsir ritstörfum, kveð-
skap og tilurð Bréfs til Láru, segir frá kvenna-
málum og guðspekiáhuga svo dæmi séu tekin.
Bókin ber heitið Meistarar og lærisveinar. Arn-
grímur Vídalín bjó handritið til prentunar.
Bókmenntir
Ný bók eftir Þór-
berg Þórðarson
Kápa Meistara
og lærisveina
Gunnhildur Daðadóttir fiðluleikari
og Helen Aun píanóleikari leika á
tónleikum í Listasafni Sigurjóns
Ólafssonar næsta þriðjudagskvöld
kl. 20:30. Á dagskrá eru ýmsar
perlur fiðlubókmenntanna; verk
eftir Edward Elgar Ludwig van
Beethoven og Edvard Grieg.
Fimm ára gömul hóf Gunnhildur
Daðadóttir fiðlunám við Suzuki-
skólann hjá Sigríði Helgu Þor-
steinsdóttur og Lilju Hjaltadóttur.
Hún útskrifaðist frá Listaháskóla
Íslands vorið 2006 og sama vor varð
hún hlutskörpust í einleikara-
keppni Sinfóníuhljómsveitar Ís-
lands og Listaháskólans og hlaut í
kjölfarið að leika fiðlukonsert eftir
Glazunov með Sinfóníuhljómsveit-
inni.
Gunnhildur nam síðan við
Listaháskólann í Lahti í Finnlandi
veturinn 2006-7, 2007-8 var hún við
nám við University of Illinois og
lauk meistaragráðu í fiðluleik síð-
astliðið vor.
Helen Aun er fædd í Tallinn í
Eistlandi og hóf píanónám sex ára
gömul í Tónlistarskólanum í Tall-
inn. Árið 1994 fluttist hún til Finn-
lands og stundaði nám við Listahá-
skólann í Lahti árið 2006. Hún
hefur búið og starfað í London síð-
an 2008.
Gunnhildur og Helen hafa leikið
saman frá 2006 og haldið tónleika í
Finnlandi og Íslandi.
Perlur Gunnhildur Daðadóttir fiðlu-
leikari og Helen Aun píanóleikari.
Perlur
fiðlubók-
menntanna
Tónleikar í Lista-
safni Sigurjóns
Árni Matthíasson
arnim@mbl.is
Á morgun, laugardag, opna íslenskir,
franskir, hollenskir og bandarískir
listamenn í Kling & bang galleríi.
Listamennirnir dvöldu nýlega á Flat-
eyri í tæpar tvær vikur og er sýn-
ingin afrakstur þeirrar dvalar í bland
við reynslu þeirra frá ólíkum stöðum
í heiminum.
Berglind Ágústsdóttir er sýn-
ingastjóri og tekur reyndar þátt í
sýningunni sem einn af listamönn-
unum. Hún átti hugmyndina að sam-
starfinu og hefur reyndar stýrt álíka
verkefni áður, farið með hóp lista-
manna út á land þar sem unnin voru
verk fyrir samsýningu áþekkt og nú
var gert. Aðalástæðu þess að hún kýs
að fara með mannskapinn út á land
segir hún þá að hana hafi langað til
að hrista hópinn saman, enda bjuggu
þau öll í sama húsinu og úr varð eitt
allsherjar samstarfsverkefni.
Berglind segir að upphaflega hafi
listamennirnir átt að vera fleiri, en
sumir heltust úr lestinni. Þeir vildu
þá senda myndir á sýningu en fengu
ekki. „Ég vildi að fólk droppaði
egóinu og að við myndum sýna sam-
an sem ein heild. Fólk sýnir bæði
persónuleg verk og verk sem það
vann í samvinnu en allt rennur svolít-
ið saman í eitt enda eru engin verk-
anna merkt; við erum að sýna saman
og því snýst þetta ekki um egó lista-
mannsins. Þetta er samtal á milli
okkar og samtal okkar við áhorfand-
ann.“
Hluta hópsins hitti Berlind i New
York í maí síðastliðnum, en hinn
hlutann svo í Philadelphia. Hún segir
að þau séu öll ólík, en eigi sér þó sitt-
hvað sameiginlegt. „Við eigum öll
mismunandi bakgrunn og gaman að
skoða hvað er ólíkt með okkur og líka
það sem við eigum sameiginlegt.
Þetta er líka blandaður hópur í list,
sumir myndlistarmenn sem hafa ver-
ið lengi í myndlistinni, aðrir noise-
tónlistarmenn og enn aðrir gjörn-
ingalistamenn. Öll erum við að vinna
út frá innsæi og allir með andlega
tenginu við listina.“
Verkin voru öll unnin ýmist á Flat-
eyri eða jafnóðum og sýningin var
undirbúin og Berglind segir að miklu
skipti að þau hafi verið unnin „á
milljón“, enda komi innsæið þegar
fólk hefur ekki of mikinn tíma til að
dæma og pæla fyrirfram.
Sýningin ber heitið Kaosmosis og
munu verkin sem og texti í bæklingi
á sýningunni fara nánar út í þann tit-
il. Myndlistarmennirnir á sýningunni
eru Jennica Rapehirst, Maia Lyon
Daw, Joseph Marzolla, Beverly
Shana Palmer, Athena llewellyn Bar-
at, Nicholas Becker og Berglind.
Sýningin verður opnuð klukkan 17 á
morgun og stendur til 12. september.
Kling & Bang gallerí er á Hverf-
isgötu 42.
Samkrull Þegar listamenn leggja saman og láta innsæið ráða þá gerist ýmislegt eftirminnilegt.
Eitt allsherjar samstarfsverkefni
Kaosmosis
» Sjö listamenn frá fjórum
löndum lögðu saman í eitt.
» Myndir á sýningunni eru
ekki merktar sérstaklega.
» Verkin voru flest unnin í list-
vinnubúðum á Flateyri og síð-
an lokið við þau hér syðra.
 Fjölþjóðleg
myndlistarsýning
opnuð í dag í gall-
eríi Kling & bang
Undanfarin ár hafa ungir píanó-
leikarar fengið námsstyrki úr
minningarsjóði Birgis Einarson
apótekara og næstkomandi laug-
ardag verða afhentir þrír styrkir.
Styrkþegarnir eru Birna Hall-
grímsdóttir, Björg Magnúsdóttir
og Kristján Karl Bragason, en
hver styrkur er að fjárhæð kr.
1.500.000.
Styrkirnir verða afhentir í Sel-
inu á Stokkalæk nk. laugardag.
Birgir Einarson lést 30. nóv-
ember 1994 og skömmu eftir and-
lát hans ákvað ekkja hans, Anna
Einarson, að stofna sjóð til minn-
ingar um hann. Sjóðurinn var helg-
aður tónlist, enda Birgir mikill
áhugamaður um tónlist allt frá
barnsaldri og þar til hann lést tæp-
lega áttræður þó hann hafi ekki ver-
ið hljóðfæraleikari sjálfur. Skipu-
lagsskrá sjóðsins var svo staðfest af
dóms- og kirkjumálaráðuneytinu 8.
maí 1995, þrettán dögum fyrir and-
lát Önnu.
Með þessum styrkjum eru styrk-
þegar orðnir ellefu en styrkirnir
nítján, enda hafa sumir fengið styrk
oftar en einu sinni.
Þau Birna, Björg og Kristján Karl
eru öll í framhaldsnámi erlendis.
Birna Hallgrímsdóttir útskrif-
aðist úr Listaháskóla Íslands með
B.mus.- gráðu í píanóleik árið 2006.
Hún lauk mastersnámi frá Royal
College of Music í London árið
2009, en þaðan lá leið hennar til
Stavanger í Noregi þar sem hún
stundaði framhaldsnám hjá Hakon
Austbo prófessor.
Kristján Karl Bragason nam pí-
anóleik við frönsku skólana CNR
de Versailles og CRR de Rueil-
Malmaison, en í vor lauk hann
mastersnámi frá Tónlistarháskól-
anum í Utrecht í Hollandi. Í haust
hefur hann nám í Tónlistarháskól-
ann í Maastricht og útskrifast þaðan
vorið 2011. Björg Magnúsdóttir
kláraði kandídatsprófi frá Tónlist-
arháskólanum í Árósum árið 2008. Í
haust hóf hún mastersnám í píanó-
leik í Basel í Sviss og útskrifast það-
an næsta vor.
Styrkir til píanónáms
Kristján Karl
Bragason
 Ungir píanóleikarar fá námsstyrki úr minningarsjóði Birg-
is Einarson  Styrkþegar orðnir ellefu en styrkirnir nítján
Birna
Hallgrímsdóttir
Musica Nema er nafnið á nýrri tón-
leikaröð í Nemaforum Slippsalnum
sem hefst með tangótónleikum á
morgun kl. 16. Til stendur að halda
slíka tónleika hvern laugardag á
milli kl. 16 og 17 og ætlunin að halda
því í allt haust og vetur.
Á tangótónleikunum á morgun
leikur tangókvartett Oliviers Ma-
noury, skipaður honum á band-
oneon, Eddu Erlendsdóttur á píanó,
Auði Hafsteinsdóttur á fiðlu og Há-
varði Tryggvasyni á kontrabassa. Á
efnisskránni eru perlur úr heimi
tangótónlistarinnar.
Nemaforum Slippsalurinn hefur
veitingaleyfi og geta gestir því setið
til borðs og notið veitinga undir tón-
listarflutningi en salurinn verður
opnaður klukkutíma fyrir tónleika
og er opinn fram á kvöld. Nema-
forum Slippsalurinn er til húsa í
gamla Slipphúsinu, Mýrargötu 2.
Tónleikaröðin
Musica Nema
 Tónleikaröð í Nemaforum Slippsalnum
Tangótónleikar Olivier Manoury
bandoneonleikari leiðir kvartett.
„Mér var meira að
segja boðið hlutverk
í upprunalegu The Hills Have
Eyes, en ég hafnaði því“36
»
FRÉTTIR