Morgunblaðið - 14.09.2010, Page 2
2 FréttirINNLENT
MORGUNBLAÐIÐ ÞRIÐJUDAGUR 14. SEPTEMBER 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Einar Örn Gíslason
einarorn@mbl.is
Ekki eru allir á eitt sáttir um fyrir-
hugaðar breytingar á fyrirkomulagi
heilsugæslu á höfuðborgarsvæðinu.
Starfsnefnd á vegum heilbrigðisráðu-
neytisins skilaði nýverið tillögudrög-
um undir yfirskriftinni „Efling
heilsugæslunnar“, en í þeim er gert
ráð fyrir að heilsugæslustöðvum á
höfuðborgarsvæðinu fækki og þær
verði stærri.
Rökstuðningur nefndarinnar er á
þann veg að stærri rekstrareiningar
megi betur við röskun á starfsemi,
svo sem vegna forfalla starfsfólks, að
stærri stöðvar eigi auðveldara með að
laga þjónustu sína að þörfum íbúa og
að auðveldara verði að mæta fagleg-
um og fjárhagslegum kröfum. Þannig
skuli stefnt að því að í stað 5 til 7
lækna á hverri heilsugæslustöð verði
um 15 til 20 læknar á hverja stöð.
Yfirstjórn Heilsugæslunnar á höf-
uðborgarsvæðinu hefur útfært tillög-
ur að beiðni ráðuneytisins og meðal
annars lagt það til að sameinaðar
verði heilsugæslustöðvarnar í Efra-
Breiðholti og í Mjódd, í húsakynnum
þeirrar síðarnefndu.
Efast um faglegt inntak
Sigurbjörn Sveinsson, heilsu-
gæslulæknir í Mjódd og fyrrverandi
formaður Læknafélags Íslands og
Félags íslenskra heimilislækna, segir
tillögurnar hafa komið sér og sam-
starfsfólki á óvart. „Þessar tillögur
koma okkur algjörlega í opna skjöldu.
Við vissum að eitthvað yrði skorið
niður, yfirmönnum jafnvel fækkað,
en það að leggja ætti niður starfs-
stöðvar datt ekki nokkrum manni í
hug,“ segir hann. Hann gerir athuga-
semd við framsetningu tillagnanna og
segir þær kynntar undir því yfirskini
að um fagleg sjónarmið sé að ræða.
Á forsendum niðurskurðar
Undirbúningsvinnan fór að mestu
leyti fram á þeim forsendum að leita
ætti leiða til sparnaðar með niður-
skurði, fremur en að efla þjónustuna.
„Aflvakinn er sparnaðarþörfin, en
það er ekkert búið að skoða, að okkar
mati, afleiðingarnar af þessu, þjón-
ustubreytingar, faglegar afleiðingar
og raunverulegan kostnað,“ segir
hann. Starfsfólk heilsugæslustöðv-
anna tveggja í Breiðholti, sem sam-
eina á, hefur lýst yfir andstöðu sinni
við fyrirhugaðar breytingar, sem það
segir fara gegn hagsmunum bæði
þeirra sem þjónustuna nota og starfs-
mannanna sem hana veita. Sigur-
björn segir forsendurnar sem gengið
sé út frá fyrst og fremst vera stjórn-
unarlegar. „Það er ekki gerð nein til-
raun til þess að fjalla um það hvaða
áhrif þetta hefur á starf lækna og
annars starfsfólks, eða tengsl starfs-
fólksins við sjúklingana,“ segir hann,
„meirihluti sjúklinga vill hafa „sinn
lækni“, en það fyrirkomulag riðlast
allt við svona aðgerðir.“
Óánægja með sameiningu
Starfsfólk heilsugæslustöðva í Breiðholti segir fyrirhugaða sameiningu fara
gegn hagsmunum borgara Niðurskurðartillögur settar í villandi búning
„Aflvakinn er
sparnaðarþörfin,
en það er ekkert
búið að skoða af-
leiðingarnar“
Sigurbjörn Sveinsson
Ekki er öllum gefið að leika á hljóðfæri jafn vel
og þessum unga gítarleikara sem lét tónana
flæða um Laugaveginn í gær. Ung dama fylgdist
enda með honum full aðdáunar og hver veit
nema hún feti í fótspor hans einn daginn.
Gítarleikarinn hefur þó líklega fljótlega þurft
að flýja því síðar um daginn opnuðust himnarnir
yfir höfuðborginni svo vart var hundi út sigandi,
hvað þá götulistamönnum.
Lögin á undan storminum
Morgunblaðið/Golli
Íslensk stjórnvöld hafa ekki enn
svarað áminningarbréfi ESA, Eftir-
litsstofnunar EFTA, um Icesave-
reikningana. Fresturinn rann út 1.
ágúst en var framlengdur til 8. sept-
ember. Aftur veitti ESA frest en nú
var það gert með óformlegum hætti.
Í áminningarbréfinu kemur fram
sú niðurstaða ESA að íslensk stjórn-
völd hafi brotið gegn samningnum
um Evrópska efnahagssvæðið með
því að greiða ekki lágmarksinni-
stæðutryggingu til þeirra sem áttu fé
inni á Icesave-reikningum Lands-
bankans. Bréfið var sent í lok maí og
var svarfrestur tveir mánuðir. Í svari
Kristrúnar Heimisdóttur, aðstoðar-
manns efnahags- og viðskiptaráð-
herra, við fyrirspurn Morgunblaðs-
ins, segir að ESA hafi veitt
íslenskum stjórnvöldum frest „fram
undir miðjan mánuð“ m.a. vegna
þess að nýr ráðherra hafi komið að
málaflokknum.
Eins og kunnugt er tók Árni Páll
Árnason við embætti efnahags- og
viðskiptaráðherra 2. september sl.
Kristrún sagði að stjórnvöld myndu
nota tímann til að gera svarið sem
best úr garði. runarp@mbl.is
Svar til ESA vefst fyrir
íslenskum stjórnvöldum
Morgunblaðið/Zoë Robert
Póstur Væntanlega dettur svarið í
póstkassa ESA í þessari viku.
Framlengdur frestur til að svara
áminningu rann út á föstudag
Tæp 65% Norð-
manna eru and-
víg aðild landsins
að Evrópusam-
bandinu. Fjórð-
ungur er fylgj-
andi aðild, en
10% taka ekki af-
stöðu. Þetta kem-
ur fram í nýrri
skoðanakönnun
markaðs-
rannsóknafyrirtækisins Sentio.
Stuðningur við aðild hefur aldrei
mælst jafn lítill. Formaður Evrópu-
samtakanna í Noregi, Paal Frisvold,
segir niðurstöðurnar ekki koma sér
á óvart. Evrópusambandið freisti
ekki eins og sakir standa. Fólki finn-
ist Norðmenn jafnframt valdalausir
þegar kemur að innleiðingu tilskip-
ana Evrópska efnahagssvæðisins.
Hann segir að efla þurfi upplýs-
ingagjöf um kosti aðildar.
Leiðtogi samtakanna „Nei við
ESB,“ Heming Olaussen segist
mjög ánægður með niðurstöðuna.
„Það er ótrúlegt að andstaðan skuli
enn vera svona mikil. Ég hefði hald-
ið að drægi úr henni þegar áhrif fjár-
málakreppunnar fjöruðu út. Ég er
feginn að vera ekki í sporum aðild-
arsinnanna,“ segir Olaussen, og
bætir því við að mörgum finnist sam-
bandið vera á rangri braut. „Verk-
efnið verður stöðugt yfirþjóðlegra,
með of marga meðlimi. Fólk vill fá
ákvörðunarréttinn til baka.“
einarorn@mbl.is
Aukin
andstaða
við ESB
Norðmenn vilja
ekki í ESB
Norðmenn fráhverf-
ari aðild en áður
Stjórnvöld munu koma til móts við
ábendingar samtaka í gagnaversiðn-
aðinum og tryggja að Ísland standi
fullkomlega jafnfætis samkeppnis-
aðilum innan ESB enda eindreginn
vilji stjórnvalda að gagnaver byggist
upp hér á landi. Þetta kemur fram í
bréfi Steingríms J. Sigfússonar fjár-
málaráðherra til stjórnar Samtaka
gagnaversfyrirtækja sem sent var í
síðustu viku.
Fram kemur að unnið hafi verið
að útfærslu lausna á tveimur þáttum
sem varði virðisaukaskatt á þjón-
ustu gagnavera. Útfærslu eigi að
ljúka á næstu dögum svo breyttar
reglur geti tekið gildi sem fyrst.
Jafnræði skal
vera tryggt
færi
Komdu í heimsókn
og gerðu góð kaup.
Skoðaðu tilboðin á
heimasíðu okkar,
www.sminor.is
Tæki
í september
Nóatúni 4 · Sími 520 3000
www.sminor.is
A
T
A
R
N
A