Morgunblaðið - 14.09.2010, Blaðsíða 4
4 FréttirINNLENT
MORGUNBLAÐIÐ ÞRIÐJUDAGUR 14. SEPTEMBER 2010
„Hann ólst upp með tveimur hundum í sumar og
heldur víst að hann sé hundur,“ segir maður í
Mosfellsdal sem alið hefur hrafn sem síðan hefur
gert sig heimakominn hjá fleiri fjölskyldum í
dalnum. Hrafninn hefur verið kallaður Mogga-
krumminn vegna þess að hann var merktur sem
ungi í laup við Suðurlandsveg, skammt frá
Morgunblaðshúsinu, síðastliðið vor.
Maðurinn segir að ungir drengir hafi fundið
hrafnsunga við veginn og komið með til fjöl-
skyldunnar snemma í vor vegna þess að þeir hafi
ekki kunnað að fóðra hann. Krummi hafi verið
illa haldinn. Fjölskyldan kom honum fyrir á
stórri grein utan við glugga og sprautaði ofan í
hann matnum í upphafi. Hann var eitthvað
hvumpinn fyrstu tvær vikurnar en varð sífellt
ágengari og sótti sjálfur í matinn. Byrjaði að
garga við gluggann eldsnemma á morgnana.
Þegar leið á sumarið var krummi, sem kall-
aður var Kalli á þessu heimili, farinn að sjást í
fylgd annarra hrafna en sótti þó alltaf í matinn.
Fjölskyldan vildi að hann aðlagaðist náttúrunni
og yrði sjálfbjarga fyrir veturinn þannig að
matarskammtarnir voru minnkaðir. Hann fór að
sjást sjaldnar hjá þeim sem fóðruðu hann og hef-
ur nú ekki sést í nokkra daga. Fólkið vonaði að
Kalli væri farinn að bjarga sér sjálfur. Skýringin
kom þó þegar þau sáu frétt í Morgunblaðinu um
að Kalli væri kominn í fullt fæði annars staðar.
helgi@mbl.is
Kalli heldur víst að hann sé hundur
Hrafninn ólst upp með hundum hjá fjölskyldu í Mosfellsdal Hann fór annað í fæði þegar fjöl-
skyldan dró úr matarskammtinum til að reyna að gera hann sjálfbjarga fyrir veturinn
Morgunblaðið/Ómar
Hrafnsungar Hreiður hrafnsins nefnist laupur. Hann verpir oftast fjórum til sex eggjum.
Stríðir hundunum
» Kalli ólst upp með tveimur
hundum og hafði gaman af því
að stríða þeim. Hann reifst við
hundana um matinn og hafði
stundum betur.
» Þegar húsbóndinn var að
grilla í veislu um daginn beit
Kalli í afturendann á öðrum
hundinum sem hljóp emjandi í
burtu en Kalli komst fremst í
röðina til að geta náð sér í bita
af grillinu.
» Hjá nýju fjölskyldunni hagar
hann sér eins. Stríðir hund-
inum ótæpilega, sníkir mat og
finnst gott að láta klóra sér.
Kristján Jónsson
kjon@mbl.is
Rösklega þrítugur karlmaður verður
í gæsluvarðhaldi til föstudags en
hann var handtekinn á sunnudag í
tengslum við líflátshótanir í garð
feðga af kúbversku bergi brotna.
Maðurinn er einnig grunaður um að
hafa tengst árás á heimili þeirra.
Rúður voru brotnar á heimili feðg-
anna á laugardag og síðar var úti-
dyrahurð brotin upp. Hinn hand-
tekni hefur oft komið við sögu
lögreglu vegna ofbeldis, m.a. vegna
handrukkana. Mun yngri maður,
sem einnig var handtekinn, var lát-
inn laus í gær.
Umræddir feðgar eru þeldökkir
og búa í Vesturbænum í Reykjavík,
þeir fóru úr landi í gær vegna máls-
ins. Báðir eru þeir íslenskir ríkis-
borgarar og pilturinn, Juan Ramos
Borges, sem er 17 ára, hefur verið í
sambandi við íslenska stúlku.
Fram kom í fréttum Ríkisútvarps-
ins, sem ræddi í gærmorgun við föð-
ur piltsins, Alberto Borges Moreno,
að sambandið hefði vakið kynþátta-
fordóma, m.a. í Menntaskólanum í
Kópavogi þar sem stúlkan stundar
nám. Skólayfirvöld þar skárust í
leikinn og ræddu við þá sem fyrir
eineltinu stóðu. En síðan virðast að-
ilar utan skólans hafa byrjað að
skipta sér af málum.
Byrjaði með sms-skeytum
„Þetta byrjaði þannig að nokkrir
skólanemar fóru að senda piltinum
alls kyns meldingar, aðallega með
sms-skeytum, vegna sambands hans
við íslensku stúlkuna,“ segir Hákon
Sigurjónsson lögreglufulltrúi. „Þetta
veltur síðan áfram, verður stærra og
stærra, fer úr böndunum. Svo voru
framin skemmdarverk heima hjá
þessum feðgum að því er virðist ein-
göngu til þess að vekja ótta og
hræðslu hjá þeim án þess þó að beita
líkamsmeiðingum.“ Aðspurður segir
hann að þetta virðist hafa verið of-
sóknir vegna litarhafts piltsins.
Alberto hefur búið hér í 11 ár, son-
urinn skemur. Eiginkona Albertos
dvelur nú að sögn hans til öryggis
hjá öðru fólki og hann sagðist óttast
um eldri son sinn sem er á Íslandi.
Alberto er íþróttafræðingur að
mennt og hefur starfað við umönnun
fatlaðra og aldraðra en einnig þjálfað
íþróttafólk hjá ÍR; hann hefur meira
en 30 ára reynslu sem frjálsíþrótta-
þjálfari. Sonurinn er unglingalands-
liðsmaður í frjálsíþróttum. Heimild-
armenn segja að mjög vel sé látið af
allri þessari fjölskyldu.
Hákon segist ekki vita til þess að
lögreglan hafi komið að málinu fyrr
en feðgarnir kölluðu á hana vegna
húsbrotsins á laugardag. „Þetta er
auðvitað ákvörðun sem tekin er af
föðurnum, að fara af landi meðan
þetta er að ganga yfir,“ segir Hákon.
Fyrst þurfi að upplýsa málið og
hugsanlega verði síðan ákært og
dæmt. Þetta ferlið allt taki töluverð-
an tíma.
Líflátshótun og húsbrot
Feðgar af erlendum uppruna en með íslenskan ríkisborgararétt flýja land
Lögreglan álítur að ofsóknirnar tengist því að um þeldökka menn er að ræða
Velta dagvöruverslana hefur ekki
enn náð sér á strik eftir hrun
bankanna þrátt fyrir að töluvert
hafi dregið úr verðhækkunum á
matvælum að undanförnu eins og
verðmælingar Hagstofunnar
sýna. Velta í dagvöruverslun
minnkaði um 10,4% að raunvirði
á þriggja ára tímabili frá ágúst
2007 til ágúst 2010. Áfengissala
dróst mun meira saman. Þetta
kemur fram í samantekt Rann-
sóknarseturs verslunarinnar.
Í ágúst minnkaði sala í öllum
tegundum verslunar að raunvirði
miðað sama mánuð í fyrra nema í
raftækjaverslun. Eftirtektarvert
er að fataverslun dróst saman í
ágúst um 16,2% að raungildi.
Fatakaupmenn benda á að for-
eldrar virðast velja ódýrari skóla-
föt á börn sín nú en áður. Hús-
gagnaverslun er enn í mikilli
lægð og hefur minnkað um 57,5%
að raunvirði frá því í ágúst 2007.
Verslun ekki enn
náð sér á strik
Enn er ekki
hægt að lýsa
yfir form-
legum goslok-
um í Eyja-
fjallajökli.
Vísinda-
mannaráð Al-
mannavarna
fundaði í gær
en var ekki
reiðubúið að
lýsa yfir gos-
lokum enn sem
komið er.
Ráðið hyggst
þó meta stöðu mála á ný síðar í vik-
unni. Enn hefur viðbúnaðarstigi því
ekki verið aflétt vegna gossins.
Vilja ekki lýsa yfir
goslokum strax
Eyjafjallajökull
Skráð atvinnuleysi í ágúst var 7,3%,
en þá voru að meðaltali 12.096
manns atvinnulausir. Í júlí mældist
atvinnuleysi 7,5% og svarar þróun-
in milli mánaða til þess að atvinnu-
lausum hafi fækkað um 473 manns
að meðaltali. Atvinnuleysi á höf-
uðborgarsvæðinu er 8,3% en 5,5% á
landbyggðinni. Mest er það á Suð-
urnesjum, 11%, en minnst á Norð-
urlandi vestra, 2,4%.
Vinnumálastofnun segir atvinnu-
ástandið yfirleitt batna frá ágúst til
september meðal annars vegna árs-
tíðasveiflu. Í september 2009 var
atvinnuleysi 7,2% og minnkaði úr
7,7% í júlí. Vinnumálastofnun áætl-
ar að atvinnuleysið í september
minnki og verði á bilinu 6,9%-7,3%.
Atvinnuleysi minnk-
ar á milli mánaða
Óljóst er hvernig og hversu langur
aðdragandi árásarinnar á heimili
feðganna í Vesturbænum var.
Skólayfirvöld Menntaskólans í
Kópavogi tilkynntu lögreglunni um
atvik sem varð á fimmtudag þegar
hópur unglingspilta mætti í skól-
ann til að ræða við nemanda vegna
ógætilegra ummæla hans um Juan
Ramos. Lögreglan í Kópavogi var
ekki kölluð á staðinn en segir að
atvikið hafi ekki snúist um kyn-
þáttafordóma heldur hafi það
byggst á misskilningi.
Að sögn lögreglu mætti kúb-
verski pilturinn ekki í skólann, að-
eins félagar hans. Skólayfirvöld
ræddu við deiluaðila í framhaldinu
og drengurinn sem lét ummælin
falla og Juan Ramos ræddust við í
síma. Segir lögreglan þá hafa skil-
ið sátta.
Ekki kynþáttafordómar?
LÖGREGLAN Í KÓPAVOGI
Viðbygging við gamla flugturninn á Reykjavík-
urflugvelli var rifin í gær. Viðbyggingin var að
hruni komin og talin hættuleg. Byggingafulltrúi
beindi þeim tilmælum til Isavia að suðurhlið
turnins yrði klædd, honum til verndar, og hresst
upp á útlit hans með málningu.
Morgunblaðið/Árni Sæberg
Vill láta hressa upp á gamla flugturninn með málningu