Morgunblaðið - 14.09.2010, Blaðsíða 6

6 FréttirINNLENT
MORGUNBLAÐIÐ ÞRIÐJUDAGUR 14. SEPTEMBER 2010
Rúnar Pálmason
runarp@mbl.is
Reykjanesbær gerir alvarlegar at-
hugasemdir við vinnubrögð eftirlits-
nefndar með fjármálum sveitarfé-
laga. Nefndin leitist við að draga upp
dökka og einhæfa mynd af stöðunni,
útreikningar hennar séu mjög um-
deilanlegir og framsetning nefnd-
arinnar hafi stórskaðað vinnu bæj-
arins við endurfjármögnun. Í svari til
nefndarinnar vegna 1,8 milljarða kr.
erlends láns sem átti að greiða 1.
ágúst sl. kemur fram að fulltrúar er-
lends banka, sem á kröfuna, séu
væntanlegir til viðræðna í þessari
viku.
Í bréfi sem Árni Sigfússon bæj-
arstjóri, Böðvar Jónsson, formaður
bæjarráðs og Gunnar Þórarinsson,
forseti bæjarstjórnar, sendu nefnd-
inni, er gagnrýnt að borinn sé saman
mjög takmarkaður hluti af árstekjum
Reykjanesbæjar við uppreiknaðar
skuldir og skuldbindingar sveitarfé-
lags sem geti dreifst yfir 50 ár eða
lengur. Áhersla á skuldaútreikning,
þar sem lífeyrisskuldbindingar til
áratuga fram í tímann og uppreikn-
aðar árlegar greiðslur til eignarhalds-
félagsins Fasteignar til 30 ára, sé um-
deilanleg, til samanburðar á móti eins
árs skatt- og þjónustutekjum.
„Mjög pólitískt ráðuneyti“
Þeir gagnrýna einnig að pen-
ingalegar eignir Reykjanesbæjar, í
bönkum og skuldabréfum, sem alls
nemi 9 milljörðum, séu hvergi settar
fram til frádráttar skuldum. Fleira er
gagnrýnt, en að lokum segja þeir alls
ekki við hæfi að „mjög pólitískt ráðu-
neyti“, sem svari ekki erindum bæj-
arins og leki ósendum bréfum til fjöl-
miðla og þar sem ráðherra hafi
ítrekað snuprað bæjaryfirvöld í fjöl-
miðlum, skuli hýsa eftirlitsnefndina.
Krefjast þeir þess að Samband ís-
lenskra sveitarfélaga komi mun
meira að nefndinni.
Eftirlitsnefndin hefur rætt er-
indi Reykjanesbæjar og vinnur að
svari.
Bærinn gagnrýnir útreikninga
 Fulltrúar erlends banka á leið í heimsókn í Reykjanesbæ
 Segja eftirlitsnefnd draga upp dökka og einhæfa mynd
Viðræður vegna vanskila
» Í svari Reykjanesbæjar til
eftirlitsnefndarinnar kemur
fram að krafa vegna 1,8 millj-
arða erlends láns sem Reykja-
nesbær tók hjá þýskum banka
sé nú hjá DePfa-bankanum á
Írlandi.
» Viðræður við bankann
standa yfir. Fulltrúar hans eru
væntanlegir til landsins í þess-
ari viku.
ódýrt og gott
Rauðspretta, frosin
598kr.kg
FRÉTTASKÝRING
Agnes Bragadóttir
agnes@mbl.is
Synd væri að segja að allt væri með friði og
spekt innan Samfylkingarinnar þessa dag-
ana. Þetta á við um þingflokk Samfylking-
arinnar og ekki síður á þetta við um grasrót
flokksins. Heimildir Morgunblaðsins herma
að ástandið innan flokksins nálgist suðu-
mark og ef ekki verði fundinn nýr flötur á
málinu, sé viðbúið að það sjóði upp úr.
Sömuleiðis mun Framsóknarflokkurinn
klofinn í sinni afstöðu og engan veginn er
hægt að fullyrða að allur þingflokkurinn
vilji styðja tillögu meirihluta þingmanna-
nefndarinnar, sem þó tveir fulltrúar Fram-
sóknarflokksins áttu aðild að, að Alþingi
ákæri fjóra fyrrverandi ráðherra í rík-
isstjórn Sjálfstæðisflokks og Samfylkingar,
þau Geir H. Haarde, Ingibjörgu Sólrúnu
Gísladóttur, Árna M. Mathiesen og Björg-
vin G. Sigurðsson.
Framsókn vill bíða og sjá
Sennilegast var talið í gær að þing-
menn Framsóknarflokksins vildu bíða og
sjá til hvað gerðist hjá VG, því ýmsir töldu
um helgina að Ögmundi Jónassyni gæti vart
verið stætt á því að samþykkja að Alþingi
gæfi út ákærur á hendur ráðherrunum fyrr-
verandi, þar sem hann hafi áður lýst því yf-
ir að hann teldi að það fæli í sér mannrétt-
indabrot að ákæra þegar sakborningum
gæfist ekki færi á að áfrýja niðurstöðu
dómstóls, en það er einmitt tilvikið með nið-
urstöður landsdóms; þeim verður ekki
áfrýjað.
Líklegt var talið að framsókn-
arþingmenn myndu tvístrast, verði nið-
urstaðan sú að Ögmundur ákveði að styðja
ekki tillögu meirihluta nefndarinnar.
Reiðin beinist að Össuri
Þótt óvissan sé með þessum hætti inn-
an Framsóknarflokksins, er hún hjóm eitt
miðað við það ástand sem nú er sagt ríkja í
þingflokki Samfylkingarinnar. Þar logar allt
stafna á milli. Sá armur Samfylkingarinnar
sem stutt hefur Ingibjörgu Sólrúnu Gísla-
dóttur, fyrrverandi formann flokksins og ut-
anríkisráðherra, er nánast orðlaus yfir
vinnubrögðum flokksforystunnar, fulltrúa
Samfylkingarinnar í þingmannanefndinni og
ekki síst Össurar Skarphéðinssonar utan-
ríkisráðherra og nota bene svila Ingibjargar
Sólrúnar.
Benda fulltrúar þess arms á að það sé
með miklum ólíkindum að það hafi fyrst
verið kl. fjögur síðdegis á laugardag, sem
Ingibjörg Sólrún frétti af því að hennar eig-
in flokkssystkin, þau Magnús Orri Schram
og Oddný G. Harðardóttir, hafi gert tillögu
um að þrír fyrrverandi ráðherrar yrðu
ákærðir. Þau hafi ákveðið að skipta henni
inn á, miðað við niðurstöður úr Rannsókn-
arskýrslu Alþingis, en falla frá upphaflegum
áformum um að ákæra Björgvin G. Sigurðs-
son einnig. Á mánudagskvöldið fyrir viku
hafi legið fyrir að fulltrúar Samfylking-
arinnar myndu verða meðflutningsmenn að
þingsályktunartillögu meirihlutans, þ.e. full-
trúa VG, Framsóknar og Hreyfingarinnar,
um að Alþingi ákærði fjóra fyrrverandi ráð-
herra. Viðmælendur segja útilokað að
fulltrúar Samfylkingarinnar í nefndinni,
sem bæði eru mjög reynslulitlir þingmenn,
voru fyrst kosin á þing vorið 2009, séu í
raun algjörir nýliðar, hefðu ákveðið slíka
breytingu, án þess að hafa um það samráð
við forystu flokksins. Fullyrða viðmælendur
að í þessum síðasta leik hafi Össur Skarp-
héðinsson verið í lykilhlutverki. Hann hafi
barist fyrir því á öllum vígstöðvum, frá því
að hann frétti af því að til stæði að ákæra
fjóra fyrrverandi ráðherra, að Björgvin G.
Sigurðsson væri skorinn niður úr snörunni.
Hann líti einfaldlega á það sem skyldu sína
að slá skjaldborg um viðskiptaráðherrann
fyrrverandi. Hann hafi „gert hann að póli-
tíkus“ svo vitnað sé orðrétt í einn heimild-
armann og því hafi honum runnið blóðið til
skyldunnar.
Bent er á að það sé með miklum ólík-
indum að Jóhanna Sigurðardóttir, forsætis-
ráðherra og formaður Samfylkingarinnar,
skuli hafa látið þetta yfir sig ganga. Hún
eigi pólitískan frama sinn, þ.e. að hafa orðið
formaður Samfylkingarinnar og forsætis-
ráðherra, einni og aðeins einni manneskju
að þakka og sú heiti Ingibjörg Sólrún Gísla-
dóttir.
Reiði, biturð og sár vonbrigði eru því
kraumandi í armi Ingibjargar Sólrúnar inn-
an Samfylkingarinnar, einkum í garð Öss-
urar en einnig í garð Jóhönnu og þá ekki
síst fyrir „þann aumingjaskap að hafa látið
undan Össuri í þessu gífurlega viðkvæma
máli,“ svo aftur sé vitnað orðrétt í heimild-
armann.
Þá liggur það fyrir að ákveðnir þing-
menn Samfylkingarinnar, sem eiga það
sameiginlegt að hafa skamman starfsaldur á
Alþingi, ýmist frá vori 2007 eða vori 2009,
vilji í lengstu lög koma fram sjálfstætt og
láta ekki spyrða sig við eldri þingmenn, nú-
verandi og fyrrverandi ráðherra. Því megi
búast við því að hver og einn leiki nokkurs
konar einleik í málinu, þegar ákærutillög-
urnar og landsdómur koma til meðferðar
þingsins, væntanlega í dag.
Fyrir allsherjarnefnd?
Ákveðnir þingmenn Samfylkingarinnar
segja að þingflokkurinn í heild geti vit-
anlega ekki stutt tillögu eigin flokksmanna
úr þingflokksnefndinni. Um það verði ein-
faldlega aldrei nein sátt í flokknum að
draga Ingibjörgu Sólrúnu fyrir landsdóm.
Því vilja ákveðnir þingmenn Samfylking-
arinnar nú að þingsályktunartillögum meiri-
hluta nefndarinnar og Samfylkingarinnar
verði vísað til allsherjarnefndar, í þeirri von
að nýr flötur finnist á málinu í meðförum
allsherjarnefndar.
Einhugur ríkir meðal þingmanna Sjálf-
stæðisflokksins um að standa ekki að
ákærum gegn ráðherrum úr ríkisstjórn
Geirs H. Haarde, eins og kom fram í Morg-
unblaðinu fyrir helgi. Að þeirra mati eru
saknæmisskilyrði laga um ásetning eða
stórfellt hirðuleysi ekki uppfyllt.
Viðmælendur úr mismunandi stjórn-
málaflokkum virtust ýmsir vera sammála
um eitt meginatriði í samtölum í gær; að nú
reyni á þingheim. Spurt er hvort þingmenn
muni hafa þann manndóm í sér að greiða
þingsályktunartillögum meirihluta nefnd-
arinnar og Samfylkingarþingmannanna
tveggja atkvæði sitt, vegna eigin sannfær-
ingar. Eða munu þeir greiða atkvæði,
byggða á „meintu almenningsáliti, sem sagt
er krefjast þess að fá að sjá blóð renna?“
Suðumark í Samfylkingunni
 Ingibjörg Sólrún Gísladóttir frétti af því klukkan fjögur síðdegis á laugardaginn að hennar eigin
flokkssystkin vildu standa að því að draga hana fyrir landsdóm en sleppa Björgvini G. Sigurðssyni
Össur
Skarphéðinsson
Ingibjörg Sólrún
Gísladóttir
Björgvin G.
Sigurðsson
Jóhanna
Sigurðardóttir
Morgunblaðið/Kristinn
Reiði og sár vonbrigði Í armi Ingibjargar Sólrúnar innan Samfylkingarinnar er reiði í garð Jó-
hönnu Sigurðardóttur fyrir að hafa látið undan Össuri Skarphéðinssyni í þessu viðkvæma máli.