Morgunblaðið - 14.09.2010, Page 11

Daglegt líf 11HREYFING OG ÚTIVIST
MORGUNBLAÐIÐ ÞRIÐJUDAGUR 14. SEPTEMBER 2010
við undirbúning á opnun dansskól-
ans. „Maðurinn minn er náttúrulega
búinn að gera kraftaverk þarna,
leggja parket og mála, en fjölskylda
mín, tengafjölskylda , foreldrar í
dansinum og krakkarnir sjálfir hafa
verið mjög hjálplegir og án þessa frá-
bæra fólks hefði þetta ekki tekist“.
Dansinn hefur alltaf verið
áhugamál Evu Karenar og hélt hún
ófáar danssýningarnar fyrir foreldra
sína heima í stofu þegar hún var
barn. „Ég man bara ekki eftir mér
öðruvísi, ég held reyndar að það sé í
eðli barna að dansa, þau dilla sér við
tónlist og svo er bara spurning hvort
maður heldur áhuganum við“. Hún
segist hafa kynnst dansnámi í grunn-
skóla, fundist það mjög gaman og
þegar hún var á þriðja ári í mennta-
skóla fór hún að æfa dans í Reykjavík
með herra í dansskóla Jóns Péturs og
Köru. „Allar götur síðan hef ég verið
að læra dans, hvort sem ég hef verið
að æfa sjálf eða verið að afla mér
þekkingar. Ég náði mér svo í dans-
kennararéttindi í sumar. Auður Har-
aldsdóttir Danskennari sem heldur
utanum Dansíþróttafélag Hafn-
arfjarðar þjálfaði mig undir dans-
kennaraprófið og er ég henni þakklát
fyrir það. Dansskólinn minn er jafn-
framt í samstarfi við Dansíþrótta-
félag Hafnarfjarðar en það er með
flest af bestu keppnispörum lands-
ins“.
Fjölbreytt menntun
Auk þess að vera danskennari er
Eva Karen menntaður grunnskóla-
kennari, þolfimikennari og förð-
unarfræðingur. „Ég er búin að dunda
mér ýmislegt í skóla um æfina og
held að lífið hafi ýtt mér í áttina að
danskennslunni. Ég lauk líka einu og
hálfu ári í hárgreiðslunámi og þetta
er allt alveg ljómandi blanda ef mann
langar að verða danskennari“.
Aðdragandinn að danskenn-
aranáminu var sá að fyrir átta árum
var Eva Karen að kenna í Grunnskól-
anum á Kleppjárnsreykjum, og var
þá Ásrún Kristjánsdóttir danskenn-
ari að kenna þar skóladans. Ásrúnu
fannst hópurinn efnilegur og bauð
þeim sem vildu og höfðu tök á að fara
á Íslandsmeistaramót í samkvæm-
isdönsum. Eva Karen var henni til
aðstoðar ásamt öðrum kennara að
búa krakkana undir mót. „Árið eftir
ákvað ég að fylgja þessu eftir og
bjóða upp á danskennslu. Þá æfðum
við einu sinni í viku einn hópur og það
var mjög skemmtilegt. Með tímanum
vatt þetta svo heldur betur upp á sig
og í fyrravetur æfðu um 200 manns
dans.“ Dans var kenndur alla skóla-
stjóratíð Guðlaugs Óskarssonar á
Kleppjárnsreykjum og var alltaf hluti
af skólalífinu og þótti sjálfsagt að
stunda hann eins og annað. Dans er
ekki lengur kenndur í skólanum en
ástæðan er líklega sparnaður telur
Eva Karen.
Þorrablótin líkjast
danskeppnum
Þegar menntaskólinn fór af stað
í Borgarnesi var Ársæll Guðmunds-
son skólameistari staðráðinn í því að
dans skyldi gerður að skyldufagi í
skólanum og það varð úr. „ Mér
finnst krakkarnir taka vel í dansinn,
og núna er orðið frekar hallærislegt
að vera ekki í dansi. Krakkarnir nota
þessa kunnáttu óspart á böllum sveit-
arinnar og þorrablótin eru farin að
minna á danskeppnir erlendis.“
Eva Karen segir að fyrsta árið
sem dansinn var kenndur hafi nokkr-
ir krakkar verið neikvæðir og ragir
við tímana. Dæmi voru um nemendur
sem börðust gegn dansinum en eftir
að þeir byrjuðu kom í ljós að þetta
var hvorki erfitt né leiðinlegt. Nei-
kvæðir nemendur urðu efnilegir
dansarar og hafa m.a. keppt í Lond-
on. Í dag eru mjög margir krakkar úr
menntaskólanum að æfa samkvæm-
isdansa af fullum krafti og keppa í
þessari íþrótt.
Ótrúlegur árangur
Borgfirðingar eru miklir dans-
arar, segir Eva Karen og því ekki erf-
itt að virkja áhugann. „Áhuginn jókst
jafnt og þétt, og um leið dansinn hér í
sveitinni. Nemendur mínir hafa náð
ótrúlega góðum árangri, en þeir hafa
margir hverjir komið heim af mótum
með Íslandsmeistaratitla og einnig
verðlaun frá útlöndum. Þessir krakk-
ar hafa ekki haft tök á því fyrr en nú
að æfa mörgum sinnum í viku, en
samt hefur þeim gengið mjög vel.
Þeir hafa lært að vinna vel og eru
virkilega duglegir að æfa sig þó að
kennarinn standi ekki yfir þeim. Það
besta við dansskólann er að nú hafa
krakkarnir aðgang að sal til að æfa
sig, en áður tróðu þeir sér allsstaðar
sem hægt var til að æfa sig. Borgfirð-
ingar hafa tekið þessu uppátæki mínu
hreint frábærlega. Ég vona bara að
allir drífi sig nú til okkar og skelli sér
á námskeið til að hreyfa sig“.
Morgunblaðið/Guðrún Vala
Kennsla Í miðjum undirbúningi opnunar var dansinn engu að síður stund-
aður, Eva Karen í málningargallanum leiðbeinir ungu danspari.
Þríþrautarkonan Karen Axelsdóttir
var í 6. sæti í sínum aldursflokki, 35-
39 ára, í heimsmeistaramótinu í þrí-
þraut í Búdapest í Ungverjalandi á
sunnudag. Hún var í 35. sæti af 378
keppendum í kvennaflokki. Þrátt fyrir
hóstapest sem Karen náði sér í
tveimur dögum fyrir keppni náði hún
sínum besta tíma til þessa.
Karen keppir í flokki áhugamanna
en í þessu tilviki þreyttu áhugamenn
líka kapp við fjölda atvinnumanna.
Keppendur syntu 1500 metra í
Dóná, hjóluðu 40 km og hlupu 10 km.
Um 70 keppendur voru í hennar
aldursflokki. „Sú sem varð í þriðja
sæti er manneskja sem ég er vön að
vinna með þriggja mínútna mun.
Þannig að ég veit að ég get gert bet-
ur. Þetta er samt minn besti tími. Það
er óheppni að veikjast svona rétt fyr-
ir keppnina. Ég var hóstandi í sund-
inu og leið raunar ekki vel,“sagði
hún.
Karen Axelsdóttir í 6. sæti í Búdapest
Morgunblaðið/G.Rúnar
Þraut Karen var með kvefpest í Dóná. Hér sést hún frísk á sundi í Nauthólsvík.
Hóstaði í sundinu í Dóná
Margir velta fyrir sér hvort ekki sé
eðlilegra fyrir manneskjuna að
hlaupa berfætt en í hlaupaskóm.
Rannsóknir á þeim sem hlaupa ber-
fættir hafa sýnt að þeir eru líklegri til
að stíga niður á táberginu eða lenda
með fótinn flatann, en þeir sem
hlaupa í skóm stíga niður með hæl-
unum, líklega vegna stuðningsins
sem nútíma hlaupaskór bjóða upp á.
Yfir ákveðinn tíma, hjá ákveðnu
fólki, getur þetta álag á hælinn leitt
til vandamála, eins og tognunar á
ökla, sinabólgu, slits á sin og jafnvel
bakvandamála. Allt að 30% hlaupara
eru sagðir upplifa meiðsli sem eru
tengd hlaupastíl þeirra.
Að lenda á hælnum er sársauka-
fullt þegar hlaupið er berum fótum
eða í þunnbotna skóm, það skapar
mikið högg í hvert skipti sem stígið
er niður. Því beina berfættir hlaup-
arar tánum meira að lendingunni og
forðast þar með þetta högg, hjá þeim
er líka meiri samhæfing og fjöðrun í
fótunum.
Hlaup
Reuters
Hlaup Fáir sjást hlaupa berfættir.
Er betra að hlaupa á tánum?
Kúl Hjólabrettatískan er flott.
n o a t u n . i s
Fljótlegt
og gott
í Nóatúni
BILLY’S
PAN PIZZA
KR./STK
299
AUNT MABEL’S
MUFFINS, 3 TEG.
189
KR./STK.
KNORR
BOLLASÚPUR
7 TEGUNDIR
289
KR./PK.
HOLLAND TOAST
KRUÐUR, 2 TEG.
229
KR./PK.
HUNT’S
TÓMATSÓSA
269
KR./STK.
Ö
ll
ve
rð
er
u
bi
rt
m
eð
fy
rir
va
ra
um
pr
en
tv
ill
u
og
/e
ða
m
yn
da
br
en
gl
MILLS
MAJONES
KR./STK.
379
NÝTT Í
NÓATÚNI
FLJÓTLEGT
OG GOTT
680 ML