Morgunblaðið - 14.09.2010, Blaðsíða 15

Fréttir 15ERLENT
MORGUNBLAÐIÐ ÞRIÐJUDAGUR 14. SEPTEMBER 2010
Börn heilsa að hermannasið á Sigurtorginu í
Minsk þar sem þau tóku þátt í afmælishátíð hvít-
rússneskrar æskulýðshreyfingar sem á rætur að
rekja til æskulýðshreyfinga sem stofnaður voru í
Sovétríkjunum eftir byltingu bolsévíka árið 1917
og tóku við hlutverki skátahreyfingarinnar. Sov-
ésku æskulýðshreyfingarnar voru ætlaðar börn-
um á aldrinum 10-15 ára og störfuðu í öllum lýð-
veldum Sovétríkjanna þar til þau leystust upp
árið 1991. Hvítrússneska æskulýðshreyfingin
hefur haldið velli þrátt fyrir hrun kommúnism-
ans og starfar enn af miklum krafti.
Reuters
Hélt velli eftir hrun kommúnismans
Rauði krossinn í
Bretlandi hyggst
kenna skólabörn-
um á aldrinum
11-16 ára skyndi-
hjálp með það að
markmiði að
gera þeim kleift
að annast
drukkna vini
sína. Þetta var ákveðið eftir að
könnun leiddi í ljós að 14%
barnanna í þessum aldurshópi hafa
þurft að hjálpa vinum sínum sem
veiktust, slösuðust eða misstu með-
vitund vegna áfengisneyslu.
Börnum kennt að
hjálpa drukknum
vinum sínum
BRETLAND
Nelson Mandela,
fyrrverandi for-
seti Suður-
Afríku, fannst
Tony Blair, fyrr-
verandi forsætis-
ráðherra Bret-
lands, svíkja sig
þegar sá síðar-
nefndi ákvað að
Bretar tækju þátt í innrásinni í Írak
árið 2003. Mandela hringdi bálreið-
ur í breskan ráðherra til að mót-
mæla. Þetta kemur fram í nýrri
ævisögu Mandela.
Mandela öskuillur
út í Tony Blair
SUÐUR-AFRÍKA
54 ára karlmaður, sem segist hafa
eignast 55 börn með 55 konum, hef-
ur verið ákærður í París vegna
gruns um að börnin hafi verið rang-
feðruð til að mæðurnar gætu fengið
dvalarleyfi og barnabætur í Frakk-
landi. Lögreglan í París telur að fé-
lagslegu bæturnar sem konurnar
fengu hafi numið jafnvirði 150
milljóna króna á ári. Maðurinn, sem
er af afrískum uppruna, var hand-
tekinn í íbúð þar sem yfir 50 manns
voru skráðir til heimilis. Hann er
sagður hafa fengið sem samsvarar
allt að 30.000 kr. frá hverri konu.
„Faðir“ 55 barna
ákærður fyrir svik
FRAKKLAND
Bogi Þór Arason
bogi@mbl.is
Danska lögreglan sagði í gær að
henni hefði ekki enn tekist að bera
kennsl á mann sem var handtekinn í
Kaupmannahöfn á föstudag vegna
gruns um að hann hefði sprengt
sprengju á hóteli í Kaupmannahöfn.
Lögreglan telur að maðurinn hafi
verið einn að verki en ekki er vitað
hvað vakti fyrir honum.
Að sögn lögreglunnar gerði
maðurinn allt sem hann gat til að
koma í veg fyrir að hægt yrði að bera
kennsl á hann. Maðurinn er einfætt-
ur og er m.a. sagður hafa fjarlægt
framleiðslunúmer af gervifæti sem
hann notaði. Hann var ekki með nein
persónuskilríki, engin greiðslukort
og engan farsíma. Talið er að hann
hafi notað þrjú nöfn og oft skipt um
föt og breytt útliti sínu meðan hann
dvaldi í Kaupmannahöfn.
Maðurinn er sagður á þrítugsaldri
og tala frönsku. Eitt af því fáa sem
lögreglan hefur fengið upp úr honum
er að hann sé grænmetisæta og hann
óskaði eftir því að fá Biblíuna og
Kóraninn í fangaklefann.
„Við höfum ekki fundið neinar vís-
bendingar um að maðurinn hafi haft
samband við aðra,“ sagði lögreglu-
varðstjórinn Svend Foldager.
Lögreglan er að rannsaka yfir 50
ábendingar sem hún hefur fengið frá
almenningi eftir að birtar voru
myndir af manninum úr eftirlits-
myndavél.
Lögreglan er einnig að rannsaka
skammbyssu og skothylki sem fund-
ust á hótelherbergi mannsins.
Dönsk yfirvöld hafa ekki viljað
veita upplýsingar um hvers konar
sprengju maðurinn var með og að-
eins sagt að þyngd sprengiefnisins
hafi verið tæpt kíló. Að sögn danska
ríkisútvarpsins hafa m.a. komið fram
vísbendingar um að maðurinn kunni
að hafa ætlað að fremja hryðjuverk
vegna Múhameðsteikninganna sem
birtar voru í Jyllands-Posten.
Var líklega einn að verki
 Lögreglan í Kaupmannahöfn segir að ekki hafi enn tekist að bera kennsl á
dularfullan sprengjumann sem gerði allt sem hann gat til að fela slóð sína
Maðurinn er m.a.
sagður hafa fjar-
lægt framleiðslu-
númer af gervifæti
sínum.
Bogi Þór Arason
bogi@mbl.is
Skoðanakannanir benda til þess að flestir kjós-
endur í Svíþjóð telji að Fredrik Reinfeldt forsætis-
ráðherra hafi staðið sig betur en Mona Sahlin, for-
sætisráðherraefni rauðgræna bandalagsins, í
síðustu sjónvarpskappræðum þeirra fyrir þing-
kosningarnar á sunnudaginn kemur.
Litið var á kappræðurnar á sunnudag sem síð-
asta tækifæri Sahlin til að snúa vörn í sókn og
koma í veg fyrir að Jafnaðarmannaflokkurinn
gyldi afhroð í kosningunum. Fari borgaralegu
flokkarnir með sigur af hólmi verða þeir í fyrsta
skipti við völd í tvö kjörtímabil í röð.
Vegna lítils fylgis Sahlin og jafnaðarmanna
samkvæmt skoðanakönnunum þurfti hún að
sækja af meiri krafti en Reinfeldt. Að sögn frétta-
skýrenda var gagnrýni hennar persónulegri en
forsætisráðherrans, hún sakaði hann meðal ann-
ars um að vera óheiðarlegur og veruleikafirrtur.
Fékk hærri einkunn í öllum hópunum
Sahlin tókst einnig að beina umræðunni að mál-
um sem hún vill setja á oddinn í kosningabarátt-
unni. Hún gagnrýndi meðal annars loforð borg-
aralegu flokkanna um skattalækkanir og sagði að
stefna stjórnarinnar síðustu fjögur árin hefði leitt
til aukinnar misskiptingar og sundurþykkju í sam-
félaginu.
Skyndikönnun, sem gerð var eftir kappræðurn-
ar, bendir til þess að Sahlin hafi ekki tekist að
sannfæra marga kjósendur um að hún sé betur til
þess fallin að stjórna landinu en Fredrik Rein-
feldt. Þátttakendurnir voru beðnir um að gefa
frammistöðu þeirra í kappræðunum einkunn á
bilinu 0-4 og meðaleinkunn Reinfeldts var 3,57 en
Sahlin fékk 3,33.
Forsætisráðherrann fékk hærri einkunn í öllum
helstu kjósendahópunum, hjá körlum, konum,
ungum kjósendum, lífeyrisþegum og fólki í þétt-
býli jafnt sem strjálbýli.
Samkvæmt nýjustu skoðanakönnunum segjast
um 50% kjósendanna ætla að kjósa borgara-
legu flokkanna en 43,6% rauðgræna banda-
lagið. Fylgi Svíþjóðardemókratanna er um
4,6% að meðaltali í fimm könnunum, sem birt-
ar voru um helgina, og flest bendir því til þess
að flokkurinn fái nógu mikið kjörfylgi til að fá
þingmenn kjörna í fyrsta skipti. Fái
hvorugt bandalaganna meira en 50%
fylgi gætu Svíþjóðardemókratarnir
komist í oddaaðstöðu á þinginu.
Reinfeldt sagði í kappræðunum að
ekki kæmi til greina að mynda ríkis-
stjórn með Svíþjóðardemókrötunum
eftir kosningarnar og Sahlin sagði að
rauðgræna bandalagið léði ekki máls
á stjórnarsamstarfi við flokkinn.
Sahlin tókst ekki að snúa vörn
í sókn í síðustu kappræðunum
 Leiðtogar stóru bandalaganna tveggja hafna algerlega stjórnarsamstarfi við Svíþjóðardemókratana
Svíþjóðardemókratarnir mót-
mæla fjölgun innflytjenda og
gagnrýni þeirra beinist eink-
um að íslam. „Við viljum
halda trúfrelsinu. Ég er á
móti því að þjóðfélagið
lagi sig að múslímska
minnihlutanum,“ segir
leiðtogi flokksins, Jimmie
Åkesson. „Það er ekki kyn-
þáttahatur að gagnrýna
stefnuna í innflytjenda-
málum, að krefjast
þess að allir séu jafnir
fyrir lögunum, að vilja
ekki að ákveðnir
þjóðernishópar fái
sérréttindi.“
„Ekki kyn-
þáttahatur“
GAGNRÝNA ÍSLAM
Jimmie Åkesson
Reuters
Barátta Sahlin og Reinfeldt eftir kappræður.