Morgunblaðið - 11.01.2011, Síða 4
4 FRÉTTIRInnlent
MORGUNBLAÐIÐ ÞRIÐJUDAGUR 11. JANÚAR 2011
Morgunblaðið/Sverrir
Þjónusta Drengnum var boðin
stöðluð ferðaþjónusta fyrir fatlaða.
Kjartan Kjartansson
kjartan@mbl.is
Blindir í Kópavogi búa við mun
lægra þjónustustig en annars staðar
á höfuðborgarsvæðinu. Þetta segir
Kristinn Halldór Einarsson, for-
maður Blindrafélagsins. Lögmaður
félagsins hefur lagt fram stjórn-
sýslukæru til úrskurðarnefndar fé-
lagsþjónustu- og húsnæðismála hjá
velferðarráðuneytinu vegna meintra
brota Kópavogsbæjar á rétti 17 ára
blinds drengs til ferðaþjónustu. Er
þetta fyrsta kæran af slíku tagi eftir
að málefni fatlaðra færðust alfarið
yfir til sveitarfélaga um áramótin.
Snýst málið um að Kópavogsbær
hafnaði í desember þeirri kröfu að
drengnum væru útvegaðar allt að
sextíu ferðir með leigubíl á stræt-
isvagnafargjaldi á mánuði. Hafnaði
bærinn þeirri kröfu og bauð í stað-
inn staðlaða ferðaþjónustu fyrir
fatlaða sem kærandi telur ekki taka
mið af þörfum drengsins. Almenn
akstursþjónusta félagsþjónustunnar
í Kópavogi er með þeim hætti að
fatlaðir einstaklingar panta sér far
með ferðaþjónustunni og verður
það að vera með sólarhringsfyrir-
vara.
Engin svör fengið
Kristinn segir að ferðaþjónustan
sem Kópavogsbær býður upp á
uppfylli hvorki ákvæði laga um mál-
efni fatlaðra né samning Sameinuðu
þjóðanna um réttindi fatlaðs fólks
sem sveitarfélögum beri að taka til-
lit til við framkvæmd laganna.
„Allt síðastliðið ár erum við búin
að leita eftir því við Kópavogsbæ að
fá úrbætur og höfum bent á í hverju
við teljum brotalömina felast. Þeir
hafa ekki einu sinni svarað því að
ræða við okkur,“ segir hann. Nú sé
svo komið að beita þurfi þeim úr-
ræðum sem löggjöfin bjóði upp á til
að sækja rétt félagsmanna í Kópa-
vogi.
„Það eru um það bil 470 ein-
staklingar á höfuðborgarsvæðinu
sem eru lögblindir. Af þeim eru um
það bil fimmtíu sem ekki hafa rétt á
slíkri þjónustu og þeir búa allir í
Kópavogi. Þeir búa við mun lægra
þjónustustig en félagar þeirra hin-
um megin við lækinn í Reykjavík.“
Reykjavíkurborg hafi á sínum
tíma gert úttekt á sinni þjónustu, en
þar bjóðast blindum leigubílaferðir,
og var niðurstaðan sú að það væri
hagkvæmasta lausnin, bæði hvað
varðar kostnað og þjónustustig. Því
sé ekki um fjárhagsleg rök að ræða
fyrir því að hafna kröfu drengsins.
Fyrsta kæran eftir breytingu
„Samtök fatlaðra bentu á í um-
ræðu um að færa málaflokkinn yfir
að hætta væri á að það gæti verið
mismunandi þjónustustig milli
sveitarfélaga. Það var töluverður
ótti við þetta,“ segir Kristinn.
Það sé nú komið á daginn og
fyrsta kæran sé komin aðeins tíu
dögum eftir að málaflokkurinn flutt-
ist til sveitarfélaganna.
Uppfylla ekki skyldur við fatlaða
Blindrafélagið leggur fram stjórnsýslukæru vegna brota Kópavogsbæjar á réttindum blinds drengs
FRÉTTASKÝRING
Agnes Bragadóttir
agnes@mbl.is
Hinn djúpstæði ágreiningur í þing-
flokki Vinstrihreyfingarinnar –
græns framboðs virðist bara hafa
skýrst og orðið djúpstæðari í kjöl-
far þess að þau Atli Gíslason, Ás-
mundur Einar Daðason og Lilja
Mósesdóttir gerðu seint í fyrra-
kvöld opinbera þá greinargerð sem
þau lögðu fram á þingflokksfundi
sl. miðvikudag, sem svar þeirra
þremenninga við gagnrýni starf-
andi þingflokksformanns, Árna
Þórs Sigurðssonar, og fleiri á af-
stöðu þeirra við hjásetu þegar fjár-
lagafrumvarp Steingríms J. Sigfús-
sonar fjármálaráðherra var afgreitt
á Alþingi þann 16. desember sl.
Ýmsir úr grasrót Vinstrihreyf-
ingarinnar – græns framboðs, ekki
síst af landsbyggðinni, virðast ætla
að þjappa sér að baki þeim þing-
mönnum í VG sem gjarnan hafa
verið nefndir „órólega deildin“ en
höfundur Reykjavíkurbréfs Morg-
unblaðsins kallaði nú um helgina
„ærlegu deildina“, þeim Atla Gísla-
syni, Ásmundi Einari Daðasyni og
Lilju Mósesdóttur. Eins og kunn-
ugt er eru ráðherrarnir Jón
Bjarnason og Ögmundur Jónasson
einnig í þeirri deild sem þremenn-
ingarnir eru kenndir við, svo og
Guðfríður Lilja Grétarsdóttir þing-
flokksformaður, sem nú er í barn-
eignarfríi frá þingstörfum.
Vilja afsökunarbeiðni
Samkvæmt samtölum við félaga í
VG, óbreytta, bæði af höfuðborg-
arsvæðinu og landsbyggðinni, virð-
ist sem ofangreindir sexmenningar
eigi umtalsverðan stuðning í
flokknum. Erfiðlega gekk í gær að
ná sambandi við þingmenn og ráð-
herra VG sem komu saman til þing-
flokksfundar í höfuðstöðvum sínum,
Aðalstræti 6, kl. 13 og funduðu til
kl. 16, en þá var gert hlé til kl. 18.
Fundi var þá fram haldið og lauk
honum ekki fyrr en um kl. 21.30 í
gærkvöldi. Samkvæmt heimildum
Morgunblaðsins var þetta afskap-
lega erfiður fundur þar sem hart
var tekist á. Mestur tími fundarins
fór í umræður og ágreining um
stefnu flokksins í Evrópusam-
bandsmálum, en einnig var mikið
rætt um stefnuna í stjórnun sjáv-
arútvegsmála, samkvæmt heimild-
um Morgunblaðsins. Engin niður-
staða varð á fundinum, samkvæmt
upplýsingum Morgunblaðsins, en
ákveðið að halda umræðum um
ágreiningsmál áfram í næstu viku.
Eins og kunnugt er settu þau
Atli Gíslason, Ásmundur Einar
Daðason og Lilja Mósesdóttir m.a.
fram þá kröfu í greinargerð til
þingflokksins að Árni Þór Sigurðs-
son, starfandi formaður þingflokks-
ins, bæðist opinberlega afsökunar á
ummælum sínum, sem fólu að
þeirra mati í sér fordæmingu á mál-
flutningi Lilju Mósesdóttur, vegna
fjárlagagerðarinnar, þar sem þau
þrjú sátu hjá við atkvæðagreiðslu.
Þau segja í greinargerð sinni að til-
lögur þeirra hafi ekki fengið mál-
efnalega umfjöllun í þingflokki VG
og þau sökuðu flokksforystuna um
óbilgirni og kölluðu ríkisstjórnina
„svokallaða velferðarstjórn“. Stein-
grímur J. Sigfússon, fjármálaráð-
herra og formaður VG, sagði í sam-
tali við fjölmiðla, þegar fundarhlé
var gert síðdegis í gær: „Veistu
það, ég bara stend ekki í þessu
strákar mínir. Við erum bara að
funda hérna … Við erum alltaf að
ræða málin.“
Hann bætti því við að sjálfsagt
væri hægt að biðja um afsakanir á
báða bóga, aðspurður um kröfu
þremenninganna um að starfandi
þingflokksformaður bæðist afsök-
unar á ummælum sínum um mál-
flutning Lilju Mósesdóttur.
Formaður VG sagði jafnframt að
krafa um afsökunarbeiðni hefði
ekki verið sett fram á þingflokks-
fundinum sjálfum. Hann liti svo á
að þremenningarnir væru enn
stuðningsmenn ríkisstjórnarinnar.
Enn ófriðarblikur hjá VG
Er ágreiningurinn óleysanlegur? Álitamál hvort flokkurinn klofnar eða ekki
Ýmsir úr grasrótinni virðast ætla að þjappa sér að baki „órólegu deildinni“
Um hvað er tekist á?
» Þeir sem rætt var við í gær
telja margir að ágreiningurinn
innan þingflokks VG sé orðinn
svo djúpstæður að hann muni
leiða til klofnings.
» Fullyrt er að annars vegar
takist á þau öfl innan VG sem
vilja standa vörð um þau
grunngildi sem VG hafi að leið-
arljósi í stefnuskrá sinni, en
hins vegar standi meirihluti
þingflokks VG fyrir því að
standa við þann stjórnarsátt-
mála sem ríkisstjórnarsam-
starfið byggist á. Í slíku sam-
starfi hljóti að felast mála-
miðlun.
Morgunblaðið/Golli
Fundað Mestur tími fundarins fór í umræður og ágreining um stefnu flokksins í ESB-málum. Ákveðið var að halda umræðum áfram í næstu viku.
Skeljungur
hækkaði verð
á eldsneyti í
gær. Hækkaði
bensínlítrinn
um 3,50 krón-
ur, í 213,60
krónur, og dís-
ilolíulítrinn
hækkaði um 2 krónur og kostar nú
213,40 í sjálfsafgreiðslu. Verð á 95
oktana bensíni með þjónustu er
219,60 krónur og 98 oktana bensín
kostar 229,10 krónur lítrinn með
þjónustu.
Þá hafði N1 hækkað verð áður
en blaðið fór í prentun. Kostar
bensínlítrinn af 95 oktana bensíni
þar því 213 krónur en af dísel
214,30 krónur.
Síðast hækkaði verð á eldsneyti
um tæpar tvær krónur um áramót-
in. Var það rakið til þess að vöru-
gjöld og kolefnisgjald af bensíni og
olíugjald og kolefnisgjald af dísil-
olíu hækkuðu um 3,60 krónur á lítr-
ann um áramótin, samkvæmt
ákvörðun Alþingis, sem svarar til
4,50 króna þegar virðisaukaskatti
hefur verið bætt við.
Enn hækk-
ar elds-
neytisverð
Skeljungur og N1
hækka verð hjá sér
Á þriðja hundrað
nemendur sóttu
um að komast í
fjarnám Háskóla-
brúar Keilis á
Ásbrú nú í jan-
úar. Aðeins eru
teknir inn 130
nemendur í fjar-
námið þannig að
biðlisti er langur.
Hjálmar Árnason framkvæmda-
stjóri segir að frá því Keilir hóf að
bjóða fjarnám hafi áhuginn vaxið
hratt. „Bendir það til þess að þarna
sé verið að svara mikilli þörf í sam-
félaginu. Fólk kemur inn á Háskóla-
brú til að ljúka námi í framhalds-
skóla, til þess að geta svo látið
draum um nám í háskóla rætast,“
segir Hjálmar. Hann segir að á síð-
asta ári hafi þurft að hafna mörgum
umsækjendum sem ekki uppfylltu
skilyrði. Nú séu fleiri með betri bak-
grunn. Hinir hafi leitað í Mennta-
stoðir símenntunarstöðva.
Biðlistar á
Háskólabrú
Hjálmar Árnason
Í kærunni er vísað til 35. grein-
ar laga um málefni fatlaðra en
þar segir að sveitarfélög skuli
gefa fötluðum kost á ferða-
þjónustu. „Markmið ferðaþjón-
ustu fatlaðra er að gera þeim
sem ekki geta nýtt sér almenn-
ingsfarartæki kleift að stunda
atvinnu og nám og njóta tóm-
stunda.“
Auk þess er vísað til 20 gr.
samnings SÞ um málefni fatl-
aðra en þar segir meðal annars
að aðildarríki skuli „greiða fyr-
ir því að fatlaðir geti farið allra
sinna ferða með þeim hætti
sem, og þegar, þeim hentar og
gegn viðráðanlegu gjaldi“.
Vísað til laga
MÁLEFNI FATLAÐRA