Morgunblaðið - 19.02.2011, Blaðsíða 11

Morgunblaðið/Sigurgeir S
Tímabært Staðurinn er rúmgóður, bjartur og litríkur.
hún ákvað að opna kaffihús sér-
sniðið að þörfum foreldra ungra
barna.
„Markmiðið er að vera með
stað þar sem foreldrar ungra
barna eru velkomnir með börn sín
og geta verið afslappaðir,“ bætir
Tinna við.
Matur fyrir mæður
Það má með sanni segja að
hún hafi hugsað út í allt sem við-
kemur mjólkandi mæðrum og
börnum þeirra þegar Iðunnareplið
varð til.
„Matseðillinn er gerður þann-
ig að mæður sem eru með kveisu-
barn á brjósti ættu að geta borðað
allt af honum. Þetta er léttur
kaffihúsamatseðill án aukefna og
ofnæmisvaka. Maðurinn minn er
meistarakokkur og þróaði matseð-
ilinn fyrir okkur. Fyrir börnin er
ég með maukseðil sem hefur feng-
ið rosalega góðar undirtektir. Ég
mauka á staðnum úr lífrænu hrá-
efni eftir pöntunum. Fyrir eldri
krakka er boðið upp næring-
arríkan heimilismat, t.d. plokkfisk
og hakk og spagettí,“ segir Tinna.
Barnavagnar leika stórt hlut-
verk hjá foreldrum ungra barna
og nauðsynlegt að hafa góða að-
stöðu fyrir þá. „Það er rampur svo
það er auðvelt að koma vögnunum
inn og út, svo er ég með sérstakt
vagnasvæði inni. Það eru und-
irgöng við hliðina á okkur þar sem
hægt er að láta börnin sofa úti og
fylgjast með þeim í gegnum
glugga, svo ætlum við að setja
upp myndavél úti sem varpar
myndum á skjá inni þannig að
það verði hægt að fylgjast með
vögnunum og svo erum við að
sjálfsögðu með barnapíutæki.
Með fyrsta barn er maður sér-
staklega stressaður, getur ekki
lagt vagninn eða barnið frá sér og
ég geri allt til að minnka það
stress.“
Fleira er gert til að foreldrar
geti setið rólegir og drukkið sitt
kaffi. Leikherbergi er á staðnum
með myndavél í sem varpar því
sem á sér stað í herberginu á skjá
frammi í aðalsalnum. „Þá þurfa
foreldrar ekki stanslaust að vera
með áhyggjur af því hvað barnið
er að gera, þeir geta alltaf fylgst
með því og ef eitt barn fer að
gráta þurfa ekki allir foreldrarnir
að standa upp. Ég er líka með lít-
ið kósíherbergi þar sem er skipti-
og gjafaaðstaða. Það eru barna-
stólar við hvert einasta borð svo
það þarf ekki að slást um þá,
ömmustólar og brjóstagjafapúðar
eru líka í boði.
Ég reyni að hugsa út í allt en
við erum að sjálfsögðu að þróa
okkur og á staðnum er hug-
myndakassi þar sem allar ábend-
ingar um eitthvað sem okkur hef-
ur yfirsést eru vel þegnar,“ segir
Tinna.
Vinskapur myndast
Fræðslumorgnar eru að fara
af stað í Iðunnareplinu þar sem
boðið verður upp á allskonar dag-
skrá fyrir foreldra. „Við verðum
með brjóstagjafaráðgjafa, ung-
barnanuddara, næringarráðgjafa,
jógakennara, íslenskir barnabóka-
höfundar koma og lesa upp úr
bókum sínum, Tónagull ætlar að
koma til okkar bráðlega og vera
með tónlistarnámskeið fyrir börn
að níu mánaða aldri og ýmislegt
fleira.“
Tinna hefur unnið á veitinga-
og kaffihúsum síðustu tíu árin og
veit fátt skemmtilegra en að
standa í svona rekstri. „Skemmti-
legasta sem ég veit er þegar ég
hef fullt hús af æpandi börnum
sem eru að skemmta sér eins og
ég veit ekki hvað. Það er líka
gaman að finna hvað það var
rosalega mikil þörf á svona stað.
Þrátt fyrir að hafa bara haft opið
í mánuð erum við þegar komin
með góðan kúnnahóp. Það þarf
svona starfsemi svo að mömmur
hittist og fari að spjalla saman, ég
hef séð vinskap myndast hér,
mömmurnar koma hingað einar
með börnin sín og setjast hver í
sitt hornið og byrja svo að spjalla
saman og nokkrum dögum seinna
eru þær farnar að hittast. Það er
einmitt eitt af því sem ég vildi
stuðla að.“
www.idunnareplid.is
Iðunnareplið er líka á Facebook.
DAGLEGT LÍF 11
MORGUNBLAÐIÐ LAUGARDAGUR 19. FEBRÚAR 2011
„Þessi laugardagur verður ekki hefð-
bundinn en dagurinn byrjar vonandi
þannig að ég hef mig á fætur ein-
hvern tímann fyrir átta. Það er
snemma en ég á lítil börn og er oft-
ast vaknaður frekar snemma,“ segir
Sigurbjörn Árni Arngrímsson, pró-
fessor í íþróttafræðum við Háskóla
Íslands. „Ég þarf að vera kominn út
að hlaupa klukkan átta því ég ætla
að hlaupa 18 km og helst vera búinn
að því um klukkan níu. Eftir það
ætla ég að rífa mig vestur á Há-
skólatorg og undirbúa Háskóladag-
inn. Hann er á morgun og ég er for-
maður námsbrautar í íþrótta- og
heilsufræði á Laugarvatni. Við verð-
um þarna að kynna okkar nám eins
og aðrir og verðum líka með ýmsar
mælingar eins og t.d. blóðþrýstings-,
fitu- og styrktarmælingar. Svo það
er um að gera að koma við hjá okk-
ur.
Kynningin byrjar klukkan 11 svo ég
verð vonandi mættur þar 9.30 til að
setja upp og setja mitt fólk inn í
hlutina. Síðan þarf ég helst upp úr
10 að brenna út á Álftanes því ég er
að þjálfa kvennablaklið Laugdæla
sem þarna verður að keppa í Ís-
landsmótinu og þær eiga leik klukk-
an 11. Eftir hann fer ég aftur yfir á
Háskólatorg og held áfram að kynna
námið hjá okkur og spjalla við gesti
og gangandi. Þar
mun ég einnig
lýsa glímutökum
nemenda klukkan
13.30 en glíma er
á námskránni hjá
okkur. Eftir þetta
fer ég aftur út á
Álftanes og að
þeim leik loknum
aftur upp á
Háskólatorg.
Þegar Háskóladeginum lýkur
seinnipartinn þarf að ganga frá og
ef ég verð búinn tímanlega reyni ég
að kíkja niður í Frjálsíþróttahöll því
þar fer fram bikarkeppnin í frjálsum.
Síðan þegar öllu þessu er lokið fer
ég til systur minnar og sæki krakk-
ana sem eru þar í pössun, sem betur
fer því konan mín er að keppa í blak-
inu. Væntanlega reynum við að gera
eitthvað með börnunum það sem
eftir lifir dagsins. Það er búið að
biðja um pítsu og kannski förum við
með þau í bíó. Um kvöldið horfum
við að sjálfsögðu á Gettu betur en
ég er mikill áhugamaður um svona
spurningakeppnir. Svo verður farið
snemma að sofa því það er blak-
leikur snemma á sunnudagsmorgn-
inum og ég þarf helst að vera búinn
að hlaupa 13 km fyrir 8.30,“ segir
Sigurbjörn Árni. maria@mbl.is
Hvað ætlar þú að gera í dag?
Morgunblaðið/Ómar
Þjóðlegt Glíma er á námskrá nemenda í íþrótta- og heilsufræði.
Glímubrögð og morgunhlaup
Sigurbjörn Árni
Arngrímsson
Iðunnareplið er í Templara-
sundi, á milli Austurvallar og
Tjarnarinnar. Staðurinn er opn-
aður klukkan átta virka morgna
og klukkan níu um helgar og er
opinn til átta á kvöldin alla
daga.
„Ég ákvað að opna svona
snemma því sum börn vakna
klukkan sex sjáðu til og það
nenna ekki allir að hanga heima
hjá sér svona lengi. Börnin mín
eru ósköp miklar svefnpurkur
en mörg börn vinkvenna minna
eru svona miklir morgunhanar.
Annars eru ekki margir mættir á
slaginu átta en um klukkan níu
er oft farið að vera nóg að
gera,“ segir Tinna.
Kjörið fyrir
morgunhana
IÐUNNAREPLIÐ
Faxafeni 5, Reykjavik • Sími 588 8477 • www.betrabak.is
Fluffy - Box
– ný sæng frá
Betr
a B
ak
kyn
nir!
Alvöru dúnsæng
fyrir vandláta
Fluffy - Box dúnsængin er
einstaklega þykk og mikil
en samt svo létt. Veitir þér
hlýjan og góðan svefn.
• 800 gr hvítur
síberíugæsadúnn.
• Tveggja laga einangrun.
• Sérlega þykk og mjúk.
Kynningarverð
140x200 cm
kr. 39.900,-