Morgunblaðið - 19.02.2011, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 19. FEBRÚAR 2011
Þjónusta Veitingahús Ferðaþjónusta Íþrótta- og félagasamtök
Greiðslulausnir sniðnar að þinni atvinnugrein.
Ég er alltaf að þróa mínar vörur.
Það eigum við sameiginlegt.
Kolbrún Björnsdóttir, grasalæknir í Jurtaapótekinu
Hver einasti viðskiptavinur okkar er einstakur og þarfirnar geta verið ólíkar.
Með þetta að leiðarljósi höfum við þróað lausnir – sniðnar að þinni atvinnugrein.
Hafðu samband og í sameiningu finnum við greiðslulausn sem hentar þínum rekstri.
Fyrirtækjalausnir Valitor sími 525 2080 www.valitor.is fyrirt@valitor.is
Guðni Einarsson
gudni@mbl.is
Heildartekjur ríkissjóðs af van-
rækslugjaldi vegna ökutækja sem
ekki voru færð til aðalskoðunar eða
endurskoðunar voru orðnar 523,6
milljónir um síðustu áramót. Inn-
heimta gjaldsins hófst 1. apríl 2009.
Um áramótin síðustu voru óinn-
heimtar 206,3 milljónir. Samtals er
það um 730 milljónir.
Sýslumannsembættið í Bolungar-
vík annast innheimtu vanrækslu-
gjaldsins. Jónasi Guðmundssyni
sýslumanni finnst lítið hafa dregið úr
álagningu gjaldsins frá því hún hófst.
Gjaldið er 15.000 kr. en ef ökutækið
er fært til skoðunar innan mánaðar
frá álagningu þá lækkar það í 7.500
kr.
Í fyrra voru alls lagðar á 443,3
milljónir í vanrækslugjald. Upphæð-
in lækkaði um 93 milljónir vegna
þeirra sem brugðust skjótt við og
varð álagningin því um 350 milljónir.
Heildarinnheimtan var 285 milljónir
2010. Gjaldið er lagt á tíu mánuði árs-
ins vegna aðalskoðunar en alla mán-
uði vegna endurskoðunar. Miðað er
við síðasta tölustaf fastanúmers og er
gjaldið lagt á að tveimur mánuðum
liðnum frá því að lögboðnum fresti til
skoðunar lýkur.
Jónas sagði álagningarnar hafa
verið á bilinu 3-5 þúsund á mánuði.
Nú í janúar voru t.d. um 500 álagn-
ingar einungis vegna ökutækja sem
ekki voru færðir til endurskoðunar.
Suma mánuði eru álagningarnar
fleiri en að jafnaði. Jónas sagði að
vanrækslugjald væri lagt á marga 1.
október vegna ökutækja sem ætti að
færa til skoðunar yfir sumarið, t.d.
fornbíla, mótorhjóla, tjaldvagna o.fl.
Einnig flaska sumir handhafar sér-
númera á því að bílar með númeri
sem endar á bókstaf á að færa til
skoðunar í maí en þeir telja að fasta-
númer bílsins gildi.
Jónas sagði það vera ákveðið
vandamál að verið væri að leggja
gjaldið á bíla sem í raun væru ekki til.
„Það er dálítið af bílum sem ekki
eru í umferð og jafnvel ekki til en eru
samt á ökutækjaskrá,“ sagði Jónas.
Ein ástæða þess getur verið að það er
talsvert mál að afskrá ökutæki. Hafi
skráður eigandi ekki skilavottorð frá
úrvinnslustöð eða geti lagt inn núm-
erin er erfitt að afskrá ökutækið. Jón-
as sagði að starfsmenn embættisins
sæju ýmsar vísbendingar um að
svona væri í pottinn búið í nokkuð
mörgum tilvikum, þótt þeir hefðu fátt
í höndunum sem segði fyrir víst hvort
ökutækið væri til eða ekki.
„Ökutækið er orðið gamalt, það
hlaðast á það bifreiðagjöld, það er
ekki vátryggt og kannski 5-6 ár síðan
það var síðast skoðað. Þá fer mann að
gruna ýmislegt án þess að vita neitt
fyrir víst,“ sagði Jónas. „Menn tala
um háan meðalaldur bíla hér en
venjulega eru það elstu bílarnir sem
svona er komið fyrir. Mig grunar að
þeir hækki meðalaldur bílaflotans.
Það þarf að gera skurk í þessu. Ef
margt bendir til að bíll sé ekki til og
ekki næst í eigandann þyrfti að vera
til innköllunarkerfi.“
Jónas sagði að stundum væru eig-
endur t.d. skráðir í Póllandi og þá
væri fátt til ráða. Hann segir að einn
og einn Íslendingur hafi samband og
sendi staðfestingu um að bíllinn hans
sé í útlöndum. Það dugar ekki til að fá
vanrækslugjaldið fellt niður því skoð-
unarskylda er til staðar á meðan öku-
tækið er skráð hér á landi.
Reglum verður breytt
Umferðarstofa býst við því að
reglum um afskráningar bíla verði
breytt á þessu ári og afskráningar-
ferlið einfaldað. Í svari frá ökutækja-
skráningu Umferðarstofu segir að
það sé alltaf töluverður fjöldi bifreiða
sem eru ekki í umferð og eigendur
hafi lagt númerin inn af ýmsum
ástæðum. Þar má m.a. nefna langvar-
andi dvöl erlendis, bið eftir varahlut-
um, að bíllinn sé skemmdur og eig-
andi ætli ekki að gera við hann strax.
„Hins vegar er mikið af ökutækj-
um í ökutækjaskrá sem eru ekki til
lengur, s.s. þau sem búið er að farga
án þess að eigandi hafi afskráð þau á
þeim tíma sem hann lét farga þeim.
Umferðarstofu eru settar þröngar
skorður hvað afskráningar varðar
eins og sjá má í 1. mgr. 9. gr. reglu-
gerðar nr. 751/2003 um skráningu
ökutækja. Þar er m.a. gert ráð fyrir
því vottorð fylgi með frá úrvinnslu-
stöð (www.urvinnslusjodur.is) um að
ökutækinu hafi verið fargað,“ segir í
svari Umferðarstofu.
Vanræksla upp á milljón á dag
 Vanrækslugjald vegna óskoðaðra ökutækja hafði gefið 524 milljónir í ríkissjóð um áramót frá 1. apríl
2009 og 206 milljónir útistandandi  Mikið er af ökutækjum í ökutækjaskrá sem ekki eru lengur til
Morgunblaðið/Júlíus
Eftirlit Lögregla höfuðborgarsvæðisins var með eftirlitsátak um síðustu
helgi. Þá kom í ljós að mikið er um ótryggð og óskoðuð ökutæki.