Morgunblaðið - 16.05.2011, Side 4
4 FRÉTTIRInnlent
MORGUNBLAÐIÐ MÁNUDAGUR 16. MAÍ 2011
Skógarhlíð 18 • sími 595 1000 • www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Ævintýri
í Tyrklandi
11.-21. júní
Sannkölluð ævintýraferð um suðvesturströnd
Tyrklands. Dvalið verður í Bodrum, Marmaris,
Fethiye og Pamukkale. Á hverjum áfangastað
er haldið í spennandi kynnisferðir um staðinn
og nágrenni hans og eru þær innifaldar í verði
ferðarinnar. Fararstjóri er Ólafur Gíslason.
Örfá sæti laus í töfrandi sérferð! • Saga
• Fornminjar
• Kastalar
• Siglingar
• Léttar göngur
• Leirböð
• Strandlíf
Frá kr. 227.200 Netverð á mann í tvíbýli. Verð í einbýli kr. 251.700 á mann.
Innifalið: Flug, skattar, gisting á 3 - 4* hóteli með öllu inniföldu í Bodrum, hálfu fæði á
öðrum stöðum. Kynnisferðir samkvæmt leiðarlýsingu. Akstur á milli áfangastaða og íslensk
fararstjórn. Lágmarksþátttaka er 12 manns.
Stjórn Félags leikskólakennara
hyggst á aðalfundi í vikunni fara fram
á umboð til að láta kjósa um verkfalls-
boðun en félagið krefst meiri kjara-
bóta en Félag grunnskólakennara
náði fram um helgina. Fjóla Þorvalds-
dóttir, formaður samninganefndar
leikskólakennara, segir að boðað hafi
verið til fundar hjá ríkissáttasemjara
23. maí en að óbreyttu sé stefnt að
verkfalli í ágúst.
Leikskólakennarar voru ekki
komnir með samning þegar kreppan
skall á 2008 og telja sig því vera ein-
um samningi á eftir öðrum kennurum
og öðrum háskólamenntuðum stétt-
um, hafa dregist aftur úr, að sögn
Fjólu.
„Við ætluðum að láta verkfallið
skella á 22. ágúst en auðvitað von-
umst við til að ná samningum fyrir
þann tíma,“ segir Fjóla. „Það þýðir
ekkert að gera þetta þegar sumarfrí
eru að byrja hjá svo mörgum, við
verðum að gera þetta þegar skólar
hefja aftur störf. Ég veit ekki hvort
samninganefnd Sambands íslenskra
sveitarfélaga kemur eitthvað til móts
við okkur. Það kemur í ljós 23. maí.
Við höldum fast við okkar plan.“
Ólafur Loftsson, formaður Félags
grunnskólakennara, segir í samtali
við mbl.is að miðað við aðstæður geti
kennarar unað við nýjan kjarasamn-
ing sem undirritaður var við sveitar-
félögin á laugardag.
„Við erum búin að vera samnings-
laus í rúm tvö ár og höfum beðið lengi
eftir þessu. Við vorum að reyna að
tryggja það að okkar fólk fengi nýjan
kjarasamning áður en sumarleyfi
hefjast í næsta mánuði og þetta var
niðurstaðan. Að því gefnu að þetta
verði samþykkt þá eiga launahækk-
anir að koma inn núna strax í júní,“
segir Ólafur.
Verulegur kostnaðarauki
fyrir sveitarfélögin
Heildar-viðbótarkostnaður sveitar-
félaganna vegna samningsins er 12%
yfir þau þrjú ár sem hann gildir og er
hann á svipuðu formi og samningar
sem gerðir voru á almenna markaðin-
um, segir Inga Rún Ólafsdóttir, for-
maður samninganefndar Sambands
íslenskra sveitarfélaga. Þessi samn-
ingur sé þó tveimur mánuðum lengri
en samningur Samtaka atvinnulífsins
og Alþýðusambandsins.
Mörg sveitarfélög hafa verið í fjár-
hagsvandræðum undanfarin misseri,
sum þeirra hafa undanfarna mánuði
reynt í örvæntingu að endurfjár-
magna milljarðalán án árangurs, svo
að sú spurning hlýtur því að vakna
hvort sveitarfélögin ráði almennt við
kostnaðaraukninguna sem samning-
urinn við grunnskólakennara hefur í
för með sér.
„Það verður auðvitað erfitt fyrir
okkur að mæta þessu en það var búið
að leggja línurnar á almenna mark-
aðnum og það var tekin ákvörðun um
að reyna að fylgja því,“ svarar Inga
Rún. kjon@mbl.is
Leikskólaverkfall í ágúst?
Félag leikskólakennara krefst meiri kjarabóta en grunnskólakennarar fengu í
samningum um helgina hjá samninganefnd Sambands íslenskra sveitarfélaga
Við erum búin að vera
samningslaus í rúm
tvö ár og höfum beðið
lengi eftir þessu.
Fjóla Þorvaldsdóttir
Gríðarlegt magn af ösku lagðist yfir Laugarárgil
og svæðið í kring í kjölfar eldgossins í Eyja-
fjallajökli fyrir rúmu ári. Seljavallalaug fylltist
af ösku og breyttist í raun úr sundlaug í sand-
kassa. Hópur sjálfboðaliða kom saman við laug-
ina á laugardag með það að markmiði að koma
henni aftur í sitt gamla horf. Sumir þeirra lærðu
að synda í Seljavallalaug og var stjórnandi gröf-
unnar stórvirku einn af þeim.
Úr öskusandkassa í sundlaug
Morgunblaðið/Ernir
Halldór Armand Ásgeirsson
haa@mbl.is
„Þetta er bara fyrst og fremst ömurlegt og leiðinlegt
hvernig komið er fram við okkur. Þetta er óskiljanleg
harka í aðgerðum bankans,“ segir Einar Bárðarson, eig-
andi útvarpsstöðvarinnar Kanans. Þann 20. apríl síðast-
liðinn tók Landsbankinn þá ákvörðun að fella niður
rekstrarfyrirgreiðslu í formi yfirdráttarheimildar til ÚÍ1
ehf., rekstrarfélags Kanans, og af þeim sökum fékk
starfsfólk stöðvarinnar ekki greidd full laun um síðustu
mánaðamót.
Rekstrarfélagið hefur nú selt tæki og tól útvarpsstöðv-
arinnar öðru félagi sem nefnist Skeifan 7. Í tilkynningu
frá ÚÍ1 segir að nýja félagið taki við öllum skuldbind-
ingum gagnvart starfsfólki Kanans og að starfsemi
stöðvarinnar muni halda áfram með óbreyttu sniði.
„Þetta var í raun eina leiðin til að bjarga störfum starfs-
manna og viðhalda samkeppni á fjölmiðlamarkaði,“ segir
Einar. Í fyrrnefndri tilkynningu segir ennfremur að
rekstur Kanans hafi verið „réttum megin við núllið“ síð-
ustu 9 mánuði og félaginu hafi gengið
vel að vinna sig út úr vanda sem fylgdi
háum stofnkostnaði þess. Þá segir að
starfsemi stöðvarinnar hafi verið á
áætlun og reksturinn hafi skilað hagn-
aði sem farið hafi fram úr væntingum.
Lögmenn athuga nú réttarstöðu ÚÍ1
gagnvart Landsbankanum. Einar seg-
ir aðgerðir bankans ekki síst óskiljan-
legar í ljósi þess að bankarnir hafi
fengið skýr fyrirmæli frá ríkisstjórn-
inni um að vinna úr skuldamálum fyrirtækja sem sýna
viðunandi rekstrarárangur. „Allt þetta tal um „beinu
brautina“ er því í raun innihaldslaust.“ Rekstrarfélagið
ÚÍ1 var í viðskiptum við Sparisjóð Keflavíkur en við-
skiptin færðust sjálfkrafa yfir til Landsbankans þegar
hann yfirtók rekstur Sparisjóðsins. Talsmenn Lands-
bankans vildu ekki tjá sig um málið þegar Morgunblaðið
leitaði eftir viðbrögðum þeirra og sögðu ekki tíðkast að
gefnar væru út yfirlýsingar um mál einstakra viðskipta-
vina bankans.
„Eina leiðin til að bjarga
störfum starfsfólks okkar“
Nýtt rekstrarfélag tekur við útvarpsstöðinni Kananum
Einar Bárðarson
Útlit er fyrir að
þorri þeirra fyr-
irtækja sem falla
undir sam-
komulag um
skuldaúrvinnslu
lítilla og með-
alstórra fyr-
irtækja fái tilboð
um endur-
skipulagningu
skulda sinna fyrir
1. júní nk. Þetta kemur fram í til-
kynningu frá efnahags- og við-
skiptaráðuneytinu. Í einstökum til-
vikum munu sumir bankanna þurfa
júnímánuð til að ljúka tillögugerð.
Tæplega 2.000 fyrirtæki sem Beina
brautin svokallaða nær til hafa nú
þegar fengið lausn sinna mála hjá
bönkunum, samkvæmt upplýsingum
sem ráðuneytið hefur kallað eftir.
Nær til um 6.000 fyrirtækja
Alls nær samkomulagið til um
6.000 fyrirtækja, þ.e. þeirra sem eru
með skuldir frá 10 til 1.000 milljóna
króna. Um 4.000 þessara fyrirtækja
eru í skuldavanda. Um 1.500 hafa
neikvæðar rekstrarhorfur og fara
því að líkindum í þrot. Önnur hafa
þegið tilboð fjármálafyrirtækja um
25% lækkun eftirstöðva erlendra og
gengistryggðra lána og enn önnur
hafa fengið skuldavanda sinn leyst-
an með öðrum hætti en afskriftum.
Fjármálafyrirtækin hafa einnig
boðið skuldaaðlögun fyrir fyrirtæki
sem skulda meira en 1.000 milljónir
króna. Bankarnir hafa sett sér
markmið um að ljúka þeirri vinnu að
mestu leyti fyrir árslok.
4.000
fyrirtæki
í vanda
Í vinnu Mörg fyrir-
tæki eiga í vanda.
1.500 með neikvæðar
rekstrarhorfur
Héraðsdómur Austurlands hefur
dæmt 28 ára karlmann í 9 mánaða
óskilorðsbundið fangelsi fyrir þjófn-
að og fyrir að hóta lögreglumönnum
á Höfn í Hornafirði lífláti og líkams-
meiðingum. Þetta er í þriðja skipti,
sem maðurinn er dæmdur fyrir brot
gegn valdstjórninni og hann hefur
ítrekað verið dæmdur fyrir auðg-
unarbrot og líkamsárásir. Maðurinn
sagðist ekkert muna eftir atburðum
en hljóðupptaka var til af sam-
skiptum hans og lögreglumanna.
Í fangelsi
fyrir hótanir