Morgunblaðið - 24.06.2011, Side 14

14 FRÉTTIRInnlent
MORGUNBLAÐIÐ FÖSTUDAGUR 24. JÚNÍ 2011
Á morgun, laugardag, verður hin
árlega Jónsmessuhátíð haldin á
Eyrarbakka. Dagurinn byrjar með
viðburðum fyrir fjölskylduna, m.a.
barnadagskrá Skoppu og Skrítlu,
kassaklifri, þrautabraut og ratleik.
Jafnframt bjóða heiðurskonur þeim
yngri eitthvað gott í munn. Sama
dag verður svo hægt að fara í
Laugabúð sem verður opnuð eftir
endurbætur, taka þátt í kýló, láta
Sibbu spá fyrir sér eða skreppa á
tónleika í Gónhól eða Merkigili. Þá
bjóða Byggðasafn Árnesinga og
Sjóminjasafnið upp á frían aðgang.
Kvöldið hefst svo með hópsöng í
Húsinu, hinu fornfræga kaup-
mannshúsi. Hápunktur gleðinnar
verður svo Jónsmessubrennan í
fjörunni þar sem Bakkabandið leið-
ir söng.
Nánari dagskrá er birt á
www.eyrarbakki.is.
Fjör Hápunktur Jónsmessuhátíðarinnar á
Eyrarbakka er brennan í fjörunni.
Jónsmessuhátíð
á Eyrarbakka
Veiðar á ýsu, ufsa og gullkarfa
við Ísland eru nú komnar í form-
legt vottunarferli samkvæmt
kröfum og leiðbeiningum Mat-
væla- og landbúnaðarstofnunar
Sameinuðu þjóðanna (FAO). Um-
sækjendur um vottunina eru
hagsmunaaðilar í veiðum og
vinnslu; Samtök fiskvinnslunnar,
Landssamband íslenskra útvegs-
manna og Landssamband smá-
bátaeigenda, sem hafa sameinast
um vottunarverkefnið undir
merkjum Iceland Responsible Fis-
heries í félaginu Ábyrgar fisk-
veiðar ses.
Um er að ræða veiðar innan ís-
lenskrar fiskveiðilögsögu. Um-
sóknin er studd af öllum hags-
munaaðilum og mun vottunin, ef
fæst, ná yfir öll veiðarfæri og
veiðisvæði innan lögsögunnar.
Vottunin mun nýtast öllum ís-
lenskum sjávar-
útvegsfyrirtækjum, sem og öðr-
um aðilum í virðiskeðjunni við
sölu á afurðum úr ýsu, ufsa og
gullkarfa á öllum mörkuðum.
Vottunin byggist á ströngustu
kröfum sem ákveðnar hafa verið
á vettvangi Sameinuðu þjóðanna.
Helstu kröfurnar um vottunina
eru m.a. að komið sé í veg fyrir
ofveiði og að framkvæmd og lög-
mæti veiðanna sé fylgt eftir af
öflugum eftirlitsstofnunum.
Það er Global Trust á Írlandi
sem tekur út veiðarnar og hefur
teymi sérfræðinga til að vinna að
vottuninni. Framvinda vott-
unarferlisins mun verða kynnt á
vefsíðunni www.ResponsibleF-
isheries.is.
Vilja fá vottun
á veiðum á ýsu,
ufsa og gullkarfa
Í gær var Evrópuvefur Vísindavefs-
ins opnaður. Stofnað var til vefsins
með þjónustusamningi milli Alþing-
is og Vísindavefsins. Tilgangur
Evrópuvefsins verður að veita hlut-
lægar, málefnalegar og trúverð-
ugar upplýsingar um Evrópusam-
bandið og Evrópumál. Á vefnum
verður hægt að spyrja spurninga
um allt sem viðkemur Evrópusam-
bandinu og Evrópumálum. Starfs-
menn vefsins munu svara spurn-
ingum ýmist sjálfir eða leita til
fræðimanna á viðkomandi sviði.
Evrópuvefur
Janus Arn Guðmundsson
janus@mbl.is
Flugmenn hjá Icelandair hafa verið
í brennidepli að undanförnu vegna
yfirstandandi kjaradeilu. Sam-
kvæmt launataxta flugmanna fara
launin og aðrar launagreiðslur frá
því að vera um 600.000 kr. upp í
1.450.000 kr. á mánuði. Ef ekki nást
samningar fyrir klukkan 14 í dag
mun ótímabundið yfirvinnubann
taka gildi.
Launataxtar flugmanna
Samkvæmt heimildum Morgun-
blaðsins eru laun flugmanna hjá
Icelandair langt yfir meðallaunum í
landinu og dæmi eru um að laun
flugstjóra séu sambærleg launum
forstjóra og fari langt yfir laun for-
sætisráðherra.
Byrjendalaun flugmanns hjá fé-
laginu, eru um 500.000 krónur. Ofan
á það bætast svo við önnur laun, yf-
irvinna og aðrar greiðslur, og skv.
útreikningum má gera ráð fyrir því
að þau nemi um 100.000 krónum.
Þá eru dagpeningar enn óreikn-
aðir, en þar má gera ráð fyrir um
150.000 kr. til viðbótar. Samtals
gerir þetta um 750.000 krónur, en
hafa ber í huga að dagpeningar eru
ekki skilgreindir sem laun, heldur
eiga þeir að duga fyrir útlögðum
kostnaði.
Ef skoðuð eru laun flugmanns
með 10 ára starfsaldur eru grunn-
laun skv. launataxta um 650.000
krónur. Algengt er að önnur laun
séu um 150.000 kr. að jafnaði og
dagpeningar um 200.000 krónur. Í
heildina gerir þetta um eina milljón
til útborgunar.
Eftir 25 ára starf hjá félaginu
getur flugstjóri verið með um
1.150.000 kr. í mánaðarlaun skv.
taxta, önnur laun um 300.000 kr., of-
an á það bætast svo dagpeningar
sem eru um 250.000 krónur. Sam-
tals gerir þetta um 1.700.000 krón-
ur. Til samburðar má geta þess að
laun Jóhönnu Sigurðardóttur for-
sætisráðherra eru um 1.100.000 kr.
Langt yfir meðallaunum
 Flugmenn eru með frá 600.000 kr. og upp í 1.450.000 kr. á mánuði  Grunnlaun
eftir tíu ára starf 650.000 kr. og til viðbótar eru önnur laun að jafnaði um 150.000 kr.
Laun flugmanna
» Byrjendalaun 500.000 kr.,
ofan á það 100.000 kr. + dag-
peningar 150.000 kr. =
750.000 krónur
» 10 ára starfsaldur. Laun
650.000 kr., ofan á það
150.000 kr. + dagpeningar
200.000 kr. = 1.000.000 kr.
» Laun flugstjóra eftir 25 ár
1.150.000 kr., ofan á það
300.000 kr. + dagpeningar
250.000 kr. = 1.700.000 kr.
Hjalti Geir Erlendsson
hjaltigeir@mbl.is
Reykjavíkurborg hefur frestað
gildistöku nýrra reglna um sorp-
hirðu þar til í ágúst. Ástæðan er
óvissa um hvernig eigi að haga gjald-
töku í þeim tilvikum þegar sorptunn-
ur standa lengra en 15 metra frá
götu.
Reykjavíkurborg er skylt að
sækja heimilisúrgang á hvert heimili
innan borgarmarkanna. Borgarbúar
eiga því ekki að þurfa að sækja sér-
staklega um losun sorpíláta sem
standa lengra en 15 metra frá sorp-
bíl. Þetta er meðal þess sem kemur
fram í svari borgarlögmanns við fyr-
irspurn Mörtu Guðjónsdóttur, vara-
borgarfulltrúa Sjálfstæðisflokksins,
um nýjar verklagsreglur í sorphirðu-
málum borgarinnar.
Spurning Mörtu sneri að því hvort
fyrirkomulag um að innheimta
hærra gjald fyrir að sækja sorpílát
utan 15 metra fjarlægðar frá sorpbíl
bryti gegn jafnræðisreglu stjórn-
sýslulaga. Í svari sínu telur borgar-
lögmaður svo ekki vera.
Hins vegar gerir borgarlögmaður
athugasemdir við ákvörðun þjón-
ustugjaldins. Nýju reglurnar gera
ráð fyrir að íbúar greiði 4.800 kr. fyr-
ir þjónustuna en dregið er í efa að sú
tala uppfylli kröfur sem gera verði
um rökstuðning fyrir þjónustugjaldi.
Þá telur borgarlögmaður óeðlilegt
að borgarbúar þurfi að sækja sér-
staklega um þjónustu sem sé lögboð-
in.
„Það eru vankantar á þessum
verklagsreglum og það hefur verið
mikill vandræðagangur í kringum
þetta mál. Gildistöku reglnanna hef-
ur verið frestað nokkrum sinnum,“
segir Marta Guðjónsdóttir. Reglurn-
ar séu illa ígrundaðar og óvíst sé
hvaða hagræðing náist. Marta segist
ítekað hafa beðið um kostnaðartölur
við breytingarnar. Hvað kosti til
dæmis að mæla vegalengdina að öll-
um sorptunnum í Reykjavík. Engin
svör hafi þó borist þess efnis.
Marta spurði einnig hvort hægt
væri að gera deiliskipulag afturvirkt
í ljósi þess að víða sé gert ráð fyrir
sorptunnum lengra en 15 metra frá
götu í deiliskipulagi. Borgarlögmað-
ur segir að í deiliskipulagi felist
ótímabundin heimild, því sé ekki
hægt að líta svo á að deiliskipulag
geti verið afturvirkt.
Óeðlilegt að sækja þurfi sér-
staklega um lögboðna þjónustu
 Gildistöku skrefareglunnar frestað í kjölfar fyrirspurnar varaborgarfulltrúa
Sorp Nýju reglurnar gera ráð fyrir að íbúar greiði 4.800 kr. fyrir þjónust-
una en dregið er í efa að sú tala uppfylli skilyrði þjónustugjalda.
Heldur hefur sumarið verið seint á ferðinni þetta árið
og margir orðnir langeygir eftir glampandi sól og
hlýrri golu. Sunnlendingar tóku því heldur betur fagn-
andi í vikunni þegar sunna brosti sínu breiðasta og
blærinn ljúfi lék við kinnar. Borgarbúar flykktust á yl-
ströndina í Nauthólsvík, fækkuðu fötum og nutu þess
að baða sig í sjónum, spóka sig í flæðarmálinu, byggja
sandkastala, hitta mann og annan og gæða sér á nesti í
kærkominni strandferð. Ungur drengur fór í loftköst-
um þar sem hann kunni sér ekki læti í blíðunni.
Morgunblaðið/Eggert
Sprett úr spori í Nauthólsvíkinni
„Íslendingar
hafa ekki efni á
öðru fyrir-
komulagi fisk-
veiða en því
sem stuðlar að
hámörkun
ávinnings af
fiskistofnum.
Þetta er for-
senda sem þarf
meira vægi í
umræðu um breytt fiskveiðistjórn-
unarkerfi.“ Þetta er meðal þess
sem kemur fram í áliti Viðskipta-
ráðs Íslands.
Þar segir ennfremur: „Þó er
ljóst að fiskveiðistjórnunarkerfið
er ekki gallalaust. Eins og í öllum
kerfum er nauðsynlegt að huga
stöðugt að endurbótum sem geta
leitt til frekari hagkvæmni. Fyrir-
ætlanir um byltingu kerfisins eru
hins vegar ábyrgðarlausar, sér-
staklega þegar ekki liggur fyrir að
eftir breytingar verði fiskveiði-
stjórnunarkerfið í það minnsta
jafn hagkvæmt og það sem breyta
skal.“
Ábyrgðar-
laus áform
um byltingu
kerfisins