Morgunblaðið - 24.06.2011, Qupperneq 32

32 MENNING
MORGUNBLAÐIÐ FÖSTUDAGUR 24. JÚNÍ 2011
...pólskir ljósmyndar-
ar unnu með íslensk-
um rithöfundum og blaða-
mönnum 33
»
Komin er út ljóðabókin Höfuð drekans á vatninu eftir skáldið Guðbrand Sig-
laugsson og er þetta 11. ljóðabók hans.
Guðbrandur segist ekki hafa samið ljóðin með bókina í huga heldur séu
þau frá mismunandi tímabilum. Elstu ljóðin eru frá því um 1988 en flest eru
samin á síðastliðnum áratug. Hann segir bókina þó ekki vera yfirlitsverk og
hafa aðeins tvö til þrjú ljóð birst í fyrri bókum hans. Það er því greinilegt að
Guðbrandur er iðinn við að yrkja. „Já, já, alltaf þegar tíminn og andinn gefa
ástæðu til,“ segir hann.
Hann segist taka mest á veðri, tímanum og hafinu í ljóðum sínum og skipt-
ir hann bókinni upp í þrjá kafla. „Í fyrsta kaflanum tekst ég á við árið í gegn,
byrja þarna á vetri og enda á síðhausti, svo ég fer veðurfarslega í gegnum
tímann. Miðhelmingurinn fjallar um tímann sem slíkan og í lokin er það haf-
ið, það tengist líka óhjákvæmilega tímanum.“ Spurður að því hvort tíminn sé
þá þema bókarinnar játar Guðbrandur því. „Jú, eiginlega. Svona þegar ég
hugsa til þess sjálfur.“
Bókin er hátt í hundrað síður og má því segja að hún sé nokkuð löng af
ljóðabók að vera. Af hverju eru ekki allar ljóðabókar svona langar?
„Sennilega er pappírinn svona dýr,“ segir Guðbrandur og hlær.
diana@mbl.is
Veður, tími og haf
 11. ljóðabók Guðbrands Siglaugssonar
Morgunblaðið/Ernir
Tími Guðbrandur Siglaugsson yrkir þegar tíminn og andinn gefa ástæðu til.
Um næstu helgi lýkur yfirlitssýn-
ingu á verkum Kristínar Gunnlaugs-
dóttur á Listasafninu á Akureyri.
Sýningunni, sem hefur yfirskriftina
Inní rós og er meðal best sóttu sýn-
inga Listasafnsins, lýkur á sunnu-
dag kl. 17:00, en á laugardag kl.
15:00 verður Kristín með leiðsögn
um sýninguna og fjallar um verk sín.
Inní rós er fyrsta yfirlitssýning sem
haldin hefur verið á verkum Kristín-
ar en skammt er síðan hún lagði
olíumálverkið á hilluna og tók að
sauma út á striga.
Kristín útskrifaðist úr Myndlista-
og handíðaskóla Íslands árið 1987 og
hélt svo í framhaldsnám til Ítalíu,
lærði m.a. íkonagerð í Róm og
stundaði nám í Ríkisakademíunni í
Flórens árin 1988-1993. Kristín hef-
ur haldið margar einkasýningar og
tekið þátt í mörgum sýningum, hér
heima og erlendis. Hún hefur hlotið
ýmsa styrki og viðurkenningar og
hlotið nokkrum sinnum lista-
mannalaun frá menntamálaráðu-
neytinu, síðast árið 2009. Hún hefur
var bæjarlistamaður Akureyrar
1996-1997 og bæjarlistamaður Sel-
tjarnarness 2008, en hún býr nú og
starfar á Seltjarnarnesi.
Morgunblaðið/Skapti
Yfirlit Sýningu á verkum Kristínar
Gunnlaugsdóttur lýkur um helgina.
Sýningu
lýkur á
Inní rós
Leiðsögn Kristínar
um Inní rós
Hulda Hlín opnar sýningu á
verkum sínum í Tjarnarsal
Ráðhúss Reykjavíkur á laug-
ardag. Verkin á sýningunni
einkennast af sterkum lita-
samsetningum og eru stór í
sniðum; sjá má verkin á
www.huldahlin.com. Sýningin
stendur til 10. júlí.
Hulda Hlín Magnúsdóttir
nam málaralist við Listaaka-
demíu Ítalíu (Accademia di
Belle Arti) í Florens, Bologna, Feneyjum og Róm
og lauk auk þess meistaraprófi í listfræði frá Bo-
logna-háskóla. Hún hefur tekið þátt í samsýn-
ingum í Róm og haldið einkasýningar hérlendis.
Myndlist
Hulda Hlín sýnir
í Ráðhúsinu
Hulda
Hlín
Á laugardag kl. 15:00 verða
haldnir fjórðu tónleikarnir í
sumartónleikaröð veitinga-
hússins Jómfrúarinnar við
Lækjargötu. Fram kemur
Dixie-band Matta sax. Hljóm-
sveitina skipa Matthías V.
Baldursson á klarinett, Jó-
hannes Þorleiksson á trompet,
Eyþór Kolbeins á básúnu, Þor-
gils Björgvinsson á banjó, Öss-
ur Geirsson á túbu og Jón Ósk-
ar Jónsson á trommur. Þá kemur söngkonan
Áslaug Helga Hálfdánardóttir einnig fram með
hljómsveitinni. Tónleikarnir fara fram utandyra á
Jómfrúartorginu. Aðgangur er ókeypis.
Tónlist
Dixieland hljóm-
ar á Jómfrúnni
Matthías V.
Baldursson
Bergljót Rist leiðsögumaður
og hestakona fjallar um lit-
brigði íslenska hestsins á Kjar-
valsstöðum sunnudaginn 26.
júní kl. 15:00. Viðburðurinn
tengist sýningunni Jór! – Hest-
ar í íslenskri myndlist, sem þar
stendur. Einnig verður farið
um sýninguna og verkin skoð-
uð. Á sýningunni Jór! er varp-
að ljósi á hvernig hesturinn
hefur birst íslenskum lista-
mönnum í eina öld í aðal- og aukahlutverki í lands-
lagsmálverkum, mannamyndum eða sem tákn-
mynd. Viðburðurinn er skipulagður í samvinnu
við Landssamband hestamannafélaga.
Myndlist
Skoðuð litbrigði
íslenska hestsins
Bergljót
Rist
Díana Rós A. Rivera
diana@mbl.is
Sýning Árna Páls Jóhannssonar og
Finnboga Péturssonar, Góðir Íslend-
ingar, verður opnuð í Listasafni
Kópavogs, Gerðarsafni, á morgun.
„Við erum eiginlega bara að fara
að sýna góða Íslendinga,“ segir
Finnbogi um sýninguna. Hann segir
Árna Pál vera með ættartölur fólks
sem hann stillir upp með myndum af
sauðfé sem hann tók. Hann raðar því
saman uppi á vegg auk þess sem
hann verður með rekaviðardrumba
sem hann hefur unnið og mætti kalla
einskonar fjölskylduportrett.
Leitaði hljóðsins í sjónvarpinu
Finnbogi sýnir í öðrum sýningar-
sal verk samsett úr eftirlitsmynda-
vélum og hátölurum sem raðað er
saman í stóran hring í salnum. Hann
segir svokallað eftirlitsrofabox
skipta milli myndavélanna eftir
ákveðnu mynstri en áhorfandi fær
bæði að sjá myndina og heyra hana í
hátölurunum því Finnbogi tengir
hana við hljóðblandara.
„Þú heyrir ekki beint truflun held-
ur tón sem breytist eftir því hversu
ljósstyrkurinn í myndinni er mikill
sem aftur fer eftir því hversu margir
áhorfendur eru í salnum. Þetta er í
rauninni eins og í gamla daga þegar
verið var að horfa á sjónvarp sem var
þá ekkert sérstaklega gott. Það var
alltaf ákveðið hljóð sem kom undir
textanum. Það er nákvæmlega það
hljóð sem ég hef verið að leita að og
er að nota,“ segir Finnbogi.
Ilmur af lyngi og gjallarhorn
Hann segir þá Árna Pál hafa unnið
að sýningunni lengi og í rauninni sé
margra áratuga vinnu að ljúka núna.
Ákvörðunin um að halda saman sýn-
ingu var svo tekin fyrir tveimur ár-
um, fyrir það var ekki vettvangur
fyrir því að þeir ynnu saman að sýn-
ingu að sögn Finnboga.
Spurður að því hvort Íslendingar
séu góðir og sýningin hafi þess vegna
fengið titilinn Góðir Íslendingar játar
Finnbogi því. „Íslendingar eru góðir
inn við beinið og ekki bara þeir held-
ur er fólk almennt gott. Íslendingar
eru auðvitað bestir,“ segir hann.
Finnbogi segist líka sakna ávarps-
ins, „góðir Íslendingar“, sem hann
ólst upp við og segist tengja það við
bónda með gjallarhorn sem hefur
ræðu sína á þessum orðum. „Nú
heyrir þú ávarpið varla lengur, það
er á undanhaldi að ávarpa samlanda
sína og samtíðarmenn sem góða. Það
er alltaf sagt „kæru landsmenn“.
Góðir Íslendingar er svona aðeins út
úr borginni og pínulítil lykt af lyngi.
Það og nálægðin við þjóðhátíðardag-
inn sem gerir það svo alveg innan
skekkjumarka og innan radíuss að
hafa ávarpið góðir Íslendingar,“ seg-
ir Finnbogi að lokum.
Aðeins út úr borginni og
pínulítil lykt af lyngi
 Árni Páll Jóhannsson og Finnbogi Pétursson opna sýninguna Góðir Íslend-
ingar í Gerðarsafni  Íslendingar eru góðir inn við beinið, segir Finnbogi
Morgunblaðið/Ernir
Lynglykt Finnbogi Pétursson og Árni Páll Jóhannesson opna sýninguna Góðir Íslendingar í Listasafni Kópavogs,
Gerðasafni, á morgun. „Við erum eiginlega bara að fara að sýna góða Íslendinga,“ segir Finnbogi um sýninguna.
Rakel Steinars-
dóttir sýnir ljós-
myndalengjur í
matsal og sól-
skála Skálholts-
skóla í Biskups-
tungum.
Myndirnar eiga
rætur í því er
Rakel hugðist
stunda kartöflu-
rækt, varð sér út
um útsæði í fimm kílóa poka og lét
það spíra. Engum sögum fer af upp-
skerunni, en Rakel tók myndir af
spíruðum kartöflum sem hún nýtti í
myndlengjurnar sem nú hanga uppi
í Skálholti. Myndirnar eru af 132
gullauga kartöflum sem fengu að
spíra í tvö ár og voru síðan ljós-
myndaðar með dökkum bakgrunni á
svartri glerplötu.
Rakel Steinarsdóttir er fædd 1965
og lauk námi úr Myndlista- og hand-
íðaskóla Íslands 1990. Hún stundaði
framhaldsnám við École supérieure
des arts décoratifs de Strasbourg í
Frakklandi og í Edinburgh College
of Art í Skotlandi þar sem hún lauk
meistaragráðu 2003. Hún lauk einn-
ig diploma frá LHÍ í kennslufræði
2009. Þetta er fjórða einkasýning
Rakelar og stendur í allt sumar.
Spíraðar
kartöflur
Rakel
Steinarsdóttir