Morgunblaðið - 01.10.2011, Síða 28

28 FRÉTTIRErlent
MORGUNBLAÐIÐ LAUGARDAGUR 1. OKTÓBER 2011
Skráning í “Græna Korts Happdrættið” 2013 hefst 4. Október 2011.
Þeir aðilar sem vilja taka þátt í happdrættinu verða að skrá sig á sérstakri heimasíðu
sem er á vegum Bandaríska Ríkisins.
Vefslóðin fyrir skráningu í Græna Korts Happdrættið 2013 er www.dvlottery.state.gov og
verður skráning opin frá kl 16:00, 4. Október 2011 til kl. 16:00, 5. Nóvember 2011.
Vinsamlegast athugið að þetta er eina heimasíðan á vegum Bandaríska Ríkisins ætluð fyrir
skráningu í Græna Korts Happdrættið.
Hægt er að nálgast frekari upplýsingar á heimasíðu Bandaríska Sendiráðsins:
http://iceland.usembassy.gov
Skráning í “Græna Korts Happdrættið”
E M B A S S Y O F T H E U N I T E D S TAT E S
Bogi Þór Arason
bogi@mbl.is
Julian Assange, stofnandi Wiki-
Leaks, á ekki aðeins í útistöðum við
útgáfufyrirtæki, sem hefur gefið út
ævisögu hans í óþökk hans, heldur á
hann einnig í þrætu við lögmenn
sína. Assange sakar verjendur sína
um að hafa sett upp alltof hátt verð
fyrir málsvörnina og segir þá hafa
sölsað undir sig fyrirframgreiðslur
sem hann hafi átt að fá fyrir bókina.
Hermt er að umræddar greiðslur
nemi 412.000 pundum, sem svarar
rúmum 75 milljónum króna.
Skoska útgáfufyrirtækið Canon-
gate er sagt hafa samið við Assange
um að greiða honum alls 600.000
pund (110 milljónir króna) fyrir út-
gáfuréttinn, þar af 250.000 pund (46
millj. kr.) við undirritun samnings-
ins. Gefa átti bókina út sem sjálfs-
ævisögu en annar maður, Andrew
O’Hagan, var fenginn til að skrifa
hana á laun. Canongate samþykkti
að greiða laun O’Hagans fyrirfram,
en talið er að þau nemi 100.000
pundum (18,4 millj. kr.).
Assange hafði einnig samið við
bandarísku bókaútgáfuna Knopf um
útgáfuréttinn í Bandaríkjunum.
Hermt er að Knopf hafi þegar greitt
250.000 dollara, eða tæpar 30 millj-
ónir króna. Knopf hefur ákveðið að
rifta útgáfusamningnum og krefst
þess að fyrirframgreiðslan verði
endurgreidd.
Breska dagblaðið The Guardian
segir að fyrirframgreiðslur útgáfu-
fyrirtækjanna hafi verið lagðar inn á
bankareikning í vörslu aðalverjanda
hans hjá lögmannastofunni Finers
Stephens Innocent (FSI) í Lund-
únum. Assange haldi því fram að
hann hafi talið að hann fengi þjón-
ustu lögmannanna án endurgjalds.
Lögmannastofan segir hins vegar að
aðeins fyrsta ráðgjöfin hafi verið án
endurgjalds og hermt er að reikn-
ingar hennar fyrir málsvörnina séu
orðnir hærri en fyrirframgreiðsl-
urnar. Mark Stephens, verjandi Ass-
ange, þvertekur fyrir að lög-
mannastofan hafi okrað á
skjólstæðingi sínum.
Sögð full af villum
The Guardian segir að svo virðist
sem deilan um fyrirframgreiðsl-
urnar hafi orðið til þess að Assange
reyndi að rifta útgáfusamningnum í
júní eftir að hafa lesið handrit að
bókinni. „Nokkrir heimildarmenn
blaðsins telja að eftir að Assange
mistókst að selja réttinn til að kvik-
mynda ævisöguna í Hollywood hafi
hann áttað sig á því að lögmenn hans
myndu gleypa allar greiðslurnar
sem hann átti að fá fyrir bókina,“
segir The Guardian.
Julian Assange neitar þessu og
sakar skoska útgáfufyrirtækið um
peningagræðgi og óheiðarleika.
„Þetta snýst um gamaldags tæki-
færismennsku og undirferli – að
svindla á fólki til að græða peninga,“
hefur fréttaveitan AFP eftir Ass-
ange.
Hann viðurkennir að bókin bygg-
ist á 50 klukkustunda viðtölum hans
við O’Hagan en segir að hún sé full
af villum sem hann hafi ekki fengið
tækifæri til að leiðrétta.
Peningar undirrót illinda Assange
 Sakar skoska bókaútgáfu um svik og peningagræðgi  Segir verjendur sína hafa sett upp alltof
hátt verð fyrir málsvörnina  Greiðslur fyrir bókina lagðar inn á reikning í vörslu verjendanna
Reuters
Bókargróði Allir virðast græða á
bókinni – nema Assange.
Andstæðingur erfðabreyttra matvæla heldur á
maískólfi, ataður í maísmjöli, á mótmælafundi í
Mexíkóborg gegn ræktun á erfðabreyttum maís.
Grænfriðungar og fleiri andstæðingar slíkrar
ræktunar efndu til mótmælanna í tilefni af degi
maísins í Mexíkó. Þeir fullyrða að upprunalegar
maístegundir í Mexíkó og fleiri löndum Róm-
önsku-Ameríku séu í útrýmingarhættu vegna
erfðabreytts maís frá Bandaríkjunum.
Erfðabreyttum maís mótmælt
Reuters
Sérfræðingar
segja að áður
óþekktar olíu-
lindir, sem fund-
ist hafa í norska
landgrunninu í
Norðursjó, gætu
verið 1.168 millj-
arða norskra
króna virði, en
það svarar til 24
þúsund milljarða
íslenskra króna.
Fréttavefur Aftenposten hefur
eftir Thinu M. Saltvedt, sérfræðingi
hjá Nordea Markets, að þetta gæti
haft gríðarleg áhrif á norskan efna-
hag og lengt til muna þann tíma,
sem Norðmenn geta vænt þess að fá
tekjur af olíuvinnslu. Áætlað er að
hægt sé að vinna á milli 1,2 til 2,6
milljarða tunna af olíu úr nýju lind-
unum.
Sérfræðingar segja að olíu-
lindirnar sem nú hafa fundist séu
einn af fimm stærstu olíufundum í
norskri lögsögu frá því á níunda ára-
tugnum. Þeir áætla að söluverð á
tveimur milljörðum olíufata nemi
1.168 milljörðum norskra króna.
24.000
milljarða
olíufundur
Norskur olíu-
borpallur
 Gæti haft mikil áhrif
á efnahag Noregs
Lægra verð á bókum hefur orðið til
þess að bóksala hefur aukist veru-
lega í Danmörku á síðustu átta ár-
um, að sögn danska mánaðarritsins
Samvirke. Blaðið segir að Danir hafi
keypt 31 milljón bóka á síðasta ári
og tekið svipaðan fjölda að láni á
bókasöfnum. Áætlað er því að Danir
kaupi eða taki að láni 11,5 bækur
hver að meðaltali á ári. Kannanir
benda hins vegar til þess að hver
Dani lesi aðeins sjö bækur á ári, að
sögn Samvirke.
Blaðið hefur eftir Lars Esbjerg,
lektor við Árósaháskóla, að þetta
megi m.a. rekja til þess að stórmark-
aðir séu mjög snjallir í því að fá við-
skiptavini til að kaupa hluti sem þeir
vissu ekki að þeir vildu.
„Við höfum núna efni á að kaupa
bækur án þess að lesa þær,“ hefur
Samvirke eftir Tove Arendt Ras-
mussen, öðrum lektor við Árósahá-
skóla.
Kaupa fleiri
bækur án
þess að lesa