Húsfreyjan - 01.04.1960, Qupperneq 4

Forsetahjónin, börn þeirra og tengdabörn
andi málefni, sem einkum snerta hugðar-
efni kvenna.
Aðalíbúðarhúsið að Bessastöðum er
réttra tvö hundruð ára, var reist á árun-
um 1760—65, fyrir atbeina Magnúsar
amtmanns Gíslasonar, sem fyrstur ís-
lenzkra manna gegndi amtmannsembætti
hérlendis. Sem að líkum lætur hefur hús-
ið verið endurbætt og stækkað á þessum
öldum, þó að meginsvipur sé enn sá sami
hið ytra. Anddyri og kvistir voru ekki á
hinni fyrstu gerð hússins.
Þegar inn er gengið um aðaldyr, verð-
ur fyrst fyrir anddyri og snyrtiherbergi
þar til hliðar, en inn af því er vistlegur
skáli, þar sem setbekkur er í stigakrók
og borð fyrir framan, en til hliðar gömul
kista og stór spegill yfir. Undir speglin-
um hangir útsaumuð mynd, saumuð eftir
gamalli mynd á Þjóðminjasafninu. Til
vinstri úr skálanum er skrifstofa forseta.
Þar eru veggir að mestu þaktir bókum,
en einnig eru þar margir góðir gripir til
skrauts og skemmtunar, fornir og nýir.
I skrifstofunni er tekin mynd sú af for-
setahjónunum, börnum þeirra og tengda-
börnum, sem fylgir þessari grein.
Þá eru úr skálanum dyr að borðstofu
og til hægri er gengið í dagstofu. Þar
dregst athyglin einkum að tvennu: háu,
gömlu dragkistunni við borðstofudyrnar
og hinum fögru málverkum, sem eru á
veggjunum. Þarna er m. a. myndin Sum-
arnótt eftir Jón Stefánsson og vatnslita-
mynd úr Hornafirði eftir Ásgrím Jónsson.
Innar af dagstofu er blómaskáli, sem teng-
ir gamla húsið og móttökusal þann, sem
byggður var við húsið, er það var gert
að bústað þjóðhöfðingjans. „Hingað nið-
ur í blómaskálann fer ég oft á morgnana,"
4
HÚSFRBYJAN