Húsfreyjan - 01.04.1960, Side 38

Kvenfélagið Hlíf
á Isafirði 50 ára
ÁRIÐ 1907 bar það til vestur á Isafirði,
að nokkrar konur komu sér saman um að
hlynna eitthvað að einstæðingum og gam-
almennum þar í bænum, þar eð þær töldu
þess fulla nauðsyn. Létu þær ekki sitja
við orðin ein, en héldu þessu fólki
skömmu síðar matarveizlu og hafa einnig
án efa leitazt við að bæta úr bráðustu
nauðsyn þess, svo sem kostur var.
6. marz 1910 stofna svo þessar konur
félag, eftir að hafa í 3 ár unnið að því að
hlynna að einstæðingum og gamalmenn-
um í bænum. Félagið hlaut nafnið ,,Hlíf“
og voru stofnendur 27. Eru 5 af þeim enn
á lífi.
I fyrstu lögum fél. segir svo, að aðal-
tilgangur félagsins sé ,,að líta eftir hag
bágstaddra í þessum bæ og hjálpa þeim
eftir föngum, sérstaklega gamalmennum."
Samkvæmt þessari stefnuskrá hefur svo
félagið jafnan starfað þau 50 ár, sem það
hefur lifað, þótt breyttir tímar hafi nokk-
uð breytt viðfangsefnunum og fleira verið
tekið fyrir en þessi stefnuskrá getur um.
Sjálfsagt hefur þörfin verið enn brýnni þá
á svona starfsemi en þó er nú. Lítur út
fyrir, að hagur ýmsra á Isafirði hafi verið
næsta bágborinn, þvi að í fundargerð frá
einhverju af fyrstu árum félagsins er þess
getið, að rætt hafi verið um að leggja
fram fé úr félagssjóði til þess að seðja
svöng skólaböm. En á fundinum buðu all
margar konur að gefa þessum börnum að
borða um skólatímann, svo að ekki þótti
þurfa að félagið leggði fé af mörkum til
þess.
Vísir að elliheimili er rekinn á Isafirði
þegar árið 1926. Á því ári leggur „Hlíf“
fram nokkurt fé til þess að kaupa hús-
muni handa elliheimilinu. Hefur félagið
gefið elliheimilinu ýmsar góðar gjafir, þar
á meðal hljóðfæri. Er til innan félagsins
sjóður, er heitir „Húsmæðrasjóður Þór-
dísar Egilsdóttur“, stofnaður af hinni
þjóðkunnu listiðjukonu, Þórdísi Egilsdótt-
ur.
Jafnan hefur félagið gefið jólagjafir,
styrkt sjúka og þá, sem hafa orðið fyrir
óvæntum áföllum, auk þess sem það hef-
ur styrkt og tekið virkan þátt í ýmsum
menningar- og framkvæmdamálum bæj-
arins, svo sem leikvallargerð o. fl. Kirkju
Isafjarðar hefur það gefið ýmsar gjafir,
stundum í félagi við önnur félagssamtök.
Félagskonur eru nú um 100. Formaður
er Unnur Gísladóttir.
Sv. Þ.
Myndarleg afmælisgjöf
Eins og lesendum „Húsfreyjunnar“ er
kunnugt, hóf ritið 11. ársgöngu sína með
útkomu síðasta tölublaðs. Skömmu eftir
útkomu blaðsins, barst ritinu gjöf frá
Thorvaldsensfélaginu í Reykjavík, kr.
1000.00, ásamt bréfi, þar sem fram er
tekið, að þetta sé afmælisgjöf til „Hús-
freyjunnar“. Að sjálfsögðu flytur blaðið
Thorvaldsensfélaginu alúðarþökk fyrir
hina rausnarlegu peningagjöf, sem kemur
sér mæta vel í fjárþröng blaðsins. En hitt
er, ef til vill, ekki minna um vert að finna
þann vinarhug, sem að baki býr gjöfinni.
Ýmsar þeirra kvenna, er framarlega
standa innan Thorvaldsensfélagsins hafa
keypt blaðið frá upphafi. Einmitt af þeim
ástæðum bendir þessi gjöf ótvírætt til
þess, að þessar konur, sem hafa fylgzt
með ferli blaðsins frá því fyrsta, telja það
þess virði, að félagssamtökum kvenna
beri að styrkja útgáfuna með ráðum og
dáð. Þess skal getið, að jafnframt fyrr-
nefndri peningagjöf sendi félagið aðra
gjöf, sem ritinu er engu síður mikilsverð,
en það var skrá yfir nöfn nýrra kaupenda
innan félagsins.
Að endingu vill ,,Húsfreyjan“ óska hinu
gamla, en þó síunga, félagi, Thorvaldsens-
félaginu, allra heilla um ókomin ár.
38
HÚSFREYJAN