Húsfreyjan - 01.10.1962, Síða 9

Ekki mun það orka tvímælis, að á slíkum
stað verða unglingarnir fljótt þátttakendur
bæði í áhyggjum og sigrum og tileinka sér
þannig áhuga og lífsviðhorf foreldranna,
enda hafa öll þau systkini sýnt mikinn mann-
dóm og dugnað, hvert á sínu sviði og þar með
borið æskuheimilinu fagurt vitni.
Helga Sigurðardóttir mun fljótt hafa kom-
izt að raun um, hvað hlutur húsfreyju á slíku
stórbýli er margþættur, krefst stórra starfa,
fyrirhyggju og öryggis. Mun hún einnig fljótt
hafa gert sér grein fyrir, hve mikil nauðsyn
er hverju heimili að eiga dugandi og hag-
sýna húsmóður, ef því á vel að vegna.
Með þá hugsjón í hjarta að hjálpa þess-
ari stétt landsins með ráðum og dáð hefur
hún áreiðanlega lagt ung út á menntabraut-
ina sem leiddi starf hennar svo farsællega til
lykta.
Aðallega menntaðist frk. Helga í Dan-
mörku, gekk hún þar í lýðháskóla síðan
matreiðsluskóla og síðar í Húsmæðrakenn-
araskóla Birgithe-Ber-Nielsen.
Að loknu námi settist hún að í Reykja-
vík. Varð brátt kunn þekking hennar og
kunnátta í matreiðslu og húsmæðrafræðum.
Kenndi hún þá um tíma á námskeiðum og
síðar sem hússtjórnarkennari við Austur-
bæjarskólann í Reykjavík. Oft var til henn-
ar leitað með leiðbeiningar við stærri veizl-
ur og móttökur erlendra gesta, er mikils þótti
við þurfa.
Eftir því sem áhugi fór vaxandi fyrir sér-
menntun húsmæðra og húsmæðraskólar risu
upp fyrir forgöngu ýmsra forvígiskvenna og
kvenfélagasamtaka, kom fljótt í ljós að
brýna nauðsyn bar til að koma einnig á fót
Húsmæðrakennaraskóla.
Var það hin mikla merkiskona, húsfrú
Ragnhildur Pétursdóttir á Háteigi, sem fyrst
hreyfði þessu máli innan Búnaðarfélags Is-
lands, sem þá var undir stjórn Sigurðar Sig-
urðssonar búnaðarmálastjóra. Fékk málið
góðar undirtektir. Samt drógst það á lang-
inn, enda þótt áðurnefndir aðilar reyndu að
þoka málinu áfram. Frk. Helga gerðist strax
virkur þátttakandi í þessu máli. Hún safnaði
saman þeim konum sem hlotið höfðu hús-
mæðrakennaramenntun erlendis og stofnuðu
þær „Kennarafélagið Hússtjórn". Félagið
vann af mikilli elju að framgangi Hús-
mæðrakennaraskólamálsins og nokkrum ár-
um síðar kaus það nefnd innan sinna vé-
banda. Samstarfskonur frk. Helgu þar voru
frú Soffía Claessen og frú Olöf Jónsdóttir.
Sömdu þær reglugerð og kostnaðaráætlun
fyrir Húsmæðrakennaraskóla. Með þessum
undirbúningi var málið lagt fyrir Alþingi
árið 1942 og vann sigur.
Frk. Helga Sigurðardóttir var fyrsti skóla-
stjóri Húsmæðrakennaraskóla Islands og
starfaði fyrir þá stofnun óslitið þar til haustið
1961 að hún lét af störfum.
Margir voru örðugleikarnir við að stríða,
en þannig er starf brautryðjandans venju-
lega, krefst stórra átaka og mikilla fórna.
Einkaheimili Helgu Sigurðardóttur í
Reykjavík stóð jafnan opið vinum og vanda-
mönnum. Enda þótt enginn væri þar hús-
bóndinn til aðdrátta, skorti aldrei neitt til
matar né drykkjar og húsmóðirin glöð og
hrókur alls fagnaðar.
I bókasafni heimilisins voru til allar bæk-
ur, sem ritaðar hafa verið á íslenzku um mat-
aræði og húsmæðrafræðslu, auk fjölda út-
lendra bóka, skandinavískra og enskra um
sama efni, Helga Iét einskis ófreistað til að
auka þekkingu sína á því sviði.
Sjálf samdi hún fjölda bóka og ritgerða
um mataræði og er þar flest að finna, allt
frá hinni yfirlætislausu rammíslenzku fjalla-
grasamjólk til girnilegustu nútíma sam-
kvæmisrétta. Þannig sameinaði hún þjóð-
legan fróðleik nútíma tækni og kröfum.
Framhald á bls. 14.
Húsfreyjan
9