Vera - 01.12.1987, Blaðsíða 34
Prjónauppskrift ríkisstjórnarinnar
Gengur ekki upp
Alþingi okkar íslendinga var sett þann 10. október sl. eins og lög gera ráð fyrir.
Nú eiga þrettán konur sæti á Alþingi og hafa þær aldrei verið fleiri. Þar af eru sex
kvennalistakonur. Hvaða áhrif fjölgun kvenna innan Alþingis mun hafa á þing-
starfið er ekki gott að segja, en fjölgun kvennalistakvenna lofar svo sannarlega
góðu. Vonandi munu konurnar í þinginu sýnasamstöðu hvar íflokki sem þæreru
og koma fram sem ein heild í sem flestum málum sem varða bættan hag kvenna
og barna. Það hefur oft verið reynt að fá konur úr öðrum flokkum til samstarfs og
þær hafa oft viljað en ekki getað vegna ákvarðanna eigin þingflokka.
Eina formannsembættið sem er til innan Kvennalist-
ans og það af illri nauðsyn er formennska I þingflokkn-
um. Þingkonurnar okkar sl. fjögur ár tóku upp þann
góða sið að skiptast á um að gegna þessu embætti.
Guðrún Agnarsdóttir var formaður þingflokksins sl. vet-
ur og nú hefur verið ákveðið að Þórhildur Þorleifsdóttir
fari með formennsku I þingflokknum I vetur. Þar sem
þingflokkurinn hefur stækkað var ákveðið að skipa
einnig varaformann þingflokksins og kom það í hlut
Danfríðar Skarphéðinsdóttur að gegna því embætti í
vetur. Skipt verður um formann og varaformann þing-
flokks að ári.
Deildir og nefndir
í upphafi hvers kjörtímabils er þinginu skipt I efri og
neðri deild. Nú eru þingmenn alls 63 og eru því 21 í efri
deild og 42 í þeirri neðri. Kvennalistinn fær tvo þing-
menn í efri deild og þar sitja Danfríður Skarphéðinsdótt-
ir og Guðrún Agnarsdóttir. í neðri deild eru því Kristín
Einarsdóttir, Kristín Halldórsdóttir, Málmfríður Sigurðar-
dóttir og Þórhildur Þorleifsdóttir.
Þær Danfríður og Guðrún tóku að sér hvor sitt em-
bættið innan þingsins, en Danfríður er skrifari í samein-
uðu þingi og Guðrún er varaforseti efri deildar. Þess má
geta að Danfríður er eini stjórnarandstöðuþingmaður-
inn sem skipar skrifaraembætti því Borgaraflokkurinn
og Alþýðubandalagið vildu ekki taka skrifaraembættin
að sér.
Eins og fram hefur komið í þessum pistlum gegna
fastanefndir þingsins mikilvægu hlutverki í störfum Al-
þingis. Sá háttur er venjulega hafður á að stjórnarand-
staðan hafi samvinnu við kjör í nefndir, en stjórnarflokk-
arnir hafa meirihluta í öllum nefndum þingsins. Nú fær
stjórnarandstaðan tvo nefndarmenn af sjö í fastanefnd-
um þingsins. Allir flokkar fá fulltrúa í fjárveitinganefnd
sem er skipuð níu þingmönnum. Þegar upp var staðið
tókst okkur kvennalistakonum að fá fulltrúa í þeim
nefndum sem við höfðum lagt áherslu á og unum því
nokkuð vel við okkar hlut.
Af níu fastanefndum efri deildar fékk Kvennalistinn
fulltrúa I sex nefndum. í neðri deild fengum við fulltrúa
I fimm fastanefndum af níu mögulegum. í sameinuðu
þingi fengum við fulltrúa í fjárveitinganefnd, félags-
málanefnd og allsherjarnefnd. Hvað varðar utanríkis-
málanefnd þá varð það samkomulag meðal stjórnar-
andstöðuflokkanna að nú í vetur myndu Alþýðubanda-
lag og Borgaraflokkur fá fastafulltrúa þar, en næsta ár
yrðu það Kvennalisti og Alþýðubandalag. Þriðja árið
Kvennalisti og Borgaraflokkur og fjórða og síðasta ár
kjörtímabilsins verður dregið um það hvaða flokkar fá
fastafulltrúa I þessari eftirsóttu nefnd. Yfirleitt er auðsótt
mál að fá áheyrnarfulltrúa I öllum nefndum og notfærðu
kvennalistakonur sér það töluvert á síðasta kjörtímabili
sem þær munu væntanlega einnig gera nú. Ákveðið
hefur verið að Kristín Einarsdóttir verði áheyrnarfulltrúi
okkar í utanríkismálanefnd í vetur og Guðrún Agnars-
dóttir til vara.
Hér á eftir fer listi yfir þær nefndir sem við fengum að-
ild að og hverjar eru fulltrúar okkar í þeim nefndum.
Ennfremur fylgja þær nefndir sem við fengum ekki full-
trúa I að þessu sinni.
Sameinað þing:
Fjárveitinganefnd — Málmfríður Sigurðardóttir, alls-
herjarnefnd — Kristín Halldórsdóttir og félagsmála-
nefnd — Þórhildur Þorleifsdóttir.
Aðrar nefndir í sameinuðu þingi eru; Atvinnumála-
nefnd og Utanríkismálanefnd — Kristín Einarsdóttir,
áheyrn og Guðrún Agnarsdóttir til vara.
Efri deild:
Landbúnaðarnefnd — Danfríður Skarphéðinsdóttir,
heilbrigðis — og trygginganefnd — Guðrún Agnarsdótt-
ir, menntamálanefnd — Danfríður Skarphéðinsdóttir,
sjávarútvegsnefnd — Danfríður Skarphéðinsdóttir, alls-
herjarnefnd — Guðrún Agnarsdóttir og félagsmála-
nefnd — Guðrún Agnarsdóttir.
Aðrar riefndir í efri deild eru; Samgöngunefnd, fjár-
hags- og viðskiptanefnd og iðnaðarnefnd.
Neðri deiid:
Samgöngunefnd — Málmfríður Sigurðardóttir, fjár-
hags — og viðskiptanefnd — Kristín Halldórsdóttir, iðn-
aðarnefnd — Kristín Einarsdóttir, félagsmálanefnd —
Kristín Einarsdóttir og menntamálanefnd — Þórhildur
Þorleifsdóttir.
Aðrar nefndir i neðri deild; Allsherjarnefnd, sjávarút-
vegsnefnd, heilbrigðis — og trygginganefnd og land-
búnaðarnefnd.
34