Vera - 01.09.1990, Qupperneq 19

Kristjana Milla lagði jafnframt
áherslu á að það væri mikilvægt
að fleiri en ein kona sæti í liverri
stjórn til þess að konur gætu stutt
hver aðra. „Ég held að karlar
hjálpi meira hvor öðrum á kunn-
ingjagrundvelli en konur. Mér
sýnist þó að konur séu að vakna
til vitundar um að þær þurfi að
nýta sér þau tengsl sem þær hafa
við aðrar konur.“ Sagt með öðr-
um orðum þá verða konur að
koma sér upp samtryggingu — í
jákvæðri merkingu þess orðs —
eigi þær að standast körlum ein-
hvern snúning.
Það er varla hægt að fjalla svo um
völd að sú spurning leiti ekki á
hvort konur vilji þau? Auðvitað
vilja konur völd að vissu marki.
Stjórnmál snúast t.d. um völd og
konur hafa á undanförnum ára-
tugum lagt mikla áherslu á að
auka hlutdeild kvenna í stjórn-
málum. Þær hafa meira að segja
stofnað stjórnmálaflokk —
Kvennalistann. Konur vilja völd
til að ná fram ákveðnum hlutum
en að öllum líkindum óttast þær
völd yfir öðrum. Konur vilja
samfélagsleg völd en óttast
persónuleg völd. Mjög fáar
konur keppa beinlínis að per-
sónulegum völdum vegna þess að
þeim finnast slík völd of dýru
verði keypt. Eða eins og Marilyn
French orðar það í bókinni
,,Beyond Poiver“: „Völd eru
manneskjunni dýr; þau takmarka
lífsreynsluna við beina og ótrufl-
aða þróun að tilteknu marki sem
ekki er hægt að ná — vegna þess
að enginn getur nokkurn tímann
öðlast nægilega mikið vald yfir."
Markviss barátta fyrir slíkum
völdum útheimtir að nær öllu sé
fórnað sem ekki leiðir til valds.
Völdin vefjast fyrir konum. Við
þurfum völd til að breyta en við
viljum ekki greiða þau mjög dýru
verði. Við ýtum konum í ,,valda-
stöður“ en komumst svo að því
að þar eru völdin ekki. Það mætti
kannski líkja völdunum við regn-
bogann. Við sjáum hann mjög
greinilega úr fjarska og ákveðum
að láta nú til skarar skríða, komast
undir hann og ná óskastundinni.
En því lengra sem við höldum
þeim mun fjarlægari sýnist hann
og þegar breyting verður á sjónar-
horninu sýnist hann óskírari.
Stundum sést hann alls ekki og
þeir sem standa undir honum vita
sjaldnast af honum.
Það hefur litla þýðingu fyrir
okkur konur að bíða eftir þeirri
óskastund þegar við höfum völd
til að framkvæma allt það sem
okkur hefur lengi dreymt um. Sú
stund mun einfaldlega aldrei
renna upp. En það gefast mörg
augnablik í lífi okkar allra sem við
eigum að handsama og nýta í
þágu kvenna. En skilyrðið er að
við losum okkur við ranghug-
myndir um framtíðina og grípum
gæsina meðan hún gefst. Það
krefst ekki mikils fórnarkostnað-
ar. Við getum haft mikil völd í
krafti fjölda okkar og samstöðu.
-isg.
Kristín Sigurðardóttir: „Hef
verulegar skyldur til að
sjá til þess að ekki verði
hallað á konur.“
Leitaðu í viskubrunninn
í Bóksölu stúdenta er á boðstólum mikið úrval kennslubóka
og gott úrval ritfanga.
En við bjóðum jafnframt mikið úrval annarra bóka um allt
milli himins og jarðar.
Auk þess pantar bóksalan bækur hvaðanæva að fyrir einstaklinga
og er ekkert sérstakt gjald tekið fyrir þá þjónustu.
Hjá okkur eru fyrirliggjandi ski'ár yfir allar þær bækur sem
fáanlegar eru frá bandarískum og breskum útgefendum,
í Þýskalandi og á Norðurlöndum.
Við þiggjum með þökkum ábendingar um áhugaverðar bækur.
bók/<\l\ /túder\tðs
Félagsstofnun stúdenta Háskóla íslands
Nýtt símanúmer - 615961
19