Vera - 01.09.1990, Blaðsíða 29

Vera - 01.09.1990, Blaðsíða 29
 merkilegt heldur varð það ein- hverskonar tómstundagaman hjá mér að læra ljóð. Ellefu ára gömul fengum við það fyrir verkefni í skólanum að læra Minni íslands, og ég spurði í einfeldni minni hvort það væri ekki í lagi ef ég lærði Helgu Jarlsdóttur í leiðinni, en það kvæði er 22 erindi. Hugs- aðu þér, núna get ég nánast ekki lært texta utan að. En ég hef lært að lifa með þetta skerta minni." Eftir aðgerðirnar fór ,,versti kúf- urinn af" eins og Guðný orðar það, efnahagurinn batnaði, yngsta barnið var orðið nokkuð sjálfbjarga og tækifæri gafst til að byrja í skóla. „Árin í öldungardeildinni fann ég mest fyrir mígreninu, sem varð til þess að ég var síðan bara einn vet- ur í Háskólanum. Ofnæmi, þrek- leysi og þess háttar grasseraði auðvitað áfram. Upp úr þessu var komið að seinni sprettinum í lífi mínu, þó það sé erfitt að tímasetja þetta nákvæmlega." Guðný fór að læra húðráðgjöf og þar sem ekkert slíkt menntunar- kerfi er fyrir hendi hér á landi var nauðsynlegt að sækja þekkinguna erlendis. ,,Á einu námskeiðinu kynntist ég sænska heilsuráðgjafanum Elisa- bet Karlde. Það má segja að hún opnaði fyrir mér nýjan heim. Hún kenndi mér að byggja upp ónæmiskerfið og vísaði mér á sænskar og finnskar bókmenntir og tímarit. Aðferðirnar sem ég komst í snertingu við á þessum tíma eru óhefðbundnar án þess þó að vera dularfullar á nokkurn hátt, og segja má að þær byggi á vísindalegum vinnubrögðum. Þar með hafði ég fengið nýjar brautir til að hugsa eftir og til gamans má nefna að þessir straumar komu afgerandi inn í líf mitt um svipað leyti og ég fór að starfa í Kvennalistanum." Með þessa nýju reynslu í fartesk- inu má segja að Guðný hafi byrjað nýtt líf. ,,Eg fór að vera meðvituð um streituþætti, eins og kvíða, reiði 29

x

Vera

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vera
https://timarit.is/publication/858

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.