Ljósmæðrablaðið - 01.12.1981, Blaðsíða 15

LJÓSMÆÐRABLAÐIÐ
119
MINNING
Sigurbjörg Júlía
Jónsdóttir
Ijósmóðir
f. 27. júlí 1904
d. 8. nóvember 1981
Sigurbjörg var fædd að Kampholti í Flóa, dóttir hjónanna
Guðrúnar Árnadóttur og Jóns Brynjólfssonar bónda Vatnsholti,
Villingaholtshreppi og viðar.
Sigurbjörg útskrifaðist úr L.M.S.Í. 30. september 1941. Réðist
hún þá sem ljósmóðir i Villingaholtshrepp, þar sem hún var ljós-
móðir til ársins 1946, en þá fluttist fjölskyldan til Reykjavíkur.
Um vorið réðist hún sem aðstoðarljósmóðir á Fæðingardeild
Landspítalans. Þar vann hún siðan til ársins 1959.
En kynni mín af Sigurbjörgu hófust í október 1954, er ég kom
nemandi í L.M.S.Í.
Árið 1952, á miðju skólaári deyr þáverandi yfirljósmóðir, Mar-
grét Guðmundsdóttir en þær Sigurbjörg voru skólasystur. Sigur-
björg var þá beðin um að hlaupa í skarðið, sem hún og gerði. Hún
var svo yfirljósmóðir til áramóta 1956—1957. Það var mikið og
krefjandi starf, sem Sigurbjörg var þarna komin i, og eins og hún
sagði mér seinna, starf sem hún hafði aldrei ætlað að taka að sér.
Enda sótti hún aldrei um þessa stöðu.
Ég ætla aðeins að lýsa störfum yfirljósmóður á þessum árum,
því með þvi móti lýsi ég einnig Sigurbjörgu.
Yfirljósmóðir Fæðingardeildar Landspítalans bjó í heimavist
É.M.S.Í., þar sem hún hafði tvö herbergi til umráða. Hún var
aðalkennari Ljósmæðraskólans, ásamt yfirlækni deildarinnar,
sem var skólastjóri. Og þar sem hún bjó í nábýli við nemana,
hafði hún einnig alla umsjón með þeim. Ég minnist engra árekstra
vegna þessa nábýlis.