Ljósmæðrablaðið - 01.12.1981, Síða 30

134
LJÓSMÆÐRABLAÐIÐ
Sjóðnum er ætlað það hlutverk, að standa straum af kostnaði
við fræðslustarfsemi sjóðsfélaga.
Einstaklingar og félög innan B.S.R.B. geta sótt um styrk til
endurhæfinganáms og námskeiðahalda. Sjóðurinn er án efa hið
merkasta framtak og styrk stoð fyrir félögin innan B.S.R.B.
Alþjóðamótið
Guðrún Björg Sigurbjörnsdóttir sagði frá ferð 9 islenskra ljós-
mæðra á alþjóðamót ljósmæðra, haldið i Brighton í Englandi
13.—18. sept. sl. Fulltrúar íslands voru Guðrún Björg og Anna
G. Ástþórsdóttir.
Stjórnarfundur norrænu ljósmæðrasambandanna
Hulda Jensdóttir sagði frá fundinum, sem haldinn var á
Álandseyjum í maí 1981. Erindi Huldu birtist hér í blaðinu, en
erindi Guðrúnar Bjargar mun birtast í 1. tölublaði næsta árs.
Formaður bar undir fundinn inntökubeiðni í Ljósmæðrafélag
íslands frá Simeona G. Munoz, ljósmóður frá Filippseyjum.
Simeona hefur hlotið starfsleyfi á íslandi. Hún er búsett á Akur-
eyri. Umsóknin var samþykkt samhljóða.
Fjáröflunarnefnd
Formaður ræddi um nauðsyn þess að afla félaginu tekna með
basar eða annarri fjáröflunarleið. Tilnefndi hún eftirtaldar Ijós-
mæður í fjáröflunarnefnd:
Soffíu Valdimarsdóttur
Ingibjörgu Stefánsdóttur
Torfhildi Þorleifsdóttur
Sigurborgu Kristinsdóttur
Jóhönnu Pálsdóttur
Önnu Þorsteinsdóttur
Ástu Hermannsdóttur.
Fleiri mál voru ekki rædd. Fundinn sátu 32 ljósmæður. Ljós-
mæður sáu um veitingarnar.
Sigurbjörg Guðmundsd., ritari