Ljósmæðrablaðið - 01.12.1981, Blaðsíða 29

LJÓSMÆÐRABLAÐIÐ
133
Haustfundur
Félagsfundur í Ljósmæðrafélagi íslands
haldinn 30. september 1981,
að Grettisgötu 89
Fundurinn var haldinn í tilefni af útskrift 12 ljósmæðra frá
Ljósmæðraskóla íslands, 26, september sl.
Formaður, Vilborg Einarsdóttir, setti fundinn og hóf mál sitt
með því að árna ungu ljósmæðrunum heilla í starfi og bjóða þær
velkomnar til samstarfs í Ljósmæðrafélagi íslands. F.h. félagsins
færði hún nýju ljósmæðrunum rósavönd ásamt lögum félagsins
og ritinu Ljósmæðrafræðsla og ljósmæðrastétt á íslandi, eftir
Sigurjón Jónsson lækni.
Félagsfréttir
Formaður sagði frá störfum fræðslunefndar. í undirbúningi er,
að halda námskeið fyrir ljósmæður, í nóvember n.k., þar sem
fræðsluefnið verði: Foreldrafræðsla og mæðraleikfimi.
Ennfremur flutti formaður fréttir frá félagsstarfi innan
B.S.R.B. Formannaráðstefna var haldin 22.—24. september sl.
Þar var fyrst og fremst fjallað um stefnu B.S.R.B. í gerð kjara-
samninga um næstu áramót.
Formaður L.M.F.I. sat ráðstefnuna ásamt Gróu M. Jóns-
dóttur, formanni launamálanefndar.
Fyrirhugaðar eru tvær ráðstefnur fyrir áramót. Sú fyrri
15.—17. október n.k., þar verður fjallað um lífeyrismál og sú
síðari 5.—7. nóvember, um starfsmál. Báðar ráðstefnurnar eru
opnar, en þátttöku þarf að tilkynna á skrifstofu samtakanna að
Grettisgötu 89.
Starfsmenntunarsjóður
Formaður kynnti tildrög að stofnun sjóðsins og las reglugerð
fyrir hann, en fjármálaráðuneytið gaf út reglugerð um sjóðinn 15.
júní 1981.