Ljósmæðrablaðið - 01.04.1983, Qupperneq 35

LJÓSMÆÐRABLAÐIÐ
35
BÓKUN
með sérkjarasamningi Ljósmæðrafélags íslands og fjármálaráðherra
f. h. ríkissjóðs 1. ágúst 1982
Verði félagi í Ljósmæðrafélagi íslands ráðinn í stöðu deildarstjóra á
sængurkvennadeildum, skulu aðilar taka upp viðræður um röðun þess
starfsheitis í launaflokk.
Munnlegt samkomulag var gert um, að ef ljósmæður með
hjúkrunarmenntun gerðust fullgildir félagar í LMFÍ tækju aðilar
upp viðræður um röðun þeirra i launaflokka.
Félagsfundur var haldinn þ. 5. júlí ’82 um nýjan sérkjarasamn-
ing. Formaður kjaranefndar Gróa Margrét Jónsdóttir kynnti
samninginn. Urðu nokkrar umræður.
Tekið skal fram að ljósmæður voru ekki alfarið ánægðar með
samninginn, sérstaklega launaflokkaskrið, en með tilliti til áfram-
haldandi viðræðna að loknum aðalkjarasamningi BSRB og lof-
orði um ívilnanir í sambandi við launaflokka skrið var samningur-
inn borinn undir atkvæði.
Var samningurinn samþykktur með öllum greiddum atkvæð-
um gegn 3 mótatkvæðum.
í lok nóvember ’82 hófust viðræður með fulltrúum ríkisins og
samninganefnd LMFÍ um endanlegan frágang sérkjarasamnings.
Ljósmæður Iögðu aðaláherslu á 6 ára starfsaldurshækkanir
fyrir öll starfsheiti innan félagsins.
Komu þessar kröfur fremur illa við samninganefnd ríkisins og
virtust helstu mótrök þeirra vera, að Hjúkrunarfél. íslands hefði
þetta ákvæði ekki inni í samningum og því ættu ljósmæður engan
rétt á þessu.
Á endanum náðist samkomulag um eftirfarandi sérkjarasamn-
ing, sem var afturvirkur til 1. ágúst ’82.
Sérkjarasamningur var undirritaður þann 9. 12. ’82.