Ljósmæðrablaðið - 15.11.2002, Síða 18

komast hjá umræðunni um heilbrigði eða að
vera í eðlilegu ástandi. Umræðan um
bamsfæðingar hefur snúist mjög mikið um að
það að hún væri venjulegur/eðlilegur atburður
en ég vil líta á þær í víðara samhengi. Einnig
vil ég skilgreina meðvitund sem hluta af lífinu
og að barnsfæðing sé ekki óvenjuleg, ekki
heldur eitthvað sem viðkemur heilbrigði.
Barnsfæðing er einfaldlega hluti af lífi
konunnar. Auðvitað kemur heilbrigði þar við
sögu en ég lít svo á að ljósmóðurstörf snúi að
hluta til að því að viðhalda góðri heilsu og
forvörnum. Kannski að koma í veg fyrir
óheilbrigði eða að eitthvað óeðlilegt komi íyrir.
Og þegar við skoðum hvernig ljósmæðurnar á
Máritíus líta á starf sitt, þ.e. að það hefjist við
getnað barnsins og endi við lífslok þess, og
skilgreinum meðvitundina enn frekar, þ.e.a.s.
lítum á hana sem hluta af lífinu, þá förum við
að sjá í samhengi hvernig barnsfæðingar og
störf ljósmæðra hafa þróast. Þau hafa þróast út
frá umhverfinu og samfélagi konunnar.
Munurinn á milli samfélaga getur verið mjög
mikill. í sumum er þáttur trúarinnar mjög
sterkur og þegar ég í rannsókn minni fór að
skoða þann þátt betur, og síðan þann
þekkingargrunn sem við byggjum á, komst ég
að þeirri niðurstöðu að við getum sagt að
ljósmóðurfræði hafi þróast út frá reglum
mannffæðinnar. Ég komst að því að svo margt
er sameiginlegt með því sem mannffæðingar
hafa skrifað um ljósmæðrastörf og þess sem
ljósmæður hafa komist að með því að stunda
mannffæðirannsóknir á störfum ljósmæðra að
ég tel að óhætt sé að segja að ljósmóðurfræði
eigi rætur að rekja til mannfræði. Við getum
farið að skoða hvert út af fyrir sig; félagsffæði
ljósmóðurfræða, stjórnmál ljósmóðurfræða,
heimspeki ljósmóðurfræða og mannfræði
ljósmóðurffæða. Allt gefur þetta okkur grunn
til að skilgreina og byggja okkar fræði á, svo
ljóst er að við eigum mikið verk fyrir höndum."
Að lokum talar Huguette um að nú þurfi að
fara að leggja ríkari áherslu á það í kennslu
ljósmæðra að við búum í samfélögum fólks af
mörgum þjóðernum og margs konar trú. Þar
sem líta þurfi á hverja manneskju út frá
heildarmyndinni og þá ekki síst með
umburðarlyndi og skilning í huga. í Bretlandi,
og víðar, sé lengri reynsla af því að búa í
slíkum þjóðfélögum heldur en hér á íslandi en
sér sýnist engu að síður að farið sé að taka
tillit til þessa í kennslu við ljósmóður-
fræðideildina. Hún klykkir síðan út með
nokkrum orðum um það hve ljósmóðurfræði
sé íjölbreytt og hrífandi ffæðigrein og að þess
vegna finnist sér svo gaman að tala svona
fjálglega um hana. Best af öllu sé þó að starfa
sem ljósmóðir.
Á meðan teknar eru myndir af Huguette úti í
garði við hjúkrunarfræðideildina, í fögru
haustveðri, er hún spurð hvort hún hafi haft
tækifæri til að ferðast eitthvað um ísland. „Nei,
því miður," svarar hún. „En mig langar svo til
þess að ég held ég verði að koma aftur."
Bryndís Kristjánsdóttir
Sykursýki á meðgöngu
Vegna mistaka í umbroti á síðasta tölublaði
vantaði texta í grein Hildar Harðardóttur læknis
um sykursýki ámeðgöngu. Því var ráðist í að
gefa hana út í sérprentuðu hefti. Upplagið
er stærra en vani er með Ljósmæðrablaðið og
er því hægt að kaupa heftið hjá LMFI.
Ljósmæðrablaðið
Nóvember 2002