Ljósmæðrablaðið - 15.12.2003, Blaðsíða 30

Árið 1932 voru samþykkt ný lög og reglugerð
um skólann, sem giltu í 32 ár. Skólinn var
skírður Ljósmæðraskóli Islands og yfirlæknir
og yfirljósmóðir urðu aðalkennarar.
Námstíminn var lengdur í 1 ár.
Árið 1964 voru ný lög um skólann samþykkt.
Yfirlæknir fæðingadeildar varð skólastjóri og
yfirljósmóðir aðalkennari. Skólinn var 2 ár
og tilheyrði áfram Heilbrigðisráðuneyti og
var í tengslum við fæðingadeild Landspítala
en Ljósmæðrafélagið vildi færa skólann undir
Menntamálaráðuneytið.
Við útskrift íyrsta hóps ljósmæðra eftir að ný
lög voru samþykkt, talaði yfirljósmóðir um
að lengja þyrfti skólann um eitt ár í viðbót,
en skólinn í Danmörku var 3 ár.
Árið 1972 voru sett lög um Nýja
hjúkrunarskólann og var ljósmæðrum gefinn
kostur á að ljúka hjúkrunarnámi á 2 árum og
2 mánuðum.
Árið 1982 er ákveðið með reglugerð að
heilbrigðisráðherra ákveði inntökuskilyrði í
Ljósmæðraskóla Islands og frá og með
haustinu er inntaka bundin því skilyrði að
umsækjendur hafi lokið prófi í hjúkrunarfræði.
Meginforsendur fyrir þeirri breytingu voru
þær að ljósmæðranám á íslandi var langt á
eftir því sem var að gerast í kring um okkur
en t.d. á Norðurlöndum var hjúkrunarpróf
undanfari ljósmóðurnáms nema i Danmörku.
Krafa hafði verið í mörg ár um að bæta
inl Liósmæðrablaðið
Desember 2003
menntun ljósmæðra og eina leiðin sem var
fær þá var þessi. Einnig vildu ljósmæður geta
starfað á breiðari grunni innan
heilbrigðisþjónustunnar en starfsleyfi þeirra
gaf tilefni til.
Árið 1986 lagði ný neínd á vegum heilbrigðis-
og tryggingamálaráðherra fram tillögur að
frumvarpi þar sem gert er ráð fyrir að
skólastjóri eigi að vera ljósmóðir með BS próf
í hjúkrunarffæði. Þetta ffumvarp var ekki lagt
fram.
Árið 1989 sendi menntamálaráðuneyti bréf
til Háskóla íslands árið 1989, þar sem leitað
er til námsbrautar í hjúkunarfræði í samráði
við Ljósmæðraskóla íslands um hugsanlega
tilhögun Ijósmæðramenntunar innar hennar
vébanda.
Árið 1993 var nefnd skipuð til að gera tillögur
um flutning ljósmæðramenntunar frá
heilbrigðis-og tryggingamálaráðuneyti til
menntamálaráðuneytis. Hún skilaði áliti árið
1994. Ákveðið var að inntökuskilyrði yrði
áfram hjúkrunarfræðipróf en einnig var lögð
fram tillaga um að athugaður yrði sá möguleiki
að samþætta grunnnám í ljósmóðurfræði við
nám í hjúkrunarfræði og þar með að stytta
námstímann.
Árið 1994 voru lög um Ljósmæðraskóla
íslands frá 1964 lögð niður og síðasta útskrift
úr Ljósmæðraskóla íslands fór fram um
haustið.
Árið 1995 berst bréf ffá menntamálaráðherra
til rektors Háskóla íslands, þar sem þeim
tilmælum er beint til Háskólans að á vegum
námsbrautar í hjúkrunarfræði verði menntun
ljósmæðra undirbúin með það fýrir augum að
kennsla hefjist í janúar 1996. Ný námskrá í
ljósmóðurfræði var samþykkt á fundi
námsbrautarstjórnar í hjúkrunarfræði í
desember 1995.
Árið 1996 hófst nýtt nám i ljósmóðurfræði
við Háskóla íslands og ljósmæður tóku sjálfar
að sér að stýra námi sínu sem er ein af
forsendum þess að stéttin sé skilgreind sem
fagstétt. Fyrstu ljósmæður ffá H.í. útskrifuðust
1998.
Árið 2003 voru 5 ár frá fyrstu útskrift
ljósmæðra við Háskóla íslands.