Ljósmæðrablaðið - 15.12.2003, Blaðsíða 32

* Ungt fólk i dag hugsar meira um hagkvæmni
þegar það velur eða leggur fyrir sig nám.
Þannig er órökrænt að leggja fyrir sig 6 ára
nám, þegar staðreyndin er sú að launin eru
ekki meiri en raun ber vitni.
* Félagsmótun innan námsins er mikilvæg til
að útskrifa einstaklinga með sterka
ljósmóðurímynd. Þessum þætti er erfiðara að
gera skil þegar þegar einstaklingur hefúr mótast
sem hjúkrunarfræðingur áður en hann hefur
ljósmóðurnám.
*Yngri ljósmæður við útskrift, eru líklegri
til að bæta við sig námi til að öðlast meistara
eða doktorsgráðu sem er forsenda þess að
greinin verði sterk innan háskólasamfélagsins
sem styrkir líka sjálfstæði hennar og ímynd í
samfélaginu.
*Margir bæði hjúkrunarfræðingar og
almenningur líta á ljósmóðurfræði sem sérgrein
hjúkrunar sem kannski er eðlilegt þegar
fyrirkomulag námsins er eins og það er.
Ljósmæður leggja þó áherslu á að svo er ekki
og skilgreina sig sem fagstétt og ljósmóðurffæði
sem fræðigrein (sjá grein Hildar Kristjánsdóttur
í síðasta Ljósmæðrablaði frá árinu 2002). Við
það að breyta náminu í grunnnám til BSc.gráðu
hefur það ákveðinn stað í kerfinu með öðru
grunnnámi í heilbrigðisvísindum , auðveldara
yrði að að færa rök fyrir sjálfstæði þess og fara
fram á að ljósmóðurfræðin verði skor innan
Hjúkrunarfræðideildarinnar.
* Fjögurra ára grunnnám gæfi möguleika á að
bæta ljósmóðurfræðinámið til muna, ekki síst
vegna þess að meiri tími ætti að gefast til að
kenna grunngreinar ljósmóðurfræðinnar og
IJósmæðrablaðið
Desember 2003
leggja meiri áherslu á kyn og kvenheilbrigði
og ýmsar forvamir eins og krabbameinsleit og
getnaðarvarnarráðgjöf. Einnig má nefna
brjóstagjafaráðgjöf, erfðaráðgjöf og ráðgjöf
vegna fósturgreiningar. Einnig skapast
möguleiki til að bjóða upp á valnámskeið eftir
áhuga t.d. á sviði foreldrafræðslu, kennslu í
að undirbúa sjálfstæðan rekstur og í
rannsóknum í ljósmóðurfræði.
* Við breytingu sem þessa er hægt lengja
klíníska námið, þannig að nýútskrifaðar
ljósmæður verði með fleiri fæðingar að baki
við útskrift og meiri þjálfun í meðgönguvernd
og umönnun í sængurlegu. Þær yrðu fyrr
sjálfstæðari og þyrftu styttri aðlögun í starfi
eftir útskrift. Þá væri hægt að verja lengri tíma
í klínísku námi í heimahúsum og heilsugæslu.
Hugmyndir um skipulag nýrrar
námsskrár í ljósmóðurfræði á íslandi
Hugmyndir um skipulag nýrrar námsskrár em
á frumstigi og eiga eftir að mótast.
Eins og áður sagði er gert ráð fyrir fjögurra
ára námi til BSc gráðu og nemendur yrðu
sennilega valdir í námið með inntökuprófi eða
viðtölum og ritgerð.
Tvö ár ár yrðu samnýtt með hjúkrunarfræði
þ.e. ljósmæðranemar tækju sameiginleg
námskeið með hjúkrunarnemum, aðallega
fyrstu árin í grunngreinum heilbrigðisgreina
svo sem líffærafræði, lífeðlisfræði og einnig
í almennri hjúkrun og síðar í hjúkrun
bráðveikra, heilsugæsluhjúkrun og fleira.
Einnig myndu námskeið í tölfræði og
aðferðaffæði vera sameiginleg en lokaverkefni
í ljósmóðurfræði yrði sér og gæti verið misstórt
eftir vali nemenda.
Strax á fyrsta ári yrði byrjað að kenna
ljósmóðurfræði, með það í huga að styrkja
ljósmóðurvitund frá upphafi námsins. Þáttur
ljósmóðurfræðinnar mundi síðan aukast og
klínískt nám hefjast strax á öðru ári.
Gert er ráð fyrir að auðvelt verði fyrir
ljósmóðurnema að bæta við sig einingum til
að geta líka útskrifast sem hjúkrunarffæðingar.
Viðbótarnámstími gæti orðið eitt til tvö ár.
Einnig verður áfram gert ráð fyrir að
hjúkrunarfræðingar geti bætt við sig
ljósmóðurnámi á svipaðan hátt og verið hefur.
Engum dyrum verður lokað ef áhugi er fyrir
því að hafa tvöfalt starfsleyfi bæði sem
ljósmóðir og hjúkrunarfræðingur.
J