Almanak Hins íslenska þjóðvinafélags - 01.01.1986, Blaðsíða 180

Þingeyjarsýslur. Á Pórshöfn voru teknar í notkun fjórar
íbúðir í verkamannabústöðum og hafin var bygging fjög-
urra til viðbótar. Lagt var bundið slitlag á götur. — Á
Raufarhöfn er sundlaug í byggingu. — Á Kópaskeri var
flugbrautin lengd um 200 m. — Á Húsavík var lokið við að
steypa upp íþróttahúsið nýja og langt komið byggingu 12
íbúða fjölbýlishúss eftir verkamannabústaðakerfinu. ís-
framleiðsluhús Fiskiðjusamlagsins var í smíðum. Gamli
Húsavíkurbærinn var brenndur niður. — Á Grenivík er
skólahús í byggingu.
Eyjafjarðarsýsla. Á Akureyri var lokið við smíð 99 íbúða
á árinu (árið áður 130). Hafin var smíð 30 íbúða (22), en
119 íbúðir voru í smíðum í árslok (188 í árslok 1983).
Svæðisíþróttahús Norðausturlands var tekið í notkun, en er
ekki fullgert. Lokið var framkvæmdun við 2. áfanga Verk-
menntaskólans og 19. desember var 1. áfangi Síðuskóla
tekinn formlega í notkun. Utvarpshús við Fjölnisgötu var
tekið í notkun, einnig skrifstofuhús Landsvirkjunar við
Glerárgötu. Mikið var unnið við hús verkalýðsfélaganna
við Skipagötu. Nokkur iðnaðarhús við Draupnisgötu voru
fullgerð. 1. júní var tekin fyrsta skóflustunga að nýrri kirkju
við Arnarsíðu. Hún verður nefnd Glerárkirkja. Byrjað var
á framkvæmdum við nýtt verksmiðjuhús Sjafnar við Aust-
ursíðu. í Kjarnaskógi er verið að byggja heilsuhæli Náttúru-
lækningafélagsins. - Á Dalvík var unnið við íbúðir í verka-
mannabústöðum og nýtt verzlunarhús. — Á Ólafsfirði var
ný fiskimjölsverksmiðja reist á árinu og tekin í notkun í
desember. — í Siglufirði er dvalarheimili aldraðra í bygg-
ingu og heimili fyrir þroskahefta. — í Grímsey byggja menn
sundlaug.
Skagafjarðarsýsla. í Sólgörðum í Fljótum er nýtt skóla-
hús í byggingu. — Á Hofsósi flutti Búnaðarbakinn í nýtt
húsnæði í maí. — Á Sauðárkróki var í júní byrjað á að reisa
hús fyrir steinullarverksmiðju og gengu þær framkvæmdir
mjög vel. Þar er í byggingu íþróttahús og heimavist fyrir
Fjölbrautaskólann. — í Drangey var reist hús.
Húnavatnssýslur. Á Skagaströnd var unnið að gerð drátt-
(178)