Freyr - 15.02.1946, Qupperneq 5

Á Bessastaðabúi
Um langan aldur hafa Bessastaðir talizt
meðal höfuðbóla landsins. Frægðarljómi
sá, sem sveipar þennan stað, stafar þó ekki
frá söguöld, heldur frá þeim tímum þegar
Bessastaðir voru amtmannssetur og þó ef
til vill ennþá fremur frá því skeiði, sem
latínuskólinn átti heimili þar. Á Bessa-
stöðum var amtmannssetur í 120 ár, eða
frá 1684—1804, en latínuskólinn átti þar
heimili í 41 ár, eða frá 1805—1846.
Nafnið Bessastaðir er stórt hugtak í
almenningsálitinu og einatt hefir verið
minnst á þann stað með virðingu. Því
verður það að teljast vel til fallið, að
Bessastaðir voru valdir sem heimili æðsta
valdsmanns íslendinga — ríkisstjórans—og
eftir stofnun lýðveldisins — forseta íslands.
Staðurinn er ekki lengra frá höfuðborginni
en það, að auðvelt er að fara á milli til
embættisstarfa og hið kyrrláta umhverfi,
fneð víða útsýn og margþætt náttúruskil-
yrði, gera vistina þar fjölbreytta og aðlað-
andi.
Þar er vogur og sund. Þar trítlar bára
við strönd. Þar kvaka fuglar við fjörur,
en á landi þekur gróðurinn yfirborð jarðar
fram á sjávarbakka og búféð nytjar gró-
andann til hagsbóta þeim, sem búnaðinn
stunda.
Á Bessastöðum er víður sjóndeildar-
hringur. í góðu skyggni er opin útsýn til
Snæfellsjökuls og Snæfellsnesfjallgarðsins
í norðri. í norð-austri rísa fjöllin beggja
megin Hvalfjarðar og Esjan gnæfir yfir
húsþök og reykháfa Reykjavíkurbæjar, en
í suð-austri og suðri getur að líta hinn
úfna fjallgarð Reykjanesskagans, sem oft
er sveipaður blámóðu, með Keili og aðra
tinda gnæfandi yfir hraunið.
Á þessum fagra stað og fræga er heimili
forsetahjónanna — veglegasta heimili
landsins á vorum tímum.