Dagblaðið Vísir - DV - 12.11.2005, Blaðsíða 40

40 LAUGARDAGUR 12. NÓVEMBER 2005
Helgarblað DV

iw
Morðá
tjaldstæði
Síðastliðinn þríðjudag varhinn 38
ára gamli Edward Leon Fields
dæmdur til dauða fyrir hrotta-
fengin morð á ungum hjónum af
dómstólum l Oklahoma. Það var
þann tlunda júlí2003 sem Charles
og Shirley Chick tjölduðu á tjald-
stæðinu við Winding Stairs. Þau
voru ein á tjaldstæðinu. Meðan
þau nutu síns síðasta sólseturs
læddist Fields um í skóginum með
ríffil á bakinu. Fyrsta skotið reið af
stuttu síðar og hafnaði undir
vinstra auga Charles. Shirley hljóp
þá afstað til að reyna að bjarga
sér en Fields skaut hana í fótinn.
Hún komst þó að bílnum sínum en
þar náði Fields henni. Hann skaut
hana í hausinn og svo einu sinni
enn til að vera viss. Síðan sneri
hann aftur á tjaldstæðið og gekk
frá Charles. Daginn eftir hélt hann
til vinnu eins og ekkert hefði I
skorist. Hann var handtekinn viku
síðar eftir nafnlausa ábendingu.
Myrt vegna
marijuana
Hinn sautján ára gamli Scott Dy-
leski neitaði fyrir rétti I Kaliforníu
á miðvikudag að hafa drepið ná-
granna sinn. Þrátt fyrir það bendir
ekkert tilannars en að hann verði
fundinn sekur. Meðal annars vitn-
ar móðir hans gegn honum. Hin
myrta hét Pamela Vitale og var
eiginkona þekkts lögmanns og
sjónvarpsmanns I Bandaríkjunum,
Daniel Horowitz. Þann fimmtánda
október slðastliðinn fór Scott að
heimili hjónanna til að sækja tæki
til að rækta marijuana, en þau
hafði hann pantað með stolnu
kreditkorti og látið senda á heim-
ili hjónanna til að sinir eigin for-
eldrar uppgvötvuðu ekki fikni-
efnaneyslu hans. Pamela áttaði
sig hins vegar á hvað var í gangi
og upphófst rifrildi milli þeirra
sem endaði með dauða hennar.
Nauðgari
myrtisitt
eigið unga-
barn
Fyrir rúmum
fimm árum
nauðgaði
Curtis Grayer
ellefu ára
gamalli stjúpdótt-
ursinni. Hún varð ólétt og Grayer
varð örvæntingarfullur. Hann
sparkaði itrekað í magann á henni
á meðgöngunni til að reyna að
valda fósturíáti. Allt kom fyrir ekki
og barnið kom i heiminn. Grayer
neitaði hins vegar að fara með
stúlkuna á spítala og tók sjálfur á
móti barninu á heimili sínu. Þvi
næst myrti hann barnið og henti
þvi i nálæga á. I tvö ár hélt hann
áfram að búa með stelpunni og
móður hennar. Árið 2002 komust
ættingjar hins vegar á snoðir um
málið og létu lögreglu vita. Á
fimmtudaginn var Grayersvo
dæmdur. Hann fékk lífstíðarfang-
elsi fyrir morðið og tuttugu ár i
viðbót fyrír nauðgunina.
Árið 1951 voru þau Raymond Martinez Fernandez og Martha Beck líflátin í raf-
magnsstólnum í New York. Saman höfðu þau drepið um tuttugu konur á þriggja
ára tímabili. Raymond komst í kynni við konurnar í gegnum bréfaklúbb fyrir ein-
mana fólk, vann ástir þeirra en féflétti síðan. í sameiningu losuðu Raymond og
Martha sig við sönnunargögnin fyrir fullt og allt.
Drápu ytir tuttugu
einmana knnur
Þau voru kölluð hveitibrauðsdaga-morðingjarnir. Saman áttu
þau sök á dauða um tuttugu einmana kvenna. Kvenna sem dóu
í leit að hamingjunni. Raymond Martinez Fernandez og Martha
Beck enduðu líf sitt í rafmagnsstólnum eftir grimmileg
fjöldamorð á fimmta áratug síðustu aldar. Fæstir skildu hvað
dreif skötuhjúin áfram í morðæðinu og enn færri skildu ástina
sem batt offitusjúklinginn Mörthu Beck og Spánverjann
Raymond saman.
Raymond Martinez var 34 ára
gamaíl þegar hann komst í kynni
við Mörthu Beck. Eftir að hafa lent
í fangelsi uppgötvaði Raymond
hina fullkomnu leið til að ná sér í
pening án þess að vinna. Hann
komst í kynni við einmana konur í
gegnum bréfaklúbb sem hét „The
lonely hearts club“. Raymond
trúði á vúdúgaldra sem gerðu hon-
um kleyft að ná tangarhaldi á kon-
um.
Áður en Raymond sendi Mört-
hu fyrsta bréfið hafði hann féflett
tugi kvenna sem héldu að loks
hefðu þær fundið hamingjuna.
Þjáðist af offitu
Martha Beck, 29 ára, hafði átt
erfitt líf. Hún þjáðist af offitu frá
barnsaldri og við réttarhöldin
nokkrum áður síðar lýsti hún grófu
einelti jafnaldra sinna og misnotk-
un á heimili sínu. Martha þráði
alltaf betra líf. Hún átti tvö börn
með tveimur mönnum. Annað
með hermanni sem reyndi að
fremja sjálfsmorð þegar hún sagði
honum frá barninu og hitt með
miðaldra kaupsýslumanni sem yf-
irgaf hana eftir stutt samband.
Martha vann á hjúkrunarheim-
ili þar sem iðulega var gert grín að
henni. Einn vinnustaðahrekkur-
inn gekk út á að skrá hana í klúbb
einmana hjarta.
Sakamál
Fann ástina
Það liðu þrír mánuðir án þess
að nokkur hefði samband við
Mörthu. Á endanum var það
Raymond Martinez, þá peninga-
laus og í leit að nýju fórnarlambi,
sem sendi henni bréf. Martha
trúði því að þarna væri riddarinn á
hvíta hestinum kominn. Eftir
ástríðufull bréfaskrif hitti hún
loksins Raymond. Loksins var
kominn maður sem gat fullnægt
Mörthu. í réttarhöldunum yfir
henni veigruðu hörðustu slúður-
blöðin sér við að birta berorðar
lýsingar hennar af kynlífi hennar
og Raymonds.
Losaði sig við börnin
Tryggð Mörthu og aðdáun á
Raymond var svo sterk að hún
setti börnin sín á barnaheimili og
náði aldrei aftur í þau. Þrátt fyrir
að Raymond segði henni frá iðju
sinni trúði Martha því að hlutverk
hennar væri að standa við hlið
Raymonds. Hún gekk inn í líf svika
og pretta. Allt til að þjóna mannin-
um í lífi sínu.
Sjálfur varð Raymond á undar-
legan hátt bundinn þessari konu.
„Skiptir einhverju
máli hverjum þetta er
að kenna? Saga mín
er ástarsaga, en að-
eins þeirsem sjálfir
eru kvaldir afást
skilja hvað ég á við."
Þau bönd urðu sterkari eftir því
sem fórnarlömb þeirra hrönnuð-
ust upp.
Svik og prettir
Raymond og Martha léku yfir-
íeitt sama leikinn. Raymond kom
sér í tengsl við konur í gegnum
bréfaklúbbinn. Þegar hann fór síð-
an að hitta konurnar tók hann
Mörthu með sér sem þóttist vera
systir Raymonds. í fyrstu var ætl-
unin ekki að drepa neinn en eftir
því sem Martha horfði upp á elsk-
huga sinn með fleiri konum
flæddu bylgjur reiði og ástríða um
líkama hennar. Á endanum þoldi
hún ekki meira og eftir að hafa
horft upp á Raymond afklæði 66
ára gamla ekkju greip hún hamar
og réðst á konuna. Fyrsta fórnar-
lambið varð staðreynd en hvorki
Martha né Raymond fundu til eft-
irsjár. Þarna var komin góð leið til
að hylja slóð þeirra.
Óvenjulegur morðingi
Þrátt fyrir að um tuttugu konur
létu lífið fyrir hendi Mörthu og
Raymonds tókst lögreglunni ekki
að hafa hendur í hári þeiría. Ekki
fyrr en að kvöldi 28. febrúar 1949
þegar Raymond sagði brosandi við
yfirheyrslur: „Ég er enginn venju-
íegur morðingi."
Fyrr um kvöldið höfðu hann og
Martha orðið 41 árs gamallri konu
að bana.
Drápu barn
Konan hét Delphine Dawning
og hafði fallið fyrir töfrum
Raymonds. Eftir að Martha hafði
gefið Delphine svefntöflur skaut
Raymond hana með skammbyssu
í höfuðið. Því næst grófu þau líkið
í kjallara hússins. Á meðan öllu
þessu stóð horfði tveggja ára dótt-
ir Delphine á morðið á móður
sinni. Til að koma í veg fyrir að
grátur barnsins heyrðist út fyrir
hússins dyr drekkti Martha barn-
inu meðan Raymond gróf aðra
gröf í kjallaranum.
Seinni gröfin öllu minni en sú
fyrri.
Úr kvikmyndinni Honeymoon killers Gerð var blómynd um ævi drápshjónanna.
Raymond Martinez og Martha Beck
Drápu samtals um tuttugu konur.
Pecora dómari Dæmdi Raymond og
Mörthu I rafmagnsstólinn.
Fengu sér popp og kók
Það sem varð Raymond og
Mörthu að falli var að eftir morðið
á Delphine flúðu þau ekki af vett-
vangi. Þau ákváðu að skella sér í
bíó skammt frá húsinu og fengu
sér popp og kók án þess að sýna
nokkra iðrun. Eftir bíóið fóru þau
aftur á morðstaðinn til að stela
verðmætum. Það var þá sem lög-
reglan barði að dyrum vegna til-
kynningar um hávaða í húsinu.
Loksins var endir bundinn á
morðæði Raymonds og Mörthu.
Dæmd til dauða
Réttarhöldin yfir hveitibrauðs-
daga-morðingjunum urðu nánast
að farsa. Árið 1951 hófust vitna-
leiðslur og kepptust öll blöð, bæði
slúðurblöðin og þau virðulegi, um
að gera málinu sem best skil.
Offita Mörthu var ýkt og skrum-
skæld og frásagnir af villtri kynlífs-
hegðun hennar og Raymonds voru
á allra vörum. Eftir því sem leið á
réttarhöldin varð krafan um
dauðarefsingu æ háværari. Al-
menningur kallaði á blóð og dóm-
stólarnir svöruðu.
Hearts Killers Calm
As Jury Dooms Them
lif r.l-t-4 t-UL l ««» A
I*r K4« Ik»!«í J-v b.;i t *ir
Itrrjf l«f, mu (• m i(4 .1 » í).V V «►<»• • , •> 'I
1« iti l>« **wt n ,;**«■) k *T (wV ú r-'ítr .* i*i «.••! *
Fjölmiðlar æstir Mál Mörthu og Raymonds
fékk gríðarlega athygli.
Myndir af Mörthu og Raymond Teknar
þegar þau voru sett f varðhald.
Elskuðust til enda
Raymond og Martha elskuðu
hvort annað til hinsta dags. Þau
dóu líkt og þau kynntust. Ástfang-
in og áhyggjulaus. Með bros á vör.
í síðustu tilkynningu sinni til fjöl-
miðla sagði Martha. „Skiptir ein-
hverju máli hverjum þetta er að
kenna? Saga mín er ástarsaga, en
aðeins þeir sem sjálfir eru kvaldir
af ást skilja hvað ég á við. Það hef-
ur verið máluð mynd af mér sem
feit og tilfinningasnauð kona. En
ég er ekki heimsk eða fávís... Hvað
hafa margir glæpir mannkynssög-
unnar verið ástríðuglæpir?"
r