Freyr - 15.05.1972, Blaðsíða 19

^bvírE S(CU.R Ltí.
Tvöfalt acrylgler.
mikilsvert er að geta haldið öruggum hita,
t. d. uppeldishúsa og húsa til ylræktar á
laukum og hnýðum, er ekki úr vegi að lýsa
þeim að nokkru (skýringarmynd). Þykkt
plötunnar er 1,5 mm á báðum hliðum. Á
milli eru holrými, sem orsaka mjög góða
einangrunarhæfni. Hitatap gegnum plöt-
urnar er talið vera um það bil helmingur
af því, sem er á 4 mm gleri. (Gler 4 mm
kv = 5,5, plötur 2,7). Plöturnar eru 1,2 m
á breidd og 3,3 m á lengd. Þessar plötur
hafa verið reyndar í nokkur ár og ekkert
komið í ljós um minnkandi ljóshæfni
þeirra né gæðarýrnun á nokkurn hátt. Þar
sem olía eða hliðstætt eldsneyti er notað,
er talið, að sparnaður á því sviði sé a. m. k.
30—40%. Ennfremur má reikna með, að
hægt sé að komast af með mun minni hita-
lögn eða sem svarar 30—40%. Hins vegar
kemur á móti, að plöturnar eru mjög dýrar.
Þær kosta um 25 DM frá framleiðanda
(Röhm í Darmstadt, Þýzkalandi) svo að
hætt er við, að verð hér yrði um 1000 kr.
ísl. á m2.
Þess hefur orðið vart víða um lönd, að
hin nýju efni, sem hugsað er að leysi gler
af hólmi í gróðurhúsabyggingum, hafa
ekki verið í náðinni hjá ýmsum ráðamönn-
um á þessu sviði. Margt í gagnrýni þeirra
á þessum efnum hefur eflaust verið á rök-
um reist, en hins vegar hefur átt sér stað
stöðug þróun í framleiðslu þessara efna,
þannig, að gæði hafa farið jafnt og þétt
vaxandi og svo hitt, að verðlag þeirra hefur
orðið miklum mun samkeppnishæfara með
árunum, og er þess að vænta, að þessari
þróun sé engan veginn lokið. Þess vegna
er öllum þeim, sem um þessi mál fjalla og
eiga hagsmuna að gæta, nauðsynlegt að
fylgjast með framvindu þeirra á komandi
árum.
Ráðningarstofa landbúnaðarins
er starfrækt á vegum Búnaðarfélags Islands og er opin allt árið. — Dagleg
afgreiðsla er virka daga frá kl. 9—12 og 13—17, nema á laugardögum.
Hlutverk ráðningarstofunnar er að aðstoða bændur við ráðningu verkafólks,
þ. e. unglinga og fullvaxinna manna og kvenna, til hverskonar sveitastarfa.
Milligöngu um vistun barna — yngri en 12 ára — getur ráðningarstofan
ekki sinnt.
Nauðsynlegt er, að bændur í fjarlægum sveitum hafi umboðsmenn í Reykja-
vík, er ráðningarstofan getm- snúið sér til í sambandi við upplýsingar, sem
vinnuveitandi og vinnuþiggjandi gagnkvæmt óska að fá, áður en ráðningar
eru bundnar fastmælum.
RÁÐNINGARSTOFA LANDBCNAÐARINS
Sími 19200 — Reykjavík
F R E Y R
211